Luka 10:7 - Katɔti Ɔku Kedee

⁷ Bɛsɔ bɛkya kaduli kani kemmo na báƒɔ-mii. Na lɛla biala lɛni na badubuti bete-mii ni, bɛdi na bɛni-ni. Ɔsika kabla ɔblane biala ni, ɔlɛka bete-nwu nwuna lɛyuƒɔla. Bitatáka bitamana ɔ́si kaduli kani úsie kani.

Luka 10:7 Referans Kwoze

Timoteo 2 2:6

Umonsene ɔni nábla kogyoklo geen na nwuna kemmo ni, anwu mɔɔka edula ammɔ bɔdi.

Galatiƒuɔ 6:6

Ukyuli ɔni na bátina-nwu bɔƒɔtaadi kemmo etemila ni, anwu lɛnɔ ule nwuna akɛla ku ukyuli ɔni mɔɔtina-nwu ala mmɔ.

Luka 9:4

Kesii biala na báƒɔ-mii ni, bɛsɔ bɛkya kaduli kammɔ kemmo utédu uwi ɔni na ɔlɛka bɛtɔlɔ ɔma ɔmmɔ kemmo.

Marko 6:10

Ɔ́sɔ ɔ́su-ma ɔnini, “Si kesi kesii na báƒɔ-mii ni, bilie mmɔ kani bitédu uwi ɔni bɛdubɔtɔlɔ.

Timoteo 1 5:13

Ɔmmɔ kama ni, badububile uwi na bakɛ kɔnu bete bekyuli kɔduli bɔvi bataatɛmi atɛ keeke. Na ukpidi ƒui ndi ka ni, badubutaalɔ bekyuli anyikpi na beteekeyi atɛ. Na bataatɛmi bekyuli lɛlɔ kɔtɛ ku ala abambadi ani na útalɛka basu.

Batalane Kabla 16:34

Amu na béduo ɔtɔ na úte-ma lɛla lɛdi bádi. Na nwuna kaduli bekyuli ƒui bákɛ ebiti geen, ɔsika báƒɔ Katɔti bádi.

Batalane Kabla 16:15

Amu ka anwu ku nwuna kaduli bekyuli ƒui báƒɔ ntu bɔkpila ɔdi ni, úvele-bu ɔnini, “Si bɛ́tuna bɛnii ndi ɔƒɔtaadine geen nte Blɔti ni, na bibeduo-mi kudɔ.” Na ɔ́ni litemi lɛmɛni úneneku-bu útédu ka búsie bútéduo-nwu kudɔ.

Lɛkpa Ulu 12:12

Na amii ku bina bebi ku bina kabla bablane banana ku beleku ku Lewiƒuɔ bɛdi limeyi na mmɔ na lɛlɔ litaayɔ-mii na Katɔti anumi. Na binyimo ka Lewiƒuɔ bammɔ beeebo kadikɔ kadi na mmɔ.

Batalane Kabla 16:40

Amu na Silas ku Paulo bátɔlɔ bésie Lidia kesii. Na mmɔ na bátánu baƒɔtaadine bakladi. Na básɔ bákya-ma ogya bébu asa na bátɔlɔ ɔma ɔmmɔ kemmo.

Luka 10:6

Na si ukyuli ɔni mɔɔyɔ́ keyi buɛɛ ɔdi ɔkya mmɔ ni, bɛya na bina keyi buɛɛ kasiaku-nwu. Nsu si ɔdi uuubo ni, bɛsɔku bina keyi buɛɛ kegye bɛtɔlɔku.

Bumomo Bɔka 18:31

Na amii ku bina kaduli bekyuli bɛkana na bɛdi ɔkladi na kesi kesii ƒaa, ɔsika ɔmmɔ ndi bina lɛyuƒɔla na kabla kani na bɛɛbla na Unwoti Adi Kevo kemmo kenye.

Lɛkpa Ulu 18:8

Na ɔlɛka bete-nwu adila aani kalɛ na beete bakpane bani nlie mmɔ adila ina ka nwuna kaduli bekyuli béte-nwu egulabi adi.