Marko 1:22 - Katɔti Ɔku Kedee

²² Ɔ́bla bekyuli bani nénu nwuna ala bɔtina kalɛ kadi, ɔsika uuuse aani ama bani baatina ɔda bubo. Mmomu ni, ɔɔtina ala ku ɔyikun taasiku nwuna kayi kemmo.

Marko 1:22 Referans Kwoze

Mateo 13:54

Na úsie útéduo nwuna ɔma. Mmɔ na ɔ́tina ala na bana kasalakɔ. Na bekyuli bani nénu ala ani na ɔ́tina ni, ɔ́bla-ma dɛye dɛye. Amu na béye lɛlɔ banini, “Wɛ na ɔ́kɛ nwuna lɛlati lɛmɛni ɔ́siku? Na wɛ na ɔ́kɛ ɔyikun ɔni na ɔda ɔɔbla akɔla budie taatina amɛni udu?

Yohane 7:46

Amu na ama bédie kenye banini, “Bútenu ka ukyuli ɔdi ɔtɛmi aani ukyuli ɔmɛni kudii!”

Luka 4:32

Na nwuna butemi ku ɔyikun ɔsu ni, nwuna ala bɔtina bɔ́bla bekyuli bammɔ dɛye dɛye.

Yeremia 23:29

Mina etemila ebo ɔyikun aani ogya. Na ese aani lɛbuala bonwu lɛni na beeti teebo atakpɛ teegyingya.

Korintoƒuɔ 2 4:2

Búdie abɛla ku kɔƒa ala bɔbla atu. Na bulányi ɔkɔ taabla kabla kadi na bulátu Katɔti litemi lɛmmɔ teenwini. Bɔɔsu litemi buni lɛmmɔ nwaa na Katɔti anumi kalɛ na ukyuli biala ɔdubɔnu bula ɔbladu buni ɔti.

Batalane Kabla 6:10

Nsu bana akɔ ɔdi biala útakana-nwu kenye bunye ɔ́si nwuna lɛnunda ku litela lɛni na Katɔti Kɔyu kúte-nwu ɔsu.

Luka 21:15

Ɔsika ndubuti kenye ogya etemila ku lɛnunda lite-mii kalɛ na bina bekisine badi balakana bunye bɔsiaku-mii iye batɛmi bedie-mii kudii.

Marko 1:23

Uwi ɔmmɔ kani kemmo ni, ɔnana ɔdi ɔni na kɔyu kukpidi kulie-nwu lɛlɔ ɔkya kasalakɔ mmɔ na ɔ́va momoomo ɔnini,

Luka 2:47

Na bani nénu-nwu ala kenye budie ni, ɔ́bla-ma dɛye dɛye na lɛlati bonwu lɛni udu na ɔda uudie ala ani beeye-nwu kenye ɔsu.