Luka 12:5 - Katɔti Ɔku Kedee

⁵ Ukyuli ɔni na ɔlɛka bɛyia ni, ndubo-mii bɔtina. Bɛyia Katɔti ɔni na si ɔ́du-ɔ ɔ́wɔlɔ ni, na ɔsɔ ubo ɔyikun na uti-ɔ ubo ɔkya lɛgyavonku lɛni mɔɔda uwi ƒui kemmo. Bɛƒɔ-mi bɛdi ka ni, anwu ndi ukyuli ɔni na ɔlɛka bɛyia.

Luka 12:5 Referans Kwoze

Petro 2 2:4

Katɔti útenye útanu batu bani náƒiɔ-nwu. Mmomu úbo-ma útákya abi kebokɔ. Na ɔ́ya na bébo-ma kɔgba bákya kasuudikɔ mmɔ wetédu limeyi lɛni na ɔdubɔtɛku-ma litemi.

Mateo 10:28

Bitayia bekyuli bani na ɔlɔna kani na badubɔkana bɔdu na balakana ukyuli kɔyu aku bɔdu. Mmomu bɛyia Katɔti ɔni ndubɔkana na ɔdu ukyuli kɔyu ku ɔlɔna na lɛgyavonku kemmo.

Budie Taatina 14:7

Ɔ́su ku lɛdi bonwu ɔnini, “Bɛbu Katɔti na bɛkɔliku-nwu lɛnyi katɔ! Ɔsika nwuna uwi údu ka ɔtɛku bayawine ƒui litemi. Bimwi anwu ɔni nábla katɔ ku kalɔ ku ɛpu ku ntukpa ƒui!”

Hebriƒuɔ 10:31

Liƒu lɛla bonwu lɛdi si Katɔti ɔni nli ngba uwi ƒui ɔ́da-a na kɔnyi kemmo.

Kɔgya 9:17

Kaƒiɔtɔ kemmo na balalane beenwíni teetéduo ama ku kadi bekyuli bani mɔɔyiƒala ka Unwoti ɔkya.

Agba 14:26

Lɛla lɛdi lilekpoku bekyuli bani mɔɔyia Unwoti. Ɔsika Unwoti ɔdi katamikukɔ ute bana bebi.

Budie Taatina 20:14

Béti kukpi ku kekpine kammɔ ƒui bébo bátákya lɛgyavonku kemmo. Na ɔmɛni ndi kukpi kunyɔdi.

Tesalonikaƒuɔ 1 4:6

Ɔkɛnku ɔmɛni lɛlɔ ni, ɔdi biala lɛnumi litegyie na ɔnwani ulekudi lɛlɔ kalɛ na waƒiɔ-nwu. Bɔ́su-mii na bɔ́lɛ-mii na ɔmɛni lɛlɔ búse kpakplaa ka ni, Blɔti ɔdubɔni bani mɔɔbla ala amɛni kɔtu geen.

Mateo 25:41

“Amu na ɔdubɔsu bani na ɔ́ya na bésie kama ɔnini, ‘Bɛkpɛ bɛlɛ-mi lɛlɔ, amii bani na Katɔti úwida! Biteesie lɛgyavonku lɛni neeeni kudii na Katɔti ɔ́klibi úse úte ukisine ɔmmɔ ku nwuna ayu ekpidi kemmo!

Budie Taatina 15:4

Ɔma makana-a anumi bunye na ulayia awɔ Blɔti, na uleti bumwi ulete ƒula lɛnyi? Ɔsika awɔ lɛti nse kedee, na kalɔ ƒui bekyuli badubo babakya-a lili kalɔ. Ɔsika bédie bátina ka aabla lɛla biala ulu siin lɛlɔ.”

Mateo 5:22

Nsu ɔƒɛni ni, ami mɔɔsu-mii nnii ukyuli ɔni meti kɔnyi makya ɔnwani ni, badubɔtɛku-nwu litemi. Na ukyuli ɔni lɛnɔ masu ɔnwani ɔnii, ‘Aaadi ukyuli ɔdi’ ni, badubɔlɔ-nwu benengu anumi. Na ukyuli ɔni masu ɔnwani ɔnii, ‘Ɔdɔlɔdi na adi’ ni, Katɔti ɔdubɔni-nwu kɔtu na lɛgyavonku lɛmmɔ kemmo.

Yeremia 5:22

Bi ɔsu na útalɛka lɛlɔ litaatɔ-mii na bitaayia-mi ku ɔbu? Ami násia ubili líte ɛpu na ɔ́bala ntu bɔmmɔ. Ntu bɔmmɔ buubó taababwɛ teewi ubili kowodu kɔmmɔ, nsu bulávia teebo kama teetulo kesii kani na lɛ́sia-mu ɔmii.

Mateo 25:46

Yesu ɔ́wɔlɔ ɔnini, “Bekyuli bamɛni na badubuti batákya lɛbibo lɛni naaadubo bɔsa kudii kemmo. Na bekyuli babuni bammɔ badubɔkɛ ngba bɔni naaadubo bɔsa kudii.”

Yeremia 10:7

Awɔ ndi kadi bekyuli ƒui ɔga. Na awɔ na ɔlɛka ukyuli biala ɔbu. Ɔsika ukyuli ɔyawine ɔdi uuubo kalɔ kamɛni lɛlɔ kesii kadi na ɔ́da anu utulo-ɔ.

Marko 13:23

Anwuɔsu binye kagyumana! Lɛ́su-mii lɛla biala líse asa na uwi ɔmmɔ wedu.