Luka 16:2 - Katɔti Ɔku Kedee

² Ɔmɛni ɔsu ɔlakɛne ɔmmɔ ɔ́lɔ nwuna ala lɛlɔ ɔnune ɔmɛni na ɔ́su-nwu ɔnini, ‘Bi ndi lɛla lɛni udu na línu lɛ́siku-ɔ lɛlɔ mɛni? Bu akunta na kalɛ na éti aanu mina ala lɛlɔ ƒui boku-mi, ɔsika asɔ alakana mina ala lɛlɔ bɔsɔ bɔnu lɛnɔ.’

Luka 16:2 Referans Kwoze

Budie Taatina 20:12

Na lɛ́nu ka bekpine ƒui benye lɛgaboku lɛmɛni anumi, banamu ku benengu, na bébimi lɛku lɛdi béwi. Na básɔ bébimi ɔku ɔbambadi ɔni ndi ngba ɔku lɛnɔ béwi. Na lɛku lɛmɛni kemmo na baanu taatɛku bekpine ƒui litemi ɔkɛnku ala ani na bábla na bénweni bákya lɛku lɛmmɔ kemmo lɛlɔ.

Petro 1 4:10

Katɔti úte-ma etela lidu lidu na ukyuli biala ɔda nwuna lɛdi kaduɛ na uti ubunku nwuna bakpana ƒui.

Petro 1 4:5

Nsu badubudie lɛlɔ kenye na Katɔti ɔni ndubɔtɛku ngba beliene ku bekpine ƒui litemi anumi na ala ammɔ lɛlɔ.

Timoteo 1 5:24

Bekyuli badi ekpidi eeebo ɔbɛ ɔni na anya alati áaka bana litemi kɔtɔ bɔdu budie bɔtina. Nsu badi ama ni, kama kama asa na ama adi lɛnɔ aalɛ́ keyi.

Etemila 12:14

Katɔti ɔdubɔtɛku-bu litemi na lɛla biala na ukyuli ɔ́bla lɛlɔ ina bɔbɛ na ábɛ ábla-nya na adi likpidi iye lɛbuni.

Timoteo 1 4:14

Na Katɔti Kɔyu kemmo kabla etela ani na úti ɔ́kya-a lɛlɔ kemmo ɔkɛnku nwuna kenye bediene ku baƒɔtaadine benengu bani néti enu básia-a lɛlɔ ni, tada-nya taya.

Korintoƒuɔ 2 5:10

Ɔsika bula ƒui bɔdubɔda bɔlɛ Kristo anumi na ɔtɛku-bu litemi. Na ɔdi biala ɔdubɔƒɔ nwuna lɛyuƒɔla lɛni námanku nwuna kabla. Lɛbuni lɛdi o-o iye likpidi o-o, ɔdubɔƒɔ nwuna lɛyuƒɔla ɔkɛnku ngba bɔni na búlie na kayawi kamɛni kemmo.

Korintoƒuɔ 1 4:5

Anwuɔsu ni, ɔdi utatɛku ɔkpanadi litemi wetédu ka uwi ɔbuni ɔmmɔ webo. Si uwi ɔni na Blɔti úbo ni, anwu ndubɔtɛku ukyuli biala litemi na limeyi likplodi lɛmmɔ lɛlɔ. Na anwu ndubudie kasuudikɔ ala abɛdi keyi na ɔdubudie ala ani na bekyuli kakali kadanku ɔtina. Mmɔ na Katɔti ɔdubumwi ukyuli biala kalɛ na ɔ́bla nwuna kabla ɔ́vinku.

Korintoƒuɔ 1 4:2

Na lɛlakpa linwi lɛni kani na Unwoti ɔɔwia taasiku nwuna ala lɛlɔ ɔnune ɔmɛni udu kudɔ ndi ka ɔ́bla kabla kammɔ ulu lɛlɔ.

Korintoƒuɔ 1 1:11

Ɔsika ni, banwa, bekyuli badi bási Klo kaduli na básu-mi nwaa banii kadɔ kakya-mii ntɛ.

Romaƒuɔ 14:12

Anwuɔsu ni, bula akɔ ɔdi biala ɔdubɔbu nwuna ngba nkunta bute Katɔti.

Luka 12:42

Mmɔ na Yesu údie kenye ɔnini, “Kabla ɔblane ɔni náda anu na ɔɔbla ala ulu lɛlɔ ni, anwu na nwuna Unwoti uuti teenyene kabla bablane bakladi kenye. Na anwu ndubute kabla bablane bakladi bana lɛdila kalɛ na ɔ́manku na uwi ɔbuni kemmo.

Luka 12:20

“Nsu Katɔti anwu ɔ́su-nwu ɔnini, ‘Awɔ ɔdɔlɔdi! Usien ɔmɛni kani na adubo ƒula ngba bɔda buse. Na ɔma ndubɔdi ala ani na áwia ése éte lɛlɔ mɛni?’ ”

Mateo 12:36

Mɔɔyá na ɔbla-mii nwaa ka litemi bɔtɛ limeyi ni, ukyuli biala ɔdubudie lɛlɔ kenye na etemila keeke biala nálɛ-nwu kenye lɛlɔ.

Mateo 20:8

“Amu uwi ɔni na lɛdɔ ɛku líbo ni, kemo ɔlati ɔmmɔ ɔ́su batumane bammɔ lɛlɔ ɔnune ɔnini, ‘Lɔ batumane bammɔ ƒui na aƒɔ-ma kayu. Na ese kalɔ asi bekyuli bekplodi lɛlɔ atálɛ bedeedi lɛlɔ.’

Luka 16:1

Yesu ɔ́su nwuna batɛyane ɔnini, “Dii ni, ɔlakɛne ɔdi ɔ́kya ɔni mbo kabla ɔblane ɔni mɔɔnu-nwu ala lɛlɔ. Amu na bábasu ɔlakɛne ɔmmɔ ka nwuna ala lɛlɔ ɔnune ɔmɛni uubile-nwu egulabi.

Luka 16:3

“Mmɔ na kabla ɔblane ɔmmɔ ɔ́su lɛlɔ ɔnii, ‘Mina Unwoti ɔdubo-mi bɔgya na mina kabla kemmo. Bi na ndubo bɔbla? Liiibo ɔyikun na makana kalɔ bubeyi. Na ala buvele lɛnɔ buukpó-mi kɔƒa.