Luka 24:11 - Katɔti Ɔku Kedee

¹¹ Nsu batalane bammɔ bákali banii ala ani na beleku bammɔ básu-ma adi kɔdɔlɔ etemila. Na bátaƒɔ bátadi.

Luka 24:11 Referans Kwoze

Marko 16:11

Na ka Maria ɔ́su-ma ɔnii Yesu ɔ́ta uli ngba na ɔ́nu-nwu ni, bátaƒɔ-nwu bátadi.

Luka 24:25

Amu na Yesu ɔ́su-ma ɔnini, “Bɛ́dɔlɔ! Na bina bɔƒɔtaadi na ala ani na Katɔti kenye bediene básu-mii lɛlɔ bɔba!

Kɔgya 126:1

Uwi ɔni na Unwoti ɔ́sɔku nwuna bekyuli úboku Yerusalem ni, ɔ́bla-bu aani kɔna na buugyé.

Hiob 9:16

Ina lɛ́lɔ-nwu katɛ na úbo litemi katɛkɔ mmɔ ni, Unwoti ɔɔɔdubo-mi litemi bunu.

Ala Kalɔ Buse 19:14

Ka básu-nwu lɛni ni, Lot ɔ́ta ɔ́lɛ na útásu nwuna bebi bagya bani néebo bébevele-nwu ka beti nwuna bebi. Na ɔ́su-ma ɔnini, “Ɔbabla-mii na bɛvi bɛlɛ ɔma ɔmɛni kemmo pla. Ɔsika Katɔti ɔdubo ɔma ɔmɛni bɔkyula.” Nsu nwuna bebi bagya bamɛni béti lɛla lɛmɛni bákya bɔƒia.

Batalane Kabla 12:9

Na Petro ɔ́ta ɔ́siaku-nwu, na ɔ́vi ɔ́lɛ ɔtɔ ɔmɛni kemmo. Uwi ɔmɛni ƒui kemmo ni, ɔ́kali ɔnii kɔna na uugyé.

Baga 2 7:2

Mmɔ na ɔtɔnkune ɔni lɛlɔ na ɔga ukpo ɔ́su Elisa ɔnini, “Ɔmɛni ulakana walɛ kudii. Na ina Unwoti ɔlati ɔ́ya kakpa kána aani ɔnantu kalɛ muedi ulebo-nwu kemmo lɛni.” Amu na Elisa ɔ́su-nwu ɔnini, “Adubuti anumi anu ala ani mɔɔsu mɛni. Nsu alákɛ adila ammɔ adi aladi.”

Marko 16:13

Nsu kama ka bábati ni, básɔ bénwini bátásu bakladi. Nsu bakladi bammɔ bátaƒɔ-ma bátadi.

Marko 16:14

Kukplodi ni, Yesu údie lɛlɔ ɔ́tina nwuna batɛyane leevu-unwi uwi ɔni na belie baadi. Nsu ɔ́dɔnku-ma ɔsika beeebo bɔƒɔtaadi, na bábla atu ɔkplu bágya, na bátaƒɔ bekyuli bani nánu-nwu ka ɔ́ta ɔ́sɔ úbo uli ngba bátadi.

Luka 24:41

Ebiti áda-ma geen na ɔ́bla-ma kalɛ kadi ɔni na bátati kalɛ baƒɔ badi muedi! Mmɔ na Yesu úye-ma ɔnini, “Adila adi ese?”