Luka 1:77 - Katɔti Ɔku Kedee

⁷⁷ Na aya nwuna bekyuli bati ka badubɔkɛ bɔƒɔ na bana ekpidi buti taakyiɛ ɔsu.

Luka 1:77 Referans Kwoze

Batalane Kabla 10:43

Na Katɔti kenye bediene bénweni básiku-nwu lɛlɔ ka ukyuli biala ɔni maƒɔ-nwu madi ni, Katɔti ɔdubɔƒɔ nwuna ekpidi udie-nwu lɛlɔ na anwu Yesu lɛnyi kemmo.”

Batalane Kabla 5:31

Katɔti úte-nwu kenyekɔ kenengudi na nwuna kɔdianu. Na úti-nwu ɔ́bla Ɔgadine ku Ɔƒɔne kalɛ na Israelƒuɔ bakɛ kuƒi benwini bana kɔyi, na bakɛ ekpidi butitaakyiɛ.

Batalane Kabla 2:38

Amu na Petro ɔ́su-ma ɔnini, “Ɔlɛka bina akɔ ɔdi biala ɔda ekpidi bɔbla ɔya na unwini ubo Blɔti kudɔ, na ɔƒɔ ntu bɔkpila ɔdi na Yesu Kristo lɛnyi kemmo kalɛ na Katɔti uti nwuna ekpidi ɔkyiɛ-nwu, na ukyuli ɔmmɔ wakɛ Katɔti Kɔyu aani kalɛ na Blɔti ɔ́su úse.

Batalane Kabla 3:19

Anwuɔsu ni, binwini kama bɛkya ekpidi bɔbla na biti anumi bɛsia Unwoti lɛlɔ, kalɛ na waƒɔ bina ekpidi wedie-mii lɛlɔ na bɛkɛ bɔnwuna buɛɛ na Blɔti kudɔ, kalɛ watala Kristo Yesu wakya-mii aani bina Ɔƒɔne kalɛ.

Yohane 1:34

Na lɛ́nu ka ɔ́lɛ lɛni na ukyuli ɔmɛni lɛlɔ. Na mɔɔsu-mii geen ka anwu ndi Katɔti Ubidi ɔmmɔ.”

Yohane 1:29

Kadi kégye ni, Yohane ɔ́nu ka Yesu ɔ́si ɔdubo. Amu na ɔ́su bani nnye-nwu kudɔ mmɔ ɔnini, “Bɛnu! Ɔmɛni ndi Katɔti Lɛkpa Koƒonu Ubi ɔni ndubo bayawine ekpidi buni budie-ma lɛlɔ.

Luka 3:6

Mmɔ na bekyuli ƒui badubɔnu Ɔƒɔne ɔni na ɔ́tala!’ ”

Luka 3:3

Amu na Yohane ɔkɛ ɔɔví Yordan utuvi ku kalɛkɛ mmɔ bene ƒui ɔɔsu Katɔti litemi ɔnii, “Binwini kama bɛkya bina ekpidi na bɛƒɔ ntu bɔkpila ɔdi kalɛ na Katɔti uti bina ekpidi ɔkyiɛ-mii.”

Eƒesoƒuɔ 1:7

Ɔsika ɔkɛnku Kristo ubugya lɛlɔ na bɔ́kɛ bɔƒɔ, na ɔmɛni ɔ́tina ka bɔ́kɛ likpidi buti taakyiɛ. Bɛnu Katɔti lɛƒɔndia bonwu lɛni na úti úte-bu!

Yeremia 31:34

“Na ɔ́si ɔƒɛni ni, ukyuli ɔdi ɔsɔ ulatina ɔkpanadi iye ɔnwani ka ɔti Blɔti. Ɔsika bana ƒui badubo-mi bɔti ɔ́si ubliidi ƒui útálɛ unengudi lɛlɔ. Na ɔ́si ɔƒɛni ni, ukyuli ɔdi ɔsɔ ulatina ɔkpanadi iye ɔnwani ka ɔti Blɔti. Ɔsika bana ƒui badubo-mi bɔti ɔ́si ubliidi ƒui útálɛ unengudi lɛlɔ. Na ndubuti bana alaekpidi ani ƒui bábla lɛkyiɛ-ma. Na nsɔ lɛɛɛdubo bana ekpidi bunyimo kudii.

Romaƒuɔ 3:25

Katɔti néti Yesu ɔ́kpa na bula ekpidi lili. Na ɔkɛnku nwuna ubugya ɔni na úwi kalɔ ɔsu ni, bekyuli baakɛ́ bana ekpidi buti taakyiɛ si báƒɔ Kristo bádi. Katɔti ɔ́bla ɔmɛni úti ɔ́tina-bu kalɛ na ɔɔbla ala ƒui ulu lɛlɔ. Ɔ́kɛku-bu kayi na uwi ɔni návi kemmo, na útakpete bula ekpidi.

Batalane Kabla 19:4

Amu na Paulo údie kalɔ ɔ́tina-ma ɔnini, “Yohane ɔ́kpila bekyuli bani nénwini kama bákya bana ekpidi ntu. Na ɔ́su-ma ɔnii baƒɔ ukyuli ɔni ndubɔsia anwu Yohane kama badi. Na ukyuli ɔmmɔ ndi Yesu Kristo.”