Luka 15:6 - Katɔti Ɔku Kedee

⁶ Na eti-ku eboku kaduli. Na adubɔlɔ ƒula bakpana ku liku bekyuli na asu-ma anii, ‘Ebiti aada-mi geen, ɔsika lɛ́nu mina koƒonu kɔni náyii ɔsu bɛkɛku-mi ebiti!’

Luka 15:6 Referans Kwoze

Luka 15:10

Na mɔɔsu-mii geen ka ni, lɛni kani na Katɔti batu lɛnɔ baakɛ́ ebiti na alaekpidi ɔblane unwi ɔni nénwini kayi ɔsu.”

Luka 15:24

Ɔsika mina ubi ɔmɛni ni, búti-nwu bɔnii úkpi. Nsu ɔ́sɔ únwini úbo ngba. Ɔ́yii na bɔ́sɔ bɔ́nu-nwu.’ Ɔmɛni ɔsu bése kalɔ ku limeyi bɔdi.

Petro 1 2:25

Bílie ngba dii ani baƒonu bani náyii ulu. Nsu ɔƒaani ni, Katɔti ɔ́sɔku-mii úboku bina ɔdane ɔni mɔɔgyumana-mii kɔyu kudɔ.

Batalane Kabla 11:23

Ka útéduo mmɔ na ɔ́nu kalɛ na Katɔti úbunku-ma ni, ebiti áda-nwu geen na ɔ́kya-ma ogya úbu ɔnii benye Blɔti kama kpakplaa ku bana kayi ƒui.

Kɔgya 119:176

Lɛ́yii ulu aani koƒonu kɔni náyii. Wia-mi ƒula kabla ɔblane kama ulu, ɔsika ntayiƒala ƒula ɔda bubo.

Ƒilipiƒuɔ 2:17

Nsu si ina mina ubugya na bada beewi kalɔ aani kalɛ baabla akpala na bina lili kalɛ na bina bɔƒɔtaadi busie anumi ni, lɛlɔ lɛdubɔyɔ-mi na kubiti kɔda-mi na bina ƒui ɔsu.

Batalane Kabla 15:3

Anwuɔsu ka baƒɔtaadine bamɛni ƒui bésie-ma ulu bétédu kabanye ni, bátɔlɔ bésie Ƒoinike ku Samaria lɛma kemmo na bátávi baƒɔtaadine bani nkya mmɔ lɛlɔ. Na básu-ma ka ɔƒaani ni, ama bani naaadi Yudaƒuɔ lɛnɔ béti lɛlɔ béte Blɔti. Na litemi lɛmɛni lɛ́ya na bana ƒui bákɛ ebiti geen.

Yohane 15:14

Na amii ndi mina bakpana si bɛɛdi mina ɔda ɔni na líbo-mii lɛlɔ.

Yohane 3:29

Na ɔƒɛni ni, anwu ɔni ndi uleku ɔgya ɔmmɔ mbo uleku. Na uleku ɔgya ɔkpana ɔni nnye uleku buti kabla kamɛni kenye ni, si uwi ɔni na uleku ɔgya ku uleku ɔmmɔ bása baatɛmi bana lɛlɔyɔ atɛ ni, uunye teenu-nya ku ebiti. Lɛni kani na ami lɛnɔ ebiti aada-mi geen aani uleku ɔgya ɔkpana ɔmmɔ.

Luka 15:7

Na mɔɔsu-mii ka ni, lɛni na ebiti enengudi adubɔda Katɔ Ɔga Ɔma badi ƒui na alaekpidi ɔblane unwi pɛ ɔni nénwini kayi ɔsu utulo ebiti ani bebo na nkyuli liti ku aavlene-yaalenwi babuni bani naaawia kayi bunwini.

Petro 1 2:10

Uwi ɔdi kemmo ni, bɛɛɛdi Katɔti bekyuli. Anwuɔsu Katɔti útanu-mii kɔnyana. Nsu ɔƒɛni ka bɛdi nwuna bekyuli ɔsu ni, Katɔti ɔɔnu-mii kɔnyana.

Tesalonikaƒuɔ 1 2:19

Mɔɔwia geen ka mbanu-mii, ɔsika amii ndi bula lɛnumi. Na bɛɛda-bu kubiti, ɔsika amii ku baƒɔtaadine bakladi ndi bula kɔsia kɔni ɔsu na bɔdubuƒu uwi ɔni na Blɔti Yesu wasɔ webo.

Ƒilipiƒuɔ 4:1

Anwuɔsu ni, mina banwa bayɔne ɔni na naaanu-mii ni, kɔyɔ kúwi-mi! Bɛɛkya-mi kubiti geen na mɔɔtalaku lɛlɔ katɔ na amii ɔsu. Banwa bayɔne geen, lɛni na ɔdi ka binye kpakplaa na Kristo kemmo.

Ƒilipiƒuɔ 1:4

Na uwi biala na mɔɔkpali katɔ na bina lili ni, mɔɔkpali ku lɛlɔyɔ

Luka 1:58

Na Elisabet liku bekyuli ku banwa ƒui bénu akɔla ebendi ani na Katɔti ɔ́bla úte-nwu. Na bana ƒui bákɛku-nwu ebiti kaduɛ.

Luka 15:5

Na si ánu-ku ni, adubɔkɛ kubiti geen, na agyu-ku asia amangba.