Luka 6:21 - Katɔti Ɔku Kedee

²¹ Lɛlɔ litaayɔ amii bani na kɔka kɔɔda ɔƒɛni, ɔsika amii ndubumo! Lɛlɔ litaayɔ amii bani muuwulo ɔƒɛni, ɔsika bɛdubɔma!

Luka 6:21 Referans Kwoze

Yohane 6:35

Mmɔ na Yesu ɔ́su-ma ɔnini, “Ami ndi adila ani mɔɔyá na bekyuli beelie ngba. Na ukyuli ɔni muubo-mi kudɔ ni, kɔka kɔsɔ kulada-nwu. Na ukyuli ɔni mɔɔƒɔ́-mi taadi ni, utukwɛ ɔsɔ ulada-nwu kudi kudii.

Mateo 5:6

Lɛlɔ litaayɔ bekyuli bani na anumi eegyie-ma ka belie siin na Katɔti anumi. Badubɔkɛ lɛla lɛni mayɔ-ma kaƒɔ.

Yakobo 1:12

Lɛlɔ lɛdubɔyɔ ukyuli ɔni náƒɔ ɔ́di na unye kpakplaa na ɔɔsiáku ala ani ƒui muukpóku-nwu. Ɔsika si enu átaƒɛ-nwu ni, ɔdubɔkɛ ngba ƒui lɛyuƒɔla lɛni na Katɔti ɔ́su úse ka ɔdubute bekyuli bani mɔɔyɔ́-nwu.

Luka 1:53

Ɔ́ya na bekyuli bani na kɔka kɔɔda ƒui bémo ku ala abuni sɔɔn, na balakɛne bénwini ku enukplu.

Mateo 5:4

Lɛlɔ litaayɔ bekyuli bani muuwulo kɔnyana. Katɔti ɔdubɔsia-ma kɔnu.

Budie Taatina 7:16

Na kɔka iye utukwɛ ɔsɔ uladu-ma kudii. Na ɔƒɛ iye liwulu lɛdi lɛsɔ lileƒi-ma.

Luka 6:25

Bɔbuɛ muute amii bani némo ɔƒɛni, ɔsika kɔka kɔdubo-mii bɔda! Bɔbuɛ muute amii bani mɔɔmá ɔƒɛni, ɔsika bɛdubo kɔnyana ku keku buwulo!

Korintoƒuɔ 1 4:11

Úti úbalɛ ku ɔƒɛni ni, bɔkɛ ku kɔka ku utukwɛ. Na buuubo adala abuni adi. Na bekyuli beebó-bu. Na buuubo keliekɔ kadi.

Yohane 4:10

Yesu údie kenye ɔnini, “Si bɔti na adubɔti litela lɛni na Katɔti ubo ute-ɔ ku ukyuli ɔni udu muuvele-ɔ ntu ɔnii ɔɔní ni, nka awɔ mmomu ndubuvele-mi ntu bɔni mɔɔgbá na buute ngba, na lite-ɔ ntu bɔmmɔ.”

Yeremia 31:9

Badubo buteewulo na baatákpali-mi teevele uwi ɔni na bakɛ ulu badubo ɔma. Na ndubo-ma bɔkpanku busienku abiɔ ani kemmo na ntu bɔbuni bɔkya na bani. Na badubɔsia ulu ɔni ntɛ kalɔ ƒiaa lɛlɔ na beletulo iye bagbanta. Ɔti na ndi nte Eƒraim mina kaƒɔ ubi udeedi ku nwuna badi.

Yesaia 30:19

O amii Sion kadi bekyuli bani nli Yerusalem ɔma, útalɛ ka bɛsɔ bilie biteewulo. Unwoti ubo lɛƒɔndia geen na si bɛ́va bɛ́kpali-nwu ɔdubunu na nanu-mii kɔnyana.

Kɔgya 107:9

Bani na utukwɛ ɔɔda ni, uute-ma ntu na baaní. Na bani na kɔka mɔɔda-ma ni, uute ama lɛnɔ adila abuni na baadi teemo.

Kɔgya 17:15

Nsu ami ndubɔnu-ɔ anumi, ɔsika ntabla lɛla likpidi lɛdi. Na si lɛ́ta mina kalɛɛkɔ ni, ndubɔnu kalɛ na ese na lɛlɔ lɛyɔ-mi.

Ala Kalɔ Buse 21:6

Ɔmmɔ ɔsu ni, Sara ɔ́su ɔnini, “Katɔti ɔ́ya na mina anumi aƒɛnimi ku lɛma. Na ukyuli biala ɔni menu lɛla lɛmɛni ɔdubo bɔma ku-mi ku ebiti.”

Ala Kalɔ Buse 17:17

Mmɔ ni, Abraham ɔ́yu úbi kalɔ na úye lɛlɔ ɔnii, “Ami ɔnana ɔni náaƒɔ akwa eti anyɔ mɛni ku ukyuli ɔdi bɔdubɔkana ubi ɔdi bɔwɔ? Na Sara lɛnɔ ɔ́ɔƒɔ akwa liti ku aavlene. Ɔdubɔkana kaƒɔ bɔda?” Litemi lɛmɛni lɛ́da-nwu lɛma, na ɔ́ma.

Budie Taatina 21:3

Na línu lɛdi bonwu lɛdi ɔ́si lɛgaboku lɛmmɔ kudɔ ka lɛɛsu lɛnini, “Bɛnu! Katɔti keliekɔ káyu kébo bekyuli akɔ. Ɔdubulie-ma kudɔ na ama benwini-nwu bekyuli. Na Katɔti ɔlati ɔkya-ma akɔ na ɔdi-ma Kɔti.

Korintoƒuɔ 2 12:10

Si Kristo ɔsu na ɔlɛ úbo-mi lɛlɔ, na bekyuli beedumi-mi, na muubó abi, na bekyuli beekpóku-mi, na ɔgbankpi ɔɔsiáku-mi ni, kaƒɔ kadubɔyɔ-mi. Ɔsika uwi ɔni na lɛ́sɔ ni, mɔɔkɛ́ Kristo ɔyikun.

Korintoƒuɔ 2 11:27

Lɛ́bla kabla kpakplaa lítu lɛlɔ kaduɛ. Ńtatɛ ńtalɛɛ usien pii. Na kɔka ku utukwɛ ɔ́da-mi, na adila ábɔ-mi uwi pii. Na kɔyɔ kɔda-mi, na ńtakɛ lɛla lɛni na libi lɛlɔ.

Korintoƒuɔ 2 6:10

Ina ka bula lɛlɔ lɛɛkywí kaƒɔ ni, lɛlɔ lɛɛyɔ́-bu uwi biala. Baanu-bu aani bawabane, nsu bɔɔyá na bekyuli beenwíni Katɔ Ɔga Ɔma balakɛne. Baanu-bu aani bekyuli bani neeebo lɛla lɛdi. Nsu geen ni, ala ƒui ása-bu.

Yohane 11:35

Mmɔ ni, Yesu úwulo.

Esekiel 9:4

“Sie vi ɔma Yerusalem ɔmmɔ ƒui kemmo na abla likposela asia ukyuli biala geen na alaekpidi ani na baabla na ɔma ɔmɛni kemmo aadá-nwu ɔƒɛ lɛtɛntɛ.”

Esekiel 7:16

Na bani na ndubo bubu bulie ngba lɛnɔ badubo bukeli busie abi lɛlɔ aani babloduma bani mɔɔtɔlɔ kɔwɛ kemmo taatáwia kabɛkɔ kesii kani na bakɛ bɔƒɔ. “Na bina ƒui bɛdubo kɔnyana buwulo na bina ekpidi ɔsu.

Yeremia 31:25

Bani na lɛlɔ lítu-ma na bábla kpɛtɛ kpɛtɛ ni, badubo ɔyikun ku ngba ɔwɔdi bɔkɛ.

Yeremia 13:17

Na si bɛ́talaku lɛlɔ katɔ na bítenu-nwu litemi ni, ami lɛti ndubo buwulo uwi ɔni na badubuti Katɔti bekyuli batɔlɔku aani bekyuli batɔntɛne.

Yeremia 9:1

Si bunwini na mina anumi enwini imii ku libiɔ na nteewulo usien ku ɔƒɛ na mina bekyuli bani na bádu ɔsu nka ɔdia-mi.

Yesaia 66:10

Bɛkɛ lɛlɔyɔ ku Yerusalem na ebiti ada amii bani mɔɔyɔ́-nwu. Bibo lɛlɔyɔ kudu momoomo amii bani néwulo-nwu kɔnyana.

Yesaia 25:6

Na Sion Kɔbi kɔmɛni lɛlɔ ni, Unwoti Ɔyikune Ƒui ɔdubɔlɔ bekyuli ƒui limeyi buni kadikɔ. Na use adila abuni geen ute-ma ku lɛna ku ntɛ bɔbuni ƒui geen.

Kɔgya 143:6

Lɛ́kɔliku mina enu katɔ mɔɔkpali-ɔ aani kalɔ kani lɛlɔ na ntu bɔ́kwii bɔ́sa ƒui.

Kɔgya 119:136

Naaada buwulo taaya uwi ɔdi na ɔni na bekyuli baládi ƒula ɔda bubo lɛlɔ ɔsu.

Kɔgya 65:4

Lɛlɔ lɛdubɔyɔ bekyuli bani na awɔ ɔlati áƒuna ka bebelie-ɔ kudɔ na ƒula kakpakɔ kedee kaduli. Na badubɔkɛ ebiti geen na ƒula kudɔ bulie kemmo na mmɔ.

Kɔgya 28:7

Unwoti mɔɔgyumana-mi na uute-mi ɔyikun. Nwuna lɛlɔ na mina kayi kasia na úbunku-mi sɔsɔ. Ɔmmɔ ɔsu na kayi kaayɔ́-mi geen. Na ndubɔtu enugya ɔnu lite-nwu.

Luka 6:20

Yesu ɔ́sia nwuna basiakune anu na ɔ́su-ma ɔnini, “Lɛlɔ litaayɔ amii bawabane, ɔsika Katɔti lɛga kadikɔ kadi bina ɔdi!

Luka 6:22

Lɛlɔ litaayɔ-mii si bekyuli beekisi-mii na beení-mii na beedumi-mii na baasu-mii banii bibo likyulikpi na ami Ukyuli Ɔyawine Ubi ɔsu!