Malakai 3:12 - Katɔti Ɔku Kedee

¹² Na kɔlɔ ƒui bekyuli ɔdi biala ɔdubɔsu kalɛ na líte-mii kusɛ kusɛ ku kalɛ na bina kalɔ kadia.

Malakai 3:12 Referans Kwoze

Sakaria 8:23

Na uwi ɔni na ala amɛni adubo butaalɛ lɛni ni, kadi bamba bekyuli adi batɛmine aani leevu badubuƒie Yudani adala ani na ɔkya bada momoomo na basu-nwu banini, ‘Ya na bɔsiaku-ɔ busie bina ɔma, ɔsika búnu ka Katɔti unye-mii kama geen.’ Ami Unwoti Ɔyikune Ƒui násu!”

Yesaia 61:9

Badubɔƒɔ lɛnyi na kadi bekyuli ƒui akɔ na ukyuli biala ɔni nánu-ma ɔnu ɔti ka badi kadi bani na Unwoti úte-ma kusɛ kusɛ.”

Yesaia 62:4

Na bekyuli basɔ baaadubo ƒula kalɔ kammɔ lɛnyi bɔsia banii, “Udinkɔ ɔni na béni bése.” Mmomu badubɔlɔ-ka banii, “Uleku ɔni na báwɛɛ-nwu kaduɛ.” Ɔsika ƒula lɛlɔ lɛdubɔda Unwoti ebiti na ɔdubɔbla aani uleku ogya ute-ɔ.

Luka 1:48

Ɔsika únyimo ami, nwuna kabla ɔblane ɔni naaadi lɛla lɛdi. Na ɔ́si ɔƒɛni úsela ni, kaba ƒui badubo-mi bɔlɔ banii ukyuli ɔni na lɛlɔ lɛɛyɔ́-mi.

Daniel 11:41

Na uwi ɔni na bédu kalɔ kedee kammɔ lɛlɔ ni, badubɔdu kadi pii bekyuli bewi mmɔ. Nsu Edom abi lɛlɔ bekyuli ku Moab ku Amon lɛlɔ badine badubɔlɛ-ma enu kemmo.

Daniel 8:9

Amu na lise linwi lɛlɔ ni, lise blii lɛdi lɛ́sɔ lɛ́kwɛ na nwuna ɔyikun ɔ́di kayawi kammɔ kada kakɛ ku ɔƒɛ kanukɔ ku Israel kalɔ kedee kammɔ muedi lɛlɔ.

Yeremia 33:9

Na si uwi ɔni na ala amɛni álɛ lɛni ni, kalɔ lɛlɔ kadi bekyuli ƒui badububo ala abuni ani na lɛ́bla líte Yerusalem bɔnu ku kalɛ na lɛ́ya na ɔ́kɛ keyi buɛɛ geen. Na lɛlɔ lɛdubɔyɔ-ma na batɔ ku ebiti na bemwi-mi na bataabu-mi lɛnɔ. Nsu liƒu bonwu lɛdubo-ma bɔda na lɛlɔ litaatɔ-ma.

Kɔgya 72:17

Ya na ƒula ɔga ɔƒɔ lɛnyi na lisie ɔgyu lɛkya bekyuli akɔ uwi ƒui kalɛ kani na ɔƒɛ ɔɔtu teekeye. Ala atɛnku kadi ƒui bekyuli na beteete ɔga kusɛ kusɛ.

Ala Alɛdi 2 32:23

Bekyuli béti etela béboku Unwoti na Yerusalem na béboku Hesekia ala ani na áƒɔ kuye geen. Na ka ɔ́si limeyi lɛmmɔ lɛlɔ ni, kadi bamba bekyuli baabu Hesekia geen.

Lɛkpa Ulu 11:12

Ɔsika bina Unwoti Katɔti ɔɔnu kalɔ kammɔ lɛlɔ lɛkwa limodi.

Malakai 3:13

“Bɛ́tɛmi enyekpi bonwu bonwu bɛ́siku-mi lɛlɔ, nsu ɔƒaani buye na biiye bɛnini, ‘Bi na bɔ́su o-o?’

Yesaia 62:5

Kalɛ na ebiti aada okloƒu ɔni néti adagyaa na lɛlɔ lɛɛyɔ́-nwu na ɔɔda-nwu ni, lɛni na ƒula bebi badubɔda-kalɔ kammɔ. Na kalɛ na uleku ɔgya ku ulekudi beelie ku ebiti ni, lɛni na ebiti adubɔda Unwoti na ƒula lɛlɔ.