Malakai 1:3 - Katɔti Ɔku Kedee

³ nsu líni Esau. Lɛ́bla nwuna abi lɛlɔ kalɔ na kénwini kalɔ kakwiidi kesii kani na beƒiebuo beelie.

Malakai 1:3 Referans Kwoze

Obadia 1:10

Bɛ́bla bina lɛlɔ bekyuli bani ndi Yakob kaba kemmo bebi kalala. Anwuɔsu ɔƒaani ni, bɛdubo kɔƒa bɔdi uwi ƒui na badi-mii lɛlɔ.

Yoel 3:19

Egyipte ku Edom kɔlɔ kɔdububie kunwini kɔlɔ kɔkwiidi kɔni nsɔ naaadubo lɛla lɛdi bɔdia na kɔsɔ kuwi ukpludi na kalala kani na bábla Yudaƒuɔ ku bekyuli bani na bádu, nsu bátabla lɛla lɛdi ɔsu.

Esekiel 36:9

Ndubo bɔya na bɛtu kalɔ kabuni kani nwi káyu abi ɔkwalɛ mmɔ binwini ƒui na bɛkya edula na liti lɛnu-mii lɛlɔ.

Esekiel 36:7

Anwuɔsu ami lɛnɔ líse kenye kpakplaa ka ndubo-ma budu-mi na lɛkya-ma kɔƒa.

Yeremia 51:37

Babilon ɔdubunwini kebu alakpi ɔlɛ lisu kesii kani na beƒukutu kani ndubo mmɔ bulie. Bekyuli badubo-ma bɔma, nsu badubo bɔyia lɛnɔ ka besie bavi kebu alakpi ammɔ kemmo.

Yeremia 49:10

Nsu ami ndubo lɛla biala na lɛdi Edomƒuɔ lɛdi bɔda buti na libimi-mii ala na kesi kesii na bɛdubɔkali bɛnii bɛɛbɛ́ bɛkya. Na bɛdubo bukpi ƒui ku bina lɛlɔ bekyuli ku badukɛne ƒui.

Yeremia 9:11

Línu ka Unwoti uudie kenye ɔnini, “Si uwi ɔni na lɛ́wɔlɔ ku Yerusalem ku Yuda lɛma ƒui ni, mmɔ kadubɔsɔ kewi ukpludi aani alakpi lisu kesii kani na beƒukutu kani ndubo mmɔ bulie.”

Yesaia 35:7

Kɔnwinimi kɔni náƒɔ ogya mmɔ kɔdubunwini lɛba na abiɔ alɛ kalɔ kakwiidi kammɔ kemmo ekpo ekpo. Na kesii kani na beƒukutu bátaatɛ kadubunwini kesii kani na livo ku ketudɔ alakpi lidu lɛdubɔkwɛ.

Luka 14:26

“Ukyuli biala ɔni muubo-mi kudɔ ni, ulakana-mi bɔtɛya si ulayɔ-mi teetulo ɔti ku uni ku ulekudi ku bebi ku nwuna banwani bananabi ku belekubi ku anwu ɔlati lɛlɔ muedi.

Ala Kalɔ Buse 25:23

Amu na Unwoti Katɔti ɔ́su-nwu ɔnini, “Kadi bekyuli akpa anyɔ nkya-a kaƒɔ kemmo. Na nkyuli inyɔ bani nási-ɔ kaƒɔ kemmo ni, badubo lɛlɔ bule. Na lɛkpa linwi lɛdubɔkɛ ɔyikun litulo lɛkladi. Ubi unengudi ɔdubunwini ɔnamudi kabla ɔblane.”

Yeremia 49:20

“Bise atu na binu lɛla lɛni na lɛ́ɛlɛ ugyii líse na amii Edom bekyuli lɛlɔ. Badubo bina bebi ɔbuli bɔkya bɔni bɔtɔlɔku na babwɛ bina kalɔ kemodi kammɔ ƒui.

Yeremia 49:33

Na kesii kani na bina akpaklɔ ammɔ ákya ƒui adubunwini beƒukutu keliekɔ. Ami Unwoti násu.”

Kɔnyana Buwulo 4:22

Sion kadi bekyuli báaƒɔ bana ekpidi ani na bábla kayu, na badubo bɔsɔ bunwini buteesie bana ɔma. Nsu amii Edomƒuɔ ni, Unwoti ɔdubo-mii kɔtu bɔni na udie bina alaekpidi keyi.

Yeremia 49:7

Unwoti Ɔyikune Ƒui ɔ́su ɔ́siku Edomƒuɔ lɛlɔ ɔnini, “Lɛnunda ku kasusu kása na Teman ɔma kemmo. Na ndubo bɔya na ɔgbankpi ubo-mii lɛlɔ liti lɛni amii Esau bebi ku bawɔ kɔtu. Anwuɔsu ɔdi biala nási Dedan ɔma ɔsɔ unwini na ukeli ɔtɔlɔ uteesie ɔma mmomu.