Luka 4:16 - Katɔti Ɔku Kedee

¹⁶ Ɔmmɔ kama ni, Yesu úsie Nasaret kesii kani na bátumini-nwu ɔ́si lɛnamu uwi. Na lɛnwunameyi lɛlɔ ni, úsie Yudaƒuɔ kasalakɔ aani kalɛ kani na ɔɔyɔ́ bɔbla. Na ɔ́ta únye ka utaaka Bunweni Kedee Ɔku kemmo ala.

Luka 4:16 Referans Kwoze

Batalane Kabla 17:2

Amu na aani kalɛ na Paulo ɔɔyɔ́ bɔbla ni, úsie mmɔ ɔnii utétemi ute-ma na kasalakɔ mmɔ. Na anwunameyi atɛ sɔɔn ni, útaatina Bunweni Kedee Ɔku kemmo etemila.

Mateo 2:23

Na ka úduo mmɔ ni, útélie ɔma ɔni baalɔ banii Nasaret. Na bana mmɔ bulie ɔ́ya na Katɔti kenye udiene litemi lɛni na ɔ́su úse ɔnii, “Bekyuli badubɔlɔ-nwu banii Nasareni,” úbo úte lɛni sɔsɔ.

Luka 2:51

Amu na Yesu ɔ́siaku-ma na bátɔlɔ bésie Nasaret, na úboku lɛlɔ kalɔ úte-ma. Na ala amɛni ƒui éduo uni kasusu kemmo úsie ɔgyu.

Luka 2:42

Amu ka Yesu ɔ́ƒɔ akwa leevu-anyɔ ni, básɔ bésie Yerusalem aani kalɛ na baabla kukuuku kalɛ.

Yohane 18:20

Amu na Yesu údie kenye ɔnini, “Lɛ́tina ukyuli biala ala na kadi ƒui anumi uwi biala kemmo. Na ala ani na lɛ́tina mmɔ lɛnɔ ni, Yudaƒuɔ kɔsakɔ na lɛ́tina-nya na Yudaƒuɔ kakpakɔ uwi ɔni na bana ƒui bábasa. Na ńtasu lɛla lɛdi na bɔbɛ kemmo.

Luka 4:21

Na ɔ́su-ma ɔnini, “Bunweni Kedee likpo lɛni na bínu ka lɛ́ka mɛni ni, líbo líte lɛni ɔmwi kadi.”

Luka 2:39

Na ka Yoseƒ ku Maria báwɔlɔ bana ɔdi bɔbla aani kalɛ na Katɔti ɔda bubo ɔku ɔ́tina kalɛ ni, bénwini bésie bana ɔma Nasaret na Galilea kalɔ lɛlɔ.

Luka 4:15

Ɔ́tina ala na Yudaƒuɔ kɔsakɔ na ukyuli biala úmwi-nwu ala bɔtina.

Luka 4:17

Amu na béti Katɔti Kenye Udiene Yesaia ɔku béte-nwu. Ɔ́ƒɛnimi ɔku ɔmmɔ na ɔ́ka kesii kani na bénweni banii,

Luka 4:23

Na Yesu ɔ́su-ma ɔnini, “Ngyi ka bɛdubo-mi lɛgba lɛmɛni bunyimene bɛnii, ‘Uvone, bwi awɔ ɔlati ƒula lɛlɔ.’ Na bɛsɔ bɛdubo-mi bɔsu lɛnɔ bɛnii, ‘Ala ani udu na búnu ka ábla na Kapernaum ni, bla-nya na awɔ ɔlati ƒula ɔma.’ ”