Malakai 3:16 - Katɔti Ɔku Kedee

¹⁶ Bekyuli bani ƒui mɔɔsiaku Unwoti ulu siin lɛlɔ bése kalɔ baatɛmi taasiku litemi lɛmɛni lɛlɔ. Na ka Unwoti ɔ́nu lɛla lɛni mɔɔlɛ́ ni, ɔ́ya na bénweni-ma anyi bákya nwuna ɔku kemmo.

Malakai 3:16 Referans Kwoze

Budie Taatina 20:12

Na lɛ́nu ka bekpine ƒui benye lɛgaboku lɛmɛni anumi, banamu ku benengu, na bébimi lɛku lɛdi béwi. Na básɔ bébimi ɔku ɔbambadi ɔni ndi ngba ɔku lɛnɔ béwi. Na lɛku lɛmɛni kemmo na baanu taatɛku bekpine ƒui litemi ɔkɛnku ala ani na bábla na bénweni bákya lɛku lɛmmɔ kemmo lɛlɔ.

Kɔgya 56:8

Agyi abi ani udu na muubó. Na agyi mina mmii kalɛ na bumomo.

Malakai 4:2

Nsu amii bani mɔɔbu-mi ni, bina lɛlɔ bɔdi bɔdubɔbla aani kalɛ na ɔƒɛ uukeye na bukeye bɔmmɔ buute ɔlɔkplu. Na amii bɛdubo butaaƒulu taavi taaƒia aani ɔmantɛ bakɔ bebi.

Budie Taatina 15:4

Ɔma makana-a anumi bunye na ulayia awɔ Blɔti, na uleti bumwi ulete ƒula lɛnyi? Ɔsika awɔ lɛti nse kedee, na kalɔ ƒui bekyuli badubo babakya-a lili kalɔ. Ɔsika bédie bátina ka aabla lɛla biala ulu siin lɛlɔ.”

Hebriƒuɔ 10:24

Na butaabu taanu ulu ɔni lɛlɔ na bɔdubɔkana na bɔkya lɛlɔ ogya, na butaayɔ bekyuli, na butaabla ala abuni.

Tesalonikaƒuɔ 1 5:11

Ɔmɛni ɔsu ni, bitaakya lɛlɔ ogya na biteebunku lɛlɔ aani kalɛ na biwi-nwu lɛlɔ ɔƒaani.

Malakai 3:5

Unwoti Ɔyikune Ƒui ɔnini, “Lɛ́ɛsi ndubo mbatɛku-mii litemi na lɛdu kɔtɔ kɔnakunwi. Ama ndi bani mɔɔdú kabɔ, na baalɛ́ bana bagya ku bele kama, iye baanyi ɔkɔ na litemi katɛkɔ, iye beeyú bana kabla bablane na baláƒɔ-ma kayu ulu lɛlɔ, na baabla bekpinebi ku bekpinele kalala, iye beeyú baƒɔ bani nkya-ma kudɔ ala, na béni banii balabu-mi ƒui.

Batalane Kabla 9:31

Ɔmɛni ɔsu ni, baƒɔtaadine bani nkya Yudea ku Galilea ku Samaria kalɔ lɛlɔ ni, bákɛ bɔnwuna na basɔ balayia. Bákɛ kayi buse ku ɔkplu bɔkya ɔkɛnku Katɔti Kɔyu ɔyikun lɛlɔ. Na bémomo bébu na béteeti ɔbu teete Blɔti.

Yesaia 26:3

Ukyuli ɔni na nwuna anu ku kasusu kasia-a lɛlɔ kpakplaa ni, adubɔda-nwu kɔkɔɔkɔ na uulie na atu bɔyɔ kemmo, ɔsika ƒula lɛlɔ na úkpo kama.

Batalane Kabla 10:2

Ɔdi ukyuli ɔbuni, na anwu ku nwuna kaduli bekyuli ƒui beeti ɔbu teete Katɔti. Ukyuli ɔmɛni úteete bekyuli ala ku nwuna kayi ƒui, na ɔɔyɔ́ katɔ bɔkpali lɛnɔ.

Esekiel 9:4

“Sie vi ɔma Yerusalem ɔmmɔ ƒui kemmo na abla likposela asia ukyuli biala geen na alaekpidi ani na baabla na ɔma ɔmɛni kemmo aadá-nwu ɔƒɛ lɛtɛntɛ.”

Kɔgya 34:15

Unwoti ɔɔnu bekyuli bani nse siin lɛlɔ, na uunú bana bɔkpali.

Eƒesoƒuɔ 5:19

Na biti Bunweni Kedee Ɔku kemmo lɛnu etemila bɛtɛmiku lɛlɔ, na bidie bɔƒɔtaadi lɛnu ku lɛnu lɛni ndanku Katɔti Kɔyu ala. Bɛtu lɛnu ku agyala biti bimwi Blɔti na bina kayi kemmo.

Batalane Kabla 1:13

Ka bétéduo ɔma kemmo ni, bésie bétéduo bana kakyakɔ. Na bekyuli bani nli mmɔ ndi Petro ku Yohane ku Yakobo ku Andrea ku Ƒilipo ku Toma ku Bartolomeo ku Mateo ku Yakobo ɔni ndi Alƒeo ubidi ku Simon ɔni basɔ baalɔ Selote ku Yakobo ubidi Yuda.

Daniel 7:10

Na ogya uudie linyemi ɔdubo aani ketu bɔgba taasi nwuna lɛƒɛnyi ƒui lɛlɔ taaka taamana-nwu. Na bekyuli bani na balakana-ma bumomo bɔka benye bámana-nwu baabla-nwu kabla. Na mpim leevu leevu benye-nwu anumi. Litemi bɔtɛ uwi údu. Na bébimi lɛku lɛni kemmo na bénweni bekyuli lɛlɔ ala bákya béwi.

Luka 2:38

Uwi ɔmmɔ kani kemmo ni, anwu lɛnɔ úbo na úti linugya úte Katɔti, na útemi ɔ́siku ubi ɔmmɔ lɛlɔ úte bekyuli bani ƒui nnye baanu Katɔti ulu ka waƒɔ Yerusalem.

Ester 6:1

Usien ɔmmɔ ni, Ɔga Ahasweros útakana bɔlɛɛ. Anwuɔsu ɔ́ya na bálɔ nwuna kabla ɔblane ɔdi béte-nwu, na unye ɔɔká ala ani ƒui náalɛ na nwuna lɛga bɔdi uwi na nwuna lɛga kadikɔ teete-nwu.

Batalane Kabla 2:1

Amu ka limeyi lɛni baalɔ Pentekoste limeyi lídu ni, baƒɔtaadine bammɔ ƒui bátása na likpo linwi pɛ.

Yesaia 65:6

Bɛnu, mɔɔnu bunweni bɔdi na mina anumi bɔni na Unwoti ɔɔsu ɔnini, ‘Lɛɛɛdubo mina kenye bubile bɔsɔ bulie kpoo mmomu ndubɔƒɔ kayu keyile bute ɔdi biala.

Yesaia 50:10

Bina ɔdi biala ulábu Unwoti litemi, na bilenu nwuna kabla ɔblane litemi lɛnɔ. Na lɛdisa akɔ ala bɔbla na bɛɛyɔ́ teetulo ka bɛvi na bukeye kemmo. Na bítaƒɔ Unwoti bina Katɔti litemi lɛnɔ bítadi.

Yesaia 26:8

Unwoti, ka aatɛ litemi siin ɔsu ni, bunye bɔɔnu-ɔ ulu, ɔsika bɔɔwia ka buteemwi-ɔ lɛnyi kedee na butaabla-a lɛyɔla uwi ndi uwi.

Agba 13:20

Ukyuli ɔni mɔɔdiku banundane kɔkpana ni, anwu lɛnɔ ɔɔdá anu. Lɛni kani na ukyuli ɔni na badɔlɔdi na ɔɔdiku kɔkpana ni, anwu lɛnɔ ɔɔdɔlɔ.

Kɔgya 147:11

Na bani mɔɔyia Katɔti na benye baanu ulu teete nwuna bɔyɔ bɔni naaasa kudii ni, bana lɛlɔ mɔɔda Katɔti kubiti.

Kɔgya 139:4

O Unwoti, asa litemi lɛdi lɛdubɔlɛ-mi kenye kemmo ni, agyi lɛla lɛni na ndubo bɔsu kukuuku.

Kɔgya 119:63

Na bekyuli bani na baabu-ɔ na baadi ƒula ɔda bubo lɛlɔ ni, ama na mɔɔdiku kɔkpana.

Kɔgya 111:10

Ukyuli ɔni mɔɔyia Unwoti uusé kalɔ taada anu. Na bani ƒui mɔɔsia nwuna ɔda bubo anu ni, beenú ala abuni kalɔ. Ɔmɛni ɔsu na ɔlɛka buteemwi-nwu uwi biala kemmo.

Kɔgya 94:19

Uwi ɔni na ala étulo-mi na kayi kaakpulu-mi ni, awɔ násia-mi kɔnu na mina kayi kákɛ ebiti.

Kɔgya 66:16

Bibo na bibenu, amii bani mɔɔyia Katɔti, na ndubɔsu-mii ala ani na ɔ́bla úte-mi.

Kɔgya 33:18

Nsu Unwoti anumi asia bekyuli bani ƒui mɔɔbu-nwu na bana anu asia nwuna bɔyɔ bɔni naaavumana kudii lɛlɔ.

Kɔgya 20:7

Na kekpokɔ ni, badi béti bana anu básia bapɔnkɔ ku bapɔnkɔ kɛɛkɛ ɔyikun lɛlɔ. Nsu abu búti bula anu bɔ́sia Unwoti Katɔti lɛlɔ.

Kɔgya 16:3

Bekyuli bani na Katɔti ɔ́ƒuna úte lɛlɔ na basiaku-nwu kama siin na kalɔ lɛlɔ mɛni ni, beekeye na baayɔ́-mi kaƒɔ geen. Ƒula bekyuli kedee ndi mina bayikune, na bana lɛlɔ na mɔɔkɛ́ ebiti.

Kɔgya 10:4

Ukyuli ukpidi ɔɔɔdaku Unwoti lɛda na ɔɔkali ka Unwoti uuubo kenyekɔ kadi na nwuna keliela kemmo.

Hiob 28:28

Na ɔ́su ukyuli ɔyawine ɔnini, ‘Awɔ ɔni mɔɔyia Katɔti na aabu-nwu ni, aadá anu. Na awɔ ɔni muukeli likpidi ni, aakɛ́ ala kalɔ bunu.’ ”

Ester 2:23

Ka báwia litemi lɛmmɔ kalɔ laa na bánu ka sɔsɔ na ɔdi ni, ɔga ɔ́ya na bátákya-ma abuli limɔ báƒala akpa lɛlɔ na békpi. Na ɔga ɔ́ya na bénweni ala ani nálɛ ƒui bákya nwuna ɔku ɔni kemmo na baakya ala alɛdi kemmo bése.

Ala Alɛdi 2 6:7

“Uwi ɔni na mina ɔti ɔ́wia ka ɔtu kakpakɔ ute Unwoti Israel Katɔti ni,

Baga 1 18:12

Nsu lɛɛɛgyi kesii kani na Unwoti Kɔyu kɔdubuti-ɔ kusienku si lɛ́tɔlɔ-ɔ kudɔ mɛni. Na si lísie ńtásu Ahab na úbo na útanu-ɔ ni, ɔdubo-mi bɔdu. Nsu ami ƒula kabla ɔblane líse kalɔ mɔɔkpá Unwoti mina lɛkloƒu uwi.

Samuel 2 7:1

Unwoti ɔ́ya na Dawid ɔ́kɛ bɔnwuna ɔ́siku nwuna bekisine bani náka bámana-nwu enu kemmo na úbo úbelie nwuna ɔga kaduli.

Hebriƒuɔ 12:15

Bɛnu kaduɛ kalɛ na ɔdi ulayii Katɔti lɛƒɔndia ulu ɔmmɔ, kalɛ na ulénwini ligyukui likpidi ulakya bakladi akɔ na weboku ɔgbankpi na webile bekyuli pii.

Hebriƒuɔ 3:13

Mmomu bɛkya lɛlɔ ogya limeyi ndi limeyi si kadi biala kégye-mii na baalɔ-ka banii ɔmwi. Ɔmmɔ ndubɔya na likpidi lilátɔlɔ ɔdi na wenwini ukyuli ɔni mɔɔbla atuɔkplu.

Tesalonikaƒuɔ 1 5:14

Lɛnɔ ni, banwa, bɔɔwia kpakplaa ka bɛkɛ litemi bɛsu bakɔsɔne. Na bɛkya bani na liƒu lɛɛda ɔkplu. Na bibunku bani mɔɔwia kebunku. Na bɛkɛ kayi buɛɛ bite ukyuli biala.

Kɔgya 104:33

Uwi ɔni na mmu nli ngba mɛni ni, ndubo lɛnu buteedie teemwi Unwoti.

Baga 1 18:3

na Ahab ɔ́tala ka bátalɔ Obadia ɔni mɔɔnu nwuna ɔga kaduli lɛlɔ teete-nwu beboku. Na Obadia ɔdi ukyuli ɔni mɔɔbu Katɔti geen.

Ala Kalɔ Buse 22:12

Mmɔ ni, ɔtu ɔmmɔ ɔ́su Abraham ɔnini, “Ƒula kɔnu kutetuku ɔnamu ɔmmɔ. Na tabla-nwu lɛla lɛdi lɛnɔ. Ɔƒɛni na lɛ́nu lɛ́ti ka aayia Katɔti sɔsɔ. Ɔsika éteni ka eti ƒ'ubidi ɔni ndi ubi unwi pɛ ɔni na ebo ete-nwu.”

Israelƒuɔ Bɔlɛ 32:32

Nsu buvele na nda-a nnii ti bana ekpidi kyiɛ-ma. Mmomu si éni-ma buti bɔkyiɛ bɔdi ni, na akpa ada-mi lɛnyi edie ƒula ɔku kemmo.”

Yesaia 4:3

Na bani ƒui nébu na Sion na bése-ma likpo na Yerusalem mmɔ ka belie ngba ni, badubɔlɔ-ma bekyuli kedee.

Yeremia 8:6

Mɔɔsia-mii atu geen na ɔdi biala ulaƒɔ enu ɔnii bɛ́bla likpidi. Na bɛ́sɔ bítabla kasusu biala bítasia kama asa na bínwini bɛ́sia ulu ukpidi ɔmmɔ lɛlɔ bísela aani bekpone bani nlie ɔpɔnkɔ lɛlɔ na bábi basiaku bana bekisine na kekpokɔ.

Yeremia 31:18

“Eƒraim úwulo ɔ́kpali-mi ku kɔnyana ɔnini, ‘Unwoti buse aani alakpi akɔ bakɔ bani na átina lɛnunda na kalɛ na ésusu-bu ɔsu na bɔ́tɛya kalɛ na bunu-ɔ litemi. Awɔ ndi bula Katɔti. Buvele na bɔda-a. Ya na bunwini bubo ɔma.

Daniel 12:1

“Uwi ɔmmɔ kemmo ni, ƒula kadi bekyuli ɔgyumanane unengu ƒui, Mikael ɔni na Katɔti ɔdubɔtala ni, ɔdubɔta ubo. Na lɛbibo kpakplaa lɛni udu nétebo tɔ kudii ɔ́si kalɔ kesekɔ lɛdubɔlɛ. Na ukyuli biala ɔni na nwuna lɛnyi lɛkya ngba ɔku kemmo ni, ɔdubo-nwu bɔgyumana.

Nehemia 1:11

Ɔmɛni ɔsu, O Unwoti, se atu na enu ƒula kabla ɔblane ku ƒula kabla bablane bani mɔɔbu ƒula lɛnyi bɔkpali. Na ɔmwi kadi kamɛni ni, na ɔga ɔmmɔ ɔnu-mi kɔnyana na etemila ani ndubo bɔda bɔva-nwu anumi lɛlɔ.” Uwi ɔmmɔ kemmo ni, ami Nehemia nátaaƒɔ ntɛ teete ɔga ɔmmɔ.

Kɔgya 56:9

Na limeyi lɛni na makpali-ɔ ni, na abɔku mina bekisine na badubusie kama. Ɔsika ngyi ka Unwoti unyeku-mi.

Kɔgya 115:13

Na bani ƒui na beeti ɔbu teete Unwoti ni, Unwoti ɔdubute-ma kusɛ kusɛ ama bani mbo kenyekɔ ku bani neeebo kenyekɔ na bekyuli akɔ ƒui.