Luka 3:5 - Katɔti Ɔku Kedee

⁵ Biyile lɛbonka na bɛbwɛ abi ku abinkpo ƒui na atɛ kalɔ. Na binyene lilu lɛni nábu. Na kesii kani nse kpukplo kpukplo ni, bɛbla-nwu suɛlɛ suɛlɛ.

Luka 3:5 Referans Kwoze

Yesaia 42:16

Na ndubɔtɔnku mina banumbwɛne bɔsiaku ulu ɔni na baaagyi kudii lɛlɔ. Na lɛkpanku-ma lɛsiaku ulu ɔni lɛlɔ na bátasia kudii lɛlɔ. Na ndubɔya na kasuudikɔ kani na bakya kenwini bukeye. Na kesii kani na kese kpukplo kpukplo kabla suɛlɛ suɛlɛ. Na ndubo ala amɛni bɔbla ɔni na lɛɛɛdubo-nya bɔda buse.

Yesaia 40:4

Biyile lɛbonka na bɛbwɛ abinkpo ƒui na atɛ kalɔ. Na kesii kani nse kpukplo kpukplo ni, bɛbla na ɔbla suɛlɛ suɛlɛ.

Yesaia 49:11

Ndubɔbwɛ abi ammɔ na lidie ulu unengudi lɛva-ma kalɛ na basia-nwu lɛlɔ.

Yesaia 45:2

Ɔni na ntɔnku-ɔ mɛni ni, ndubo abi ƒui bɔbwɛ na ebo kalɔ. Na ndubɔƒɛ abuala ani na béti bábala abuala kɔyakun kɔlɛmikɔ na lɛma linengudi lɛban ƒui kenye.

Esekiel 17:24

Na lɛku kemmo kugyii biala kɔdubɔti ka ami Unwoti ndubɔkana na liboku egyii kangyaa ƒui kalɔ na lɛya na ani na átakuku alɛ lili. Na mɔɔyá na egyii ɔwɔdi eenwíni akwiidi Na mɔɔyá na ani na ákwii lɛnɔ eenwíni awɔdi. Ami Unwoti násu na ndubo mina litemi lɛlɔ bɔdi.”

Yakobo 1:9

Si Katɔti ɔ́talaku ɔƒɔtaadine ɔni ndi ɔwabane katɔ ni, ɔya na lɛlɔ litaayɔ-nwu.