Luka 16:23 - Katɔti Ɔku Kedee

²³ Na kekpine mmɔ ni, ɔ́nu ka ɔkya abi kebokɔ. Mmɔ ka ɔ́talaku anumi katɔ ni, ɔ́nu Abraham na katɔ kakaaka ka Lasaro ulie-nwu kudɔ.

Luka 16:23 Referans Kwoze

Petro 2 2:4

Katɔti útenye útanu batu bani náƒiɔ-nwu. Mmomu úbo-ma útákya abi kebokɔ. Na ɔ́ya na bébo-ma kɔgba bákya kasuudikɔ mmɔ wetédu limeyi lɛni na ɔdubɔtɛku-ma litemi.

Luka 16:28

Mmɔ ni, mbo banwani bananabi ɛlɔ. Ya na utébo-ma ɔda kaduɛ kalɛ na ama belebo likpo lɛni na lɛbibo lɛkya mɛni.’

Mateo 23:33

“Bekyuli bekpidi bɛdi! Bise aani balakpi ku bana bebi! Anwuɔsu ni, bɛɛɛdubo bɔkana na bikeli Katɔti kɔtu kɔni na ɔdubɔni-mii na lɛgyavonku kemmo!

Mateo 18:9

Na si ƒula lɛnumi mɔɔyá-a na aabla likpidi ni, die-ni vaakun. Ɔdia ute-ɔ si ebo lɛnumi linwi na akɛ ngba ƒui utulo ka Katɔti uti-ɔ utákya lɛgyavonku kemmo.

Kɔgya 9:17

Kaƒiɔtɔ kemmo na balalane beenwíni teetéduo ama ku kadi bekyuli bani mɔɔyiƒala ka Unwoti ɔkya.

Budie Taatina 20:10

Na bébo ukisine ɔni nátɔlɔ-ma mmɔ bátákya lɛgyavonku bonwu lɛni mɔɔda ku ogya atabi mmɔ kemmo kesii kani na eƒiebuo ɔmmɔ ku ɔkɔ kenye udiene bakya, na badubo abi buteebo usien ku ɔƒɛ usela uwi ƒui.

Luka 8:28

Uwi ɔni na ɔ́nu Yesu ni, ɔ́va momoomo na úƒwimi lɛlɔ ɔ́va kalɔ na Yesu lɛgba kudɔ. Na ɔ́su-nwu ɔnini, “Yesu, Katɔti Ɔni Ntulo Ƒui Ubi! Bi na aawia mina kudɔ mɛni? Buvele nda-a, tani-mi kɔtu.”

Mateo 5:29

Anwuɔsu si ƒula kɔdianu lɛnimi lɛɛyá na aabla likpidi ni, die-ni vaakun. Ɔdia ute-ɔ ka ƒula lɛlɔ kakɛ kadi kayii utulo si Katɔti úti awɔ ukyuli umodi ɔmmɔ ƒui ɔ́kya lɛgyavonku kemmo.

Mateo 5:22

Nsu ɔƒɛni ni, ami mɔɔsu-mii nnii ukyuli ɔni meti kɔnyi makya ɔnwani ni, badubɔtɛku-nwu litemi. Na ukyuli ɔni lɛnɔ masu ɔnwani ɔnii, ‘Aaadi ukyuli ɔdi’ ni, badubɔlɔ-nwu benengu anumi. Na ukyuli ɔni masu ɔnwani ɔnii, ‘Ɔdɔlɔdi na adi’ ni, Katɔti ɔdubɔni-nwu kɔtu na lɛgyavonku lɛmmɔ kemmo.

Yesaia 14:15

Nsu aanu-ɔ mɛni na báayula kalɔ na ébeduo kekpine na ubu kemmo mɛni.

Yesaia 14:9

Kekpine muedi owogyo úwi, na lɛlɔ badine bani lɛnɔ néesie kekpine mmɔ báta babasiaku-ɔ ka bánu-ɔ ka ási adubo.

Korintoƒuɔ 1 15:55

Na bénweni lɛnɔ banii, “Kukpi, wɛ na ƒula lɛlɔ bɔdi bɔkya. Na wɛ na ƒula ɔyikun ɔni mɔɔta-bu mmɔ ɔkya?”

Mateo 11:23

Na awɔ Kapernaum ni, aakali ka Katɔti ɔdubɔtalaku-ɔ katɔ? Oowo! Katɔti ɔdubɔyulaku-ɔ kalɔ usienku lɛgyavonku kemmo. Ɔsika akɔla budie taatina ani lɛ́bla na bina akɔ ni, si Sodom na lɛ́bla-nya ni, nka ɔmu ɔdi ɔma úbalɛ ɔmwi.

Mateo 8:29

Kɔnakunwi ni, báva ku lɛdi momoomo na béye-nwu banii, “Bi na awɔ Katɔti Ubidi aawia-bu kudɔ mɛni? Ébo anii abaka-bu kɔtu bɔni asa na uwi ɔni na Katɔti ɔdubɔtɛku-bu litemi wedu?”

Agba 15:24

Ɔnundane kasiakɔ kási mɛni késela ngba ƒui kemmo na katɔ, ɔsika kaƒiɔtɔ kelénwini-ma keliekɔ uwi ƒui.

Agba 9:18

Nsu ɔmɛni ƒui ni, banana bammɔ baaagyi ka bana bani na uleku ɔmɛni ɔ́ɔka bɔkpali lɛni na bésie ni, kaƒiɔtɔ kemmo na bátáwɔlɔ.

Agba 7:27

Uleku ɔmɛni ɔtɔ ni, kaƒiɔtɔ ulu unengudi na ɔdi. Na ɔtɛ úsie kekpine ubu kalɔ kemmo lɛtɔ lɛmmɔ kemmo.

Agba 5:5

Kekpine ulu na nwuna lɛgba lɛtɔ lísela. Na kaƒiɔtɔ kemmo kani na ɔdubo buduo.

Kɔgya 86:13

Ɔsika aayɔ́-mi geen na édie-mi na ntekpi.

Kɔgya 49:15

Nsu Katɔti ɔdubudie ami na kaƒiɔtɔ kemmo na ɔƒɔ-mi utése lɛlɔ.

Kɔgya 16:10

Na alanyonu mina kɔyu alakya kekpine. Na lɛnɔ ni, alaya ƒula Ubi Kedee ɔlɔna webu.

Luka 16:24

Amu na ɔ́kpali ɔnii, ‘Ati Abraham! Nu-mi kɔnyana na aya na Lasaro uti lɛnimi ɔkya ntu bɔdi kemmo na udu ubo-mi unyemi lɛlɔ na lɛlɔ lɛbla-mi buɛɛ. Ɔsika lɛlɔ lɛɛkywí-mi na ogya ɔmɛni kemmo!’