Luka 2:10 - Katɔti Ɔku Kedee

¹⁰ nsu Katɔti ɔtu ɔmmɔ ɔ́su-ma ɔnini, “Bitayia. Líboku-mii linyesia lɛbuni lɛni ndubuti lɛlɔyɔ ku ebiti geen ute bekyuli ƒui.

Luka 2:10 Referans Kwoze

Yesaia 40:9

Awɔ ɔni nda litemi buni éboku Sion ni, kɔ sie abi kangyaa ammɔ eli. Na awɔ ɔni nda litemi buni éboku Yerusalem ni, kɔliku ƒula lɛdi katɔ momoomo. Va momoomo, na tayia! Su Yuda lɛma lɛmmɔ anini, “Aanu ƒula Katɔti!”

Yesaia 61:1

Unwoti Ɔyikune Ƒui Kɔyu kɔ́ƒɔ-mi lɛlɔ kemmo! Ɔsika ɔ́tala-mi ɔnii nkɔ litemi buni lɛsa nte bawabane. Na lɛbwi bani muunú ɔlɛ na bana kayi kemmo na basɔ beeebo lɛnunsia, na libo kudu lite bani na béƒie na bébo-ma lɛkpu ka badubɔkɛ bɔnwuna na balɛ kasuudikɔ mmɔ.

Yesaia 52:7

Bi mɔɔdia bɔnu lɛni! Bɛnu abi lɛlɔ na binu bekyuli bani ndubo babakɔ litemi buni lɛmmɔ lɛsa kalɛ na bana bubo kɔku kɔɔda kubiti. Baakɔ́ keyi buɛɛ ku ngba bɔƒɔ lɛsa banini, “O Sion, ɔƒɛni amu ƒula Katɔti ndi bina ɔga.”

Mateo 28:18

Amu na Yesu ɔ́kpɛ úde-ma na ɔ́su-ma ɔnini, “Katɔti úti katɔ ku kalɔ ɔyikun ƒui úte-mi.

Ala Kalɔ Buse 12:3

Bekyuli bani mete-ɔ kusɛ kusɛ ni, ami lɛnɔ ndubute-ma kusɛ kusɛ. Na ukyuli biala ɔni mewida-a ni, ami lɛnɔ ndubo-nwu buwida. Ndubute kalɔ lɛlɔ bekyuli ƒui kusɛ kusɛ ɔkɛnku awɔ lɛlɔ.”

Mateo 14:27

Nsu Yesu útemiku-ma kɔnakunwi ɔnii, “Bɛkɛ kayi! Ami na ɔdi! Bitayia!”

Luka 1:30

Amu na ɔtu ɔmmɔ ɔ́su-nwu ɔnini, “Maria, tayia. Ƒula lɛlɔ lɛ́da Katɔti kubiti geen.

Yesaia 41:27

Ami náka Yerusalem kadi bekyuli lɛla lɛni mɔɔlɛ́ mɛni bɔsu. Na ami néti litemi buni lɛmmɔ lɛ́kya ɔtu ɔdi kenye.

Koloseƒuɔ 1:23

Anwuɔsu ɔdi ka binye kpakplaa na bina bɔƒɔtaadi kemmo, na bitaya na enu aƒɛ-mii na bɛyila lɛnunsia lɛni bibo ɔ́si uwi ɔni na bínu litemi buni lɛmmɔ. Na ɔdi litemi buni lɛni lɛsa na lɛ́kɔ líte bayawine ƒui. Na ani ɔsu na ami Paulo ḿbenwini Katɔti kabla ɔblane.

Batalane Kabla 13:32

“Na ni, abu búbo mɛni bɔnii buuti litemi buni lɛmɛni buboku-mii, ka ni, Katɔti kenye kani na ɔ́su úse na bula banana bene uwi ni, kébo kéte lɛni na bula uwi lɛlɔ. Na aka ndi ɔni na Katɔti ɔ́ya na Yesu ɔ́sɔ ɔ́ta úbo uli ngba. Ɔmɛni ndi lɛla lɛni lɛlɔ na Dawid únweni na nwuna kɔgya kunyɔdi kemmo. Mmɔ ni, Katɔti ɔɔsu taasiku Yesu lɛlɔ ɔnini, “ ‘Awɔ ndi mina ubi. Na ɔmwi ni, línwini-ɔ ɔti.’

Luka 24:47

Na nwuna basiakune badubɔkɔ lɛsa na nwuna lɛnyi kemmo bete kalɔ ƒui bekyuli banii benwini kayi kalɛ na Katɔti uti bana ekpidi ɔkyiɛ-ma. Na lɛsa bɔkɔ bɔmmɔ bɔdubuse kalɔ bɔsi Yerusalem.

Luka 8:1

Na uwi ɔdi kama ni, Yesu ɔ́vi ɔgbami úsie lɛma ku akpaklɔ kemmo. Na ɔkɛ ɔɔsu litemi buni taasiku Katɔti lɛga kadikɔ lɛlɔ. Leevu-inyɔ banii na ɔ́ƒuna lɛnɔ basiaku-nwu.

Eƒesoƒuɔ 3:8

Ami ɔni ndi Katɔti baƒɔtaadine ƒui akɔ ubliidi ni, Katɔti úti litela lɛmɛni úte-mi ka lɛkɔ litemi buni lɛmmɔ lɛsa na lɛƒɔndia bonwu lɛni na bekyuli badubɔkɛ ɔkɛnku Kristo lɛlɔ lite bani naaadi Yudaƒuɔ.

Luka 1:19

Amu na ɔtu ɔmɛni údie kenye ɔnini, “Ami ndi Gabriel ɔni muunye Katɔti anumi. Anwu nátala-mi ɔnii mbasu-ɔ kenye kabuni kamɛni.

Sakaria 9:9

Ukyuli biala ɔni nkya Sion ɔdi limeyi na ɔva momoomo ku ebiti banini, “Bɛnu! Bina ɔga ɔdubo-mii kudɔ. Use siin na ɔdanku bɔƒɔ. Uboku lɛlɔ kalɔ na ulie ebuo ala utine ubi lɛlɔ ɔdubo.

Luka 1:13

Nsu Katɔti ɔtu ɔmmɔ ɔ́su-nwu ɔnini, “Sakaria, tayia! Katɔti únu ƒula bɔkpali, na ƒula ulekudi Elisabet ɔdubɔwɔ ɔnanabi ute-ɔ. Na adubɔsia-nwu lɛnyi anii Yohane.

Marko 1:15

Ɔkya ɔɔsu ɔnini, “Uwi ɔbuni ɔmmɔ úudu. Katɔti lɛga bɔdi uwi úude. Binwini kama bɛkya bina ekpidi na bɛƒɔ litemi buni lɛmɛni bɛdi!”

Yesaia 49:6

Unwoti ɔ́su-mi ɔnini, “Ndubo-ɔ kabla kenengudi kɔnu bɔkya butulo ka akpanku Yakob adua ammɔ ƒui ku Israelƒuɔ bani nébu eboku-mi kani. Mmomu ndubɔbla-a na enwini bukeye ete kadi bamba bekyuli ƒui kalɛ na bayawine ƒui bakɛ ngba bɔƒɔ.”

Romaƒuɔ 10:15

Na si bátatala bekyuli nɔɔ? Dɛ na ɔdubɔbla na bakɔ lɛsa lɛmmɔ? Anwuɔsu na bénweni banii, “Binu bekyuli bani ndubo babakɔ litemi buni lɛmmɔ lɛsa kalɛ na bana bubo kɔku kɔɔda kubiti!”

Marko 16:15

Ɔ́su-ma ɔnini, “Biteesie kayawi ƒui na bitákɔ Katɔti litemi buni lɛmɛni lɛsa na bekyuli ƒui akɔ.

Mateo 28:5

Amu na Katɔti ɔtu ɔmmɔ útemiku beleku bammɔ na ɔ́su-ma ɔnini, “Bitayia. Ngyi ka bɛɛwia Yesu ɔni na bákana bámana ugyii lɛlɔ mmɔ.

Yesaia 52:10

Unwoti údie nwuna ɔyikun bonwu keyi ɔ́tina kadi bekyuli ƒui. Na ɔƒaani ni, ukyuli biala ɔdubɔnu ɔti bula Unwoti Katɔti ɔni mɔɔƒɔ́ ukyuli ngba.

Luka 2:11

Na ɔmwi limeyi lɛmɛni kani lɛlɔ ni, báwɔ Ɔƒɔne ɔni ndi Blɔti Kristo béte-mii na Ɔga Dawid ɔma kemmo.