Luka 1:53 - Katɔti Ɔku Kedee

⁵³ Ɔ́ya na bekyuli bani na kɔka kɔɔda ƒui bémo ku ala abuni sɔɔn, na balakɛne bénwini ku enukplu.

Luka 1:53 Referans Kwoze

Luka 6:21

Lɛlɔ litaayɔ amii bani na kɔka kɔɔda ɔƒɛni, ɔsika amii ndubumo! Lɛlɔ litaayɔ amii bani muuwulo ɔƒɛni, ɔsika bɛdubɔma!

Kɔgya 34:10

Bagyata ɔyikun ɔɔyii udu na baayaki lɛdila na baatɛ kɔka. Nsu bekyuli bani ƒui mɔɔwia Unwoti kama ulu ni, balayaki lɛla lɛbuni lɛdi kudii.

Luka 6:24

“Nsu bɔbuɛ muute amii balakɛne, ɔsika bɛ́ɛkɛ bina ngba ebiti mɛni!

Mateo 5:6

Lɛlɔ litaayɔ bekyuli bani na anumi eegyie-ma ka belie siin na Katɔti anumi. Badubɔkɛ lɛla lɛni mayɔ-ma kaƒɔ.

Korintoƒuɔ 1 1:26

Banwa, asa na Katɔti waƒuna-mii ni, binyimo kalɛ na bíse na bekyuli anumi! Bina pii biiibo lɛnunda ku ɔyikun. Iye bítasi kaba kani náƒɔ kuye kadi kemmo.

Yohane 6:35

Mmɔ na Yesu ɔ́su-ma ɔnini, “Ami ndi adila ani mɔɔyá na bekyuli beelie ngba. Na ukyuli ɔni muubo-mi kudɔ ni, kɔka kɔsɔ kulada-nwu. Na ukyuli ɔni mɔɔƒɔ́-mi taadi ni, utukwɛ ɔsɔ ulada-nwu kudi kudii.

Samuel 1 2:5

Bani na ala ása ese-ma na baadi teemo ni, ama muusé lɛlɔ ɔkpa asa baakɛ́ lɛdila. Nsu bani nátaatɛ kɔka ni, ama mɔɔdi teemo ɔƒɛni. Na udinkɔ nábawɔ bebi maatɛ. Nsu uwele ɔni na ubo bebi pii ɔyila nwuna bebi ƒui.

Korintoƒuɔ 1 4:8

Bɔsa na ala ani ƒui na bɛɛwia áasa-mii? Munuu balakɛne na biinwíni? Bɛ́ɛta bínwini baga ina ka bɔɔɔdi baga? Awo! Mɔɔyɔ́ si nka banii baga na bíinwini. Na abu lɛnɔ bunwini baga aani bina kalɛ!

Esekiel 34:29

Ndubo bɔya na baƒɛ edula abuni geen balɛku bana mmo kalɛ na kɔka kɔsɔ kulada-ma iye baƒɔ bani na bana adɔ basɔ baláma-ma.

Kɔgya 146:7

Anwu mɔɔtɛ litemi teete bekyuli bani na beekpóku. Na bani na kɔka kɔɔda ni, uute-ma adila. Na bani na bákya-ma ɔtɔ lɛnɔ ni, uudie-ma na baakɛ́ bɔnwuna.

Luka 1:54

Nwuna anumi asia kenye kani na ɔ́su bula bati kuuku úse lɛlɔ, na úbo ɔnii ubebunku Israel kadi bekyuli ƒui.