Luka 21:8 - Katɔti Ɔku Kedee

⁸ Yesu ɔ́su-ma ɔnini, “Binye kagyumana na ukyuli ɔdi utatɔlɔ-mii. Bekyuli pii bani mɔɔsu banii ami mina kenye na beedie ni, badubo na bábasu banii, ‘Ami na ɔdi,’ na ‘Uwi ɔmmɔ úudu’. Nsu bitasiaku-ma kama.

Luka 21:8 Referans Kwoze

Yohane 1 4:1

Banwa bayɔne, bitaƒɔ kɔyu biala muulie ukyuli lɛlɔ bitadi. Mmomu bɛkɔku ɔdi biala bɛnu si kɔyu kɔmmɔ kɔ́si Katɔti kudɔ. Ɔsika ɔkɔ kenye bediene béegyingya bakya kayawi ekpo ƒui.

Tesalonikaƒuɔ 2 2:3

Bitaya na ukyuli ɔdi ɔtɔlɔ-mii na ulu biala lɛlɔ. Ɔsika Blɔti limeyi lɛmmɔ lilebo tɔ utédu uwi ɔni na bekyuli pii badubuni Katɔti asa na ukyuli ukpidi ɔmmɔ ɔni na Katɔti údie úse ka ɔkyula ɔda ɔlɛ.

Eƒesoƒuɔ 5:6

Bitaya na ukyuli ɔdi uti etemila ekpludi adi ɔtɔlɔ-mii. Ɔsika ala ammɔ udu lɛlɔ ɔsu na Katɔti kɔnyi kuubo bekyuli bani mbo atuɔkplu mmɔ lɛlɔ.

Mateo 24:11

Bekyuli pii badubɔta banyi ɔkɔ banii ama ndi Katɔti kenye bediene na batɔlɔ bekyuli pii.

Timoteo 2 3:13

Nsu bekyuli bekpidi ku ɔkɔ ala batinane ama ni, bubie bɔmmɔ bɔdubɔkɔ-ma katɔ bubu na bataatɔlɔ bekyuli. Na bana ɔbladu ɔmmɔ ɔdubɔtɔlɔ ama alati lɛnɔ.

Yeremia 29:8

“Bina bekyuli badi bakya Babilon mmɔ na badi like bebone na bɛ́ɛsu-ma ka bebo like na basu-mii lɛla lɛni ndubo libalɛ uwi ɔni mebo kemmo. Nsu bɔkpanku kani na badubo-mii bɔkpanku butáyila. Na bina kenye bediene bammɔ lɛnɔ ni, bitaya na bese-mii lisusu. Ɔsika ina ka beedie ala kenye teete-mii na mina lɛnyi kemmo ni, ɔkɔ banyine na badi ɔsiku ńtasu-ma lɛla lɛdi.

Yohane 2 1:7

Bekyuli bani mɔɔtɔ́lɔ bekyuli béebo bakɛ baaví kayawi. Bekyuli bamɛni muuní ka basu banii Yesu Kristo úbo kayawi aani ukyuli ɔyawine kalɛ. Na ukyuli ɔmɛni udu ni, unye ute ɔkɔ ɔnyine ɔni ndi Kristo ukisine ɔmmɔ.

Luka 17:23

Bekyuli badi badubo-mii akɔ bɔkya bani ndubɔsu-mii banii, ‘Bɛnu-nwu ngye,’ iye ‘Bɛnu-nwu mɛni!’ Nsu bitesie bitatáwia-mi mmɔ!

Budie Taatina 12:9

Na bábɔku liƒu kɔlakpi kɔmmɔ béboku kalɔ. Aku ndi kɔlakpi kɔkukudi bonwu kɔni baalɔ ukisine ɔmmɔ iye Satan, na ɔɔtɔ́lɔ kayawi kemodi ƒui. Bábɔku anwu ku nwuna batu ƒui bábava kalɔ lɛlɔ mɛni.

Mateo 4:17

Ɔ́si uwi ɔni na Yesu útélie Kapernaum ni, úse kalɔ ɔɔkɔ́ lɛsa ɔnini, “Binwini kama bɛkya bina ekpidi, ɔsika uwi ɔni na Katɔti ɔdi lɛga na bula kɔyi kemmo úude.”

Budie Taatina 1:3

Lɛlɔ lɛdubɔyɔ ukyuli ɔni mɔɔká ɔku ɔmɛni teete bekyuli. Na lɛlɔ lɛdubɔyɔ bekyuli bani muunú Katɔti linyese etemila amɛni na balábla atuɔkplu na lɛla lɛni na línweni lɛ́kya ɔku ɔmɛni kemmo lɛlɔ. Ɔsika uwi ɔni na ala amɛni ƒui adubo bɔlɛ úude.

Yohane 8:24

Lɛ́su-mii ka bɛdubo bukpi bɔkya bina ekpidi kemmo. Na si bítaƒɔ bítadi ka ami ndi Anwu ɔmmɔ ni, bɛdubo bukpi bɔkya bina ekpidi kemmo sɔsɔ.”

Yohane 5:43

Ngyi ɔmɛni ɔsika líbo-mii kudɔ nnye na mina Ɔti kenyekɔ, nsu bítegyingya enu bítaƒɔ-mi. Na binye kagyumana ka bɛƒɔ ukyuli ɔni nnye anwu ɔlati kenye mmomu.

Mateo 3:2

ɔnini, “Binwini kama bɛkya bina ekpidi, ɔsika uwi ɔni na Katɔti ɔdi lɛga na bula kɔyi kemmo úude.”

Luka 21:7

Amu na béye-nwu banini, “Ala ɔtinane, uwi ɔmani na ɔdubɔlɛ lɛni? Na bi na bɔdubuti bɔnu bɔti bɔnii uwi ɔni na ala amɛni alɛ údu?”

Luka 21:9

Bitayia si biinú kekpo kɔku ku bekyuli lɛlɔ bɔta bunye. Ala amɛni udu adubɔka bɔlɛ, nsu ɔɔɔdi nwuna kalɔ ndi ɔnii kawɔlɔkɔ kéede.”

Yohane 8:28

Anwuɔsu Yesu ɔ́su-ma ɔnini, “Si uwi ɔni na bɛ́kɔliku Ukyuli Ɔyawine Ubi katɔ ni, mmɔ na bɛdubɔti ka ami ndi Anwu ɔmmɔ. Na naaabla lɛla lɛdi na ami ɔlati ɔyikun kemmo. Mmomu mɔɔtɛmi kalɛ kani na mina Ɔti ɔ́tina-mi.

Korintoƒuɔ 1 6:9

Na bɛgyi geen ka bekyuli bani mbo likyulikpi balákɛ Katɔti lɛga kadikɔ. Bitabu bina lɛlɔ kɔdɔlɔ! Ɔsika bekyuli bani mbo lɛyalɛ iye bani mɔɔkpá baƒiɔ iye baadi kɔsɔnɔ iye bani néti lɛlɔ kudɔ bɔtɛ bénwini liyedi iye banana bani mɔɔtɛnku lɛlɔ aani beleku kalɛ iye bani muuyú iye bani mbo lɛnungyie iye bani mɔɔní ntɛ teekpi iye beebile bekyuli anyi iye bani muuti bekyuli egulabi taadi ni, bana akɔ ɔdi biala uléduo Katɔti lɛga kadikɔ.