Luka 17:4 - Katɔti Ɔku Kedee

⁴ Si ɔ́bla lɛla lɛdi ɔ́ƒiɔ-ɔ maatɛ na limeyi linwi kemmo na ɔ́sɔ únwini úbo ubekpi-ɔ kɔtɔ maatɛ ɔmmɔ ni, ti kyiɛ-nwu.”

Luka 17:4 Referans Kwoze

Romaƒuɔ 12:20

Mmomu na Bunweni Kedee Ɔku kemmo ni, básu-bu banii, “Si kɔka kɔɔda ƒula ukisine ni, te-nwu adila na ɔdi. Si utukwɛ mɔɔda-nwu ni, te-nwu ntu na ɔni. Ɔsika si ábla lɛni ni, édie ogya ku agyabi éwi-nwu lili.”

Mateo 6:12

Na eti bula ekpidi akyiɛ-bu aani kalɛ na buuti taakyiɛ bani mɔɔƒiɔ́-bu.

Mateo 18:35

Amu na Yesu ɔ́wɔlɔ kɔtɛ kɔmmɔ ɔnini, “Lɛni kani na mina Ɔti ɔni nkya katɔ ɔdubɔbla bina akɔ ɔdi biala si biléti taakyiɛ bina baƒɔtaadine bakpana ɔ́si bina kayi kemmo ƒui.”

Mateo 18:16

Nsu si útenu lɛlɔ kalɔ ni, ya na ukyuli unwi iye ɛlɛɛ benuku-ɔ litemi lɛmmɔ aani kalɛ na bénweni na Bunweni Kedee Ɔku kemmo ka akɛ nkyuli inyɔ iye ɛtɛ na benye-ɔ litemi kama.

Mateo 5:44

Nsu ɔƒɛni ni, ami mɔɔsu-mii nnii bɛyɔ bina bekisine na bɛkpali katɔ bite bekyuli bani muukpóku-mii.

Luka 17:5

Yesu batalane bévele Yesu banii, “Blɔti, ya na bula bɔƒɔtaadi bumomo bubu.”