Luka 4:2 - Katɔti Ɔku Kedee

² Mmɔ na Satan útékpoku-nwu ɔ́nu emeyi aavlene sɔɔn. Na uwi ɔmɛni kemmo ƒui ni, Yesu útadi lɛla lɛdi ɔsu kɔka kúbo kɔɔda-nwu na kawɔlɔkɔ.

Luka 4:2 Referans Kwoze

Baga 1 19:8

Anwuɔsu ɔ́ta na ɔ́di na ɔ́ni. Na ka adila ammɔ ákya-nwu ɔkplu ni, úsie lɛgba usien ku ɔƒɛ emeyi aavlene útédu ka údu Katɔti kɔbi kɔni baalɔ banii Horeb.

Israelƒuɔ Bɔlɛ 34:28

Na Mose ɔ́kya Unwoti kudɔ na kɔbi kɔmmɔ lili emeyi aavlene usien ku ɔƒɛ, na útadi iye útani lɛla lɛdi. Na únweni bunyimi bɔmmɔ ku Ɔda Bubo Leevu bɔmmɔ ɔ́sia atabi anyɔ ammɔ lɛlɔ.

Hebriƒuɔ 4:15

Ɔɔɔdi ɔkpane unengudi ɔni na bula lɛlɔ lilakywi-nwu kaƒɔ na bula kpɛtɛ kpɛtɛ bɔbla kemmo. Mmomu ɔdi ukyuli ɔni na ala ékpoku-nwu ánu na ulu biala lɛlɔ aani bula kalɛ kani. Nsu útabla likpidi lɛdi.

Hebriƒuɔ 2:18

Na ka ala lidu lidu ékpoku anwu ɔlati na úbo abi ɔsu ni, ɔɔkana na uubunku bekyuli bani ƒui na ala ammɔ eekpóku.

Lɛkpa Ulu 9:9

Lɛ́kɔ lísie kɔbi kɔmmɔ lili nnii ntáƒɔ kenye kani na únyimiku-mii na únweni ɔ́sia atabi bɛbɛ anyɔ ammɔ lɛlɔ. Lílie kɔbi kɔmmɔ lili emeyi aavlene usien ku ɔƒɛ ɔni na ńtadi na ńtani.

Yohane 4:6

Libiɔ lɛdi lɛkya mmɔ lɛni na Yakob úku. Na ka lɛlɔ lítu Yesu ɔƒiiwi ɔmmɔ na ulu busie gyɔlɔɔ kemmo ɔsu ni, ɔ́yu úlie kalɔ na libiɔ lɛmɛni kudɔ.

Lɛkpa Ulu 9:18

Amu na kunyɔdi lɛnɔ ntayu lɛ́tɛ Unwoti anumi na líti mina anumi líbi kalɔ emeyi aavlene usien ku ɔƒɛ ɔni na ntadi iye ntani lɛla lɛdi. Lɛ́bla ɔmɛni ƒui ɔ́si likpidi lɛni bɛ́bla Unwoti na bɛɛbla lɛla lɛni naaayɔ-nwu kaƒɔ ɔsu. Na bɛ́ya na ɔ́kɛ kɔnyi.

Mateo 21:18

Na kadi kégye ɔtanta ɔni na ɔ́sɔ únwini ɔdubo ni, kɔka kúbo kɔɔda-nwu.

Mateo 4:2

Na ka Yesu úlie kɔka usien ku ɔƒɛ emeyi aavlene kama ni, kɔka kúbo kɔɔda-nwu.

Yona 3:7

Ɔga ɔmmɔ ku nwuna benengu bátala na bakɛ beete Niniweƒuɔ ƒui bɔti banii, “Bekyuli ku ɔmantɛ bakɔ ku baƒonu ƒui badubo kɔka bulie, na baaadubo ntu muedi bɔni.

Ester 4:16

“Sala Yudaƒuɔ bani ƒui nkya Susa ɔma kemmo lisu, na binyimi kenye emeyi atɛ usien ku ɔƒɛ na ami ɔsu, na ɔdi utadi lɛla lɛdi. Ami ku mina beleku kabla bablane bani mɔɔnu-mi lɛlɔ lɛnɔ bɔdubɔbla lɛni kani. Na si bɔ́wɔlɔ ɔmɛni ni, ndubusie ɔga kudɔ ina ka kuƒi kuuubo lɛni. Na si kukpi na ɔdi ka likpi lɛnɔ ni, na likpi ƒaa.”

Samuel 1 17:16

Na emeyi aavlene kemmo ƒui ni, Ƒilistini ɔmɛni uusié teebo teebenye mmɔ lɛdigye ku useyi uwi taakun lɛmɛnɛ taakya Israelƒuɔ bammɔ.

Lɛkpa Ulu 9:25

Anwuɔsu lɛ́yu lɛ́tɛ kalɔ na línwini anumi libi kalɔ na Unwoti anumi emeyi aavlene ammɔ kemmo usien ku ɔƒɛ. Ɔsika línu ka Unwoti ɔ́su ka ɔdubɔyila-mii udu.

Israelƒuɔ Bɔlɛ 24:18

Na Mose úduo liƒlukutu lɛmmɔ kemmo ka ɔ́kɔ úsela kɔbi kɔmmɔ lili. Na ɔ́kya kɔbi kɔmmɔ lɛlɔ emeyi aavlene usien ku ɔƒɛ.

Ala Kalɔ Buse 3:15

Na ndubɔya na awɔ ku uleku ɔmɛni binwini bekisine, na ƒula ubi ku uleku ɔmɛni ubi lɛnɔ benwini bekisine. Ɔdubo-ɔ lili bubo bɔbwɛ, na awɔ adu-nwu lɛnikpo.”

Luka 4:3

Amu na Satan ɔ́su-nwu ɔnini, “Si Katɔti ubi na adi ni, na asu lɛtabi lɛmɛni na linwini adila.”