Luka 9:3 - Katɔti Ɔku Kedee

³ Asa na badubɔgyu ni, Yesu ɔ́su-ma ɔnini, “Biteti lɛla lɛdi bitada na bina ulu busie kemmo aani ugyii ɔdadi iye ala bevelene koƒo iye adila iye egulabi. Na awu ɔbambadi muedi ni, bitasu bɛnii biiti ɔdi.

Luka 9:3 Referans Kwoze

Luka 22:35

Amu na Yesu úye nwuna batɛyane ɔnini, “Uwi ɔdi návi ka lɛ́tala-mii na bɛɛɛda kavumi iye koƒo iye lɛgbanvuo lɛdi ni, bɛ́yaki lɛla lɛdi?” Amu na bédie kenye banii, “Bútayaki ina lɛlakpa linwi muedi.”

Kɔgya 37:3

Ti ƒula anu sia Unwoti lɛlɔ na ataabla lɛbuni na adubulie ngba ku kubiti na kalɔ lɛlɔ na lɛla lɛdi lilékpoku-ɔ.

Timoteo 2 2:4

Ɔsika ukpone ɔni nnye nwuna kabla lɛlɔ geen ni, ɔɔwia ka nwuna ablala ada nwuna ɔtɔnkune ebiti. Anwuɔsu ɔsɔ ulakya bekyuli bani naaadi bekpone ablala kenye.

Luka 12:22

Mmɔ na Yesu ɔ́su nwuna batɛyane ɔnini, “Anwuɔsu na mɔɔsu-mii nnii bitekpoku lɛlɔ na lɛla lɛni na bɛdi bilie ngba lɛlɔ iye ɔlɔna adala lɛlɔ.

Luka 3:11

Amu na údie kenye ɔ́su-ma ɔnini, “Awɔ ɔni mbo awu ɔkyadi na údu inyɔ ni, ti unwi te ukyuli ɔni neeebo ɔdi. Na ukyuli ɔni mbo adila lɛnɔ ni, na ule-nya lɛni kani.”

Luka 12:28

Katɔti muute livo lɛmɛni bɔdia bɔmɛni udu. Livo lɛmɛni linye ɔmwi na uwi bamba na bekulo-ni bakya ogya na bakyula-ni na livongu kemmo. Bute na Katɔti ɔmmɔ ulete-mii adala uletulo livo lɛmmɔ? Bi ɔsu na bina bɔƒɔtaadi buse blii suɛ lɛni?

Luka 5:29

Lewi ɔ́ya na bánwa adila abuni ɔnii uuti ɔkya Yesu kubiti na nwuna kaduli. Na bekyuli pii bébo mmɔ ku kuyi baƒɔne bamba lɛnɔ.

Marko 6:7

Na ɔ́lɔ nwuna batɛyane leevu-inyɔ bammɔ úbasala, na ɔ́tala-ma nkyuli inyɔ inyɔ. Úte-ma ɔyikun na ayu ekpidi lɛlɔ.

Luka 9:4

Kesii biala na báƒɔ-mii ni, bɛsɔ bɛkya kaduli kammɔ kemmo utédu uwi ɔni na ɔlɛka bɛtɔlɔ ɔma ɔmmɔ kemmo.