Malakai 4:3 - Katɔti Ɔku Kedee

³ Uwi ɔni na ndububo mbatɛ litemi mmɔ ni, bɛdubɔnya bɛvi bekyuli bekpidi lɛlɔ bisusu aani si ntɔ na badi na bina lɛgba kalɔ. Ami, Unwoti Ɔyikune Ƒui, násu!

Malakai 4:3 Referans Kwoze

Hiob 40:12

Sia bana ƒui anumi, na ayila balalane bammɔ ƒui udu.

Romaƒuɔ 16:20

Katɔti ɔni muute keyi buɛɛ ɔdubususu ukisine ɔmmɔ kpɛtɛ kpɛtɛ na ɔya na bɛdi-nwu lɛlɔ na uwi klukui kemmo. Blɔti Yesu Kristo lɛƒɔndia lɛsiaku-mii.

Malakai 3:17

Mmɔ na Unwoti Ɔyikune Ƒui ɔ́su ɔnini, “Amii bekyuli bamɛni bɛ́ƒɔ-mi kuye geen, na si uwi ɔni na líbo mbatɛ litemi ni, ndubo-mii bɔgyumana kalɛ kani na bawɔne baagyumana bana ubi ɔni muunú-ma litemi.

Sakaria 10:5

Badubo bubunku na kekpo kammɔ kemmo na badubɔsala lɛlɔ na badi bana bekisine lɛlɔ na besusu-ma bakya lɛgba kalɔ aani aba. Badubo bukpo, ɔsika ami Unwoti ndubunye-ma kama na besusu bana bekisine bekpone bapɔnkɔ beliene bammɔ kpɛtɛ kpɛtɛ.

Mika 7:10

Amii mina bekisine bani mɔɔsu bɛnii, “Unwoti ɔɔɔdubo-nwu bɔkana bubunku” ni, bɛdubɔnu ɔmɛni na kɔƒa kukpo-mii. Na ami mmomu ndubo bɔnu kalɛ na bɛdubo bubuli na banya-mii bavi aani ulu ntɛ aba.

Mika 5:8

Ɔƒaani ni, bekyuli négyingya-ma bákya kalɔ ekpo ekpo ƒui. Nsu kama ni, badubɔta na bekpo bana bekisine aani kalɛ na gyata ɔni néti kɔnyi geen ɔɔta teetéƒie koƒonu. Na begyingya bana bekisine bammɔ kɔkɛ kɔkɛ ɔni na ukyuli ɔdi ulakana-ma bɔƒɔ.

Yesaia 26:6

Lɛgba na badubɔnya mmɔ bavi na bawabane ku bekyuli bani mmomu na baanya taakya ndubɔkɔ-ma lɛlɔ bavi.”

Budie Taatina 14:20

Na ɔ́ni-ma kɔtu na ɔma ɔmmɔ kabanye aani kalɛ na baamana ntu teedie ebi ammɔ kemmo. Na ubugya ɔ́gba ɔ́si mmɔ, na ɔ́ƒɔ kalɛkɛ kammɔ ƒui. Na ubugya ɔmmɔ bɔgyu ɔdubudu ukyuli limɔ.

Budie Taatina 11:15

Ɔmmɔ kama ni, Katɔti ɔtu maatɛdi ɔ́vwi nwuna kakpɛɛ. Na línu ka bekyuli pii báva na katɔ mmɔ básu banini, “Kayawi lɛga kadikɔ ƒui kénwini bula Unwoti Katɔti ku nwuna Ukyuli Ɔƒunadi kadi! Na ɔdubo lɛlɔ bɔdi ɔ́si ɔƒɛni úsela ƒui!”

Daniel 7:27

Ɔmmɔ kama ni, lɛga kadikɔ kani ndi kenengudi ƒui kadububo kete Katɔti ɔni ntulo ƒui bekyuli baƒunadi. Na nwuna lɛga kadikɔ kammɔ kadubuse keteesie uwi ƒui, na bakladi ƒui badubo-nwu lili kalɔ bɔkya na benu-nwu litemi na babla-nwu kabla.”

Daniel 7:18

Nsu Katɔti ɔni ntulo ƒui ɔdubo nwuna lɛga kadikɔ buti bute bekyuli bani na ɔ́ƒuna na kenwini ama kadi úsela uwi ƒui.”

Esekiel 28:18

Ánya beyedine bamba ákya ɔni náya na bina kɔkpakɔ kɔmmɔ ƒui kuusé lɛlɔ. Anwuɔsu na lɛ́kya ƒula ɔma unengudi ɔmmɔ ogya na ntɔ sɔɔn kani na ukyuli biala ɔɔnu na kesii kani na nka ƒula ɔma unengudi ɔmmɔ uwi mmɔ.

Yesaia 25:10

Unwoti ɔlati kɔnu kɔdubɔgyumana kɔbi kɔmɛni. Nsu badubɔnya Moab kadi bekyuli ama bakya aani kalɛ na bebuo baanya keti taakya libi akɔ.

Kɔgya 91:13

Adubɔdi bagyata ku balakpi bekpidi ƒui lɛlɔ na balakana-a lɛla lɛdi bɔbla.

Samuel 2 22:43

Mmɔ na lɛ́kɔ-ma lɛ́bla kpɛtɛ kpɛtɛ aani ɔtumu ɔni na ɔƒɛƒɛɛ uuti taatɔlɔku. Na lɛ́tu-ma lídie aani aba ntéwi ulu lɛlɔ.

Ala Kalɔ Buse 3:15

Na ndubɔya na awɔ ku uleku ɔmɛni binwini bekisine, na ƒula ubi ku uleku ɔmɛni ubi lɛnɔ benwini bekisine. Ɔdubo-ɔ lili bubo bɔbwɛ, na awɔ adu-nwu lɛnikpo.”

Samuel 2 22:39

Líbo-ma líwi kalɔ ɔni na basɔ balákana bɔta na kesii kani na batɛ na mina lɛgba akɔ mmɔ.

Kɔgya 49:14

Bese aani baƒonu bani na kukpi ndanku-ma utádu ɔkya kaƒiɔtɔ kemmo. Na benwini adila bete-nwu. Na bekyuli bani nse siin badubo busie bɔvi-ma lɛlɔ. Na bana bɔdia bɔyii udu na kaƒiɔtɔ kemmo na bana kɔduli bonwu bonwu kɔmmɔ kɔsɔ kuwi ukpludi.

Kɔnyana Buwulo 1:15

“Awɔ Unwoti, éni mina bekpone na édie bekpone bamba ákya-mi ka babayila mina bakloƒu bekpone udu. Yuda use aani uleku ɔni na nka bétetuku-nwu kudii, nsu anwu nénwini ukyuli ɔni na baanya teesusu aani kalɛ na baamana egyiibi ntu teewi ntɛ kewikɔ.

Kɔgya 147:6

Unwoti Katɔti ɔɔkɔliku bekyuli bani muubo-ku lɛlɔ kalɔ katɔ. Na bekyuli bani mɔɔkɔliku lɛlɔ katɔ ni, uuboku-ma kalɔ.