Luka 11:51 - Katɔti Ɔku Kedee

⁵¹ Ɔ́si ɔni bádu Abel úbedu Sakaria ɔni na bádu na lɛkpabi ku kesii kani na baalɔ banii likpo kedee ntɛ. Lɛni geen mɔɔsu-mii ka ni, Katɔti ɔdubo ɔmwi limeyi bekyuli kɔtu bɔni na bana ƒui ɔsu!

Luka 11:51 Referans Kwoze

Hebriƒuɔ 11:4

Ɔkɛnku bɔƒɔtaadi lɛlɔ na Abel úti akpala ani ndia ntulo Kain akpala ɔ́kpa úte Katɔti. Na ɔkɛnku nwuna bɔƒɔtaadi lɛlɔ ɔsu na Katɔti úmwi-nwu na ɔ́nu-nwu ka ɔdi ukyuli ɔni nse siin. Ɔsika nwuna akpala áyɔ Katɔti kaƒɔ. Ina ka Abel úkpi ni, ɔkɛnku nwuna bɔƒɔtaadi lɛlɔ ɔsu na nwuna ablala amu aatɛmiku-bu.

Mateo 23:35

Na bekyuli bani nse siin ubugya ɔni na bíwiakun ɔ́si Habel lɛlɔ útálɛ Barakia ubidi Sakaria ɔni na bina bati bádu-nwu na kakpakɔ ku lɛkpabi ntɛ mmɔ ni, ubugya ɔmmɔ ɔdubɔsia bina kadi bekyuli ƒui lɛlɔ.

Yohane 1 3:12

Na utalɛka bɔbla lɛlɔ aani Kain kalɛ. Ɔsika anwu ɔdi Satan ɔdi, na ɔ́du ɔnwani. Na bi ɔsu na Kain ɔ́du-nwu? Ɔsika uukisi ɔnwani ka nwuna ablala ese siin ɔsu. Na anwu Kain adi eeese siin.

Sakaria 1:1

Uwi ɔni na Dario ɔɔdi lɛga lɛkwa linyɔdi kɔbuli maanedi kemmo ni, Unwoti ɔ́su Kenye Udiene Sakaria kenye kadi. Na ɔti ndi Berekaia ɔni ɔti ndi Ido.

Hebriƒuɔ 12:24

Na bíbo bíbasiaku Yesu ɔni ndi bunyimi bɔwɔdi bɔmɛni kenye unyene. Na ɔ́kuna nwuna ubugya ɔni mɔɔsu etemila ani mbo ɔyikun etulo Abel ɔdi úwi-mii lɛlɔ.

Yeremia 7:28

Anwuɔsu su-ma anini, ‘Yuda kadi bekyuli, ami ndi Unwoti bina Katɔti, nsu bíni na bítadi mina litemi lɛlɔ. Na ɔni na lɛ́ni-mii kɔtu muedi bíbulo na bítavumana udu. Na bilábla taatina na anumi kemmo muedi ka bɛsiaku-mi kama siin.

Ala Kalɔ Buse 4:2

Na ɔmmɔ kama ɔ́sɔ ɔ́wɔ ɔnwani Abel. Na Abel ɔmɛni ɔdi bebuo ɔnyuɛne. Na Kain ɔdi umonsene.