Luka 1:17 - Katɔti Ɔku Kedee

¹⁷ Anwu ndubɔka Blɔti bubo na ɔyikun ku kayi buse kemmo aani kalɛ na Katɔti Kenye Udiene Elia úse kalɛ. Na anwu ndubo bebi ku bati bɔsɔku bɔsala. Na ɔdubunwini batuɔkplune kasusu úboku kasusu kedee bɔbla lɛlɔ. Ɔmɛni ndubɔya na Blɔti bekyuli benye kagyumana bete-nwu.”

Luka 1:17 Referans Kwoze

Mateo 11:14

Na si bɛɛyɔ́ ka bɛƒɔ bana litemi bɛdi ni, Yohane ndi Elia ɔni na básu bése ka webo.

Luka 1:76

Na awɔ, mina ubi ni, badubɔlɔ-ɔ banii Katɔti Ɔni Ntulo Ƒui Kenye Udiene. Awɔ ndubo bɔgyu bɔtɔ na Blɔti lɛtɔtɔ kalɛ na aklibi ulu ese ete nwuna bubo.

Yohane 3:28

Amii alati bɛdubudie-mi kenye ka lɛ́su-mii nwaa nnii ɔɔɔdi ami ndi Ukyuli Ɔƒunadi ɔmmɔ. Nsu Katɔti ɔ́tala-mi ka lɛgyu lɛtɔ-nwu.

Kɔgya 78:8

Baaadubo buse aani bana bati bani náta bénye Katɔti lɛlɔ. Ama bábla atuɔkplu ɔsu na bénwini kaba kani nátadi Katɔti ɔda bubo lɛlɔ. Bana kayi kátasia Katɔti lɛlɔ uwi ndi uwi. Na bátadi nwuna etemila lɛlɔ lɛnɔ.

Ala Alɛdi 1 29:18

“Ya na utaada-bu kubiti uwi biala ka buteeboku-ɔ ala. Na ebunku-bu na bɔkana na bɔsiaku-ɔ kama siin butaadi ƒula litemi lɛlɔ aani kalɛ na bula bati kuuku Abraham ku Isak ku Yakob bákpa-a.

Budie Taatina 20:4

Na ɔmɛni kama ni, lɛ́nu agaboku adi. Na bekyuli bani na Katɔti úte ɔyikun ka batɛku bekyuli litemi ni, belie-nya lɛlɔ. Na lɛ́nu bekyuli babambadi ayu. Ama ndi bani nédie Blɔti Yesu kenye na básu Katɔti litemi. Anwuɔsu kayawi bekyuli békulo-ma eli. Ama ndi bani nétemwi eƒiebuo ɔmmɔ iye eƒiebuo ɔmmɔ baƒiɔ bani bése béte lɛlɔ ka bataakpa. Na bátasia-ma nwuna likpose lɛdi na bana atɛntɛ iye enu lɛlɔ. Bekyuli bamɛni básɔ báta bébelie ngba na bádiku Kristo lɛga akwa apim unwi.

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.

Kɔgya 111:10

Ukyuli ɔni mɔɔyia Unwoti uusé kalɔ taada anu. Na bani ƒui mɔɔsia nwuna ɔda bubo anu ni, beenú ala abuni kalɔ. Ɔmɛni ɔsu na ɔlɛka buteemwi-nwu uwi biala kemmo.

Timoteo 2 2:21

Anwuɔsu si ukyuli ɔdi ɔ́da lɛlɔ údie likpidi kemmo na ɔ́bla lɛlɔ sɛɛn ni, anwu náƒɔ Blɔti kuye aani akyami ani nse nte emeyi buni bɔdi. Na ɔ́manku ute ka ɔbla kabla kabuni.

Yesaia 29:24

Na ukyuli biala ɔni na ɔ́yii ulu, ɔsu na ɔɔƒiɔ́ na kɔyu kemmo ni, ɔdubunu ala kalɔ na ɔbla-nwu nwaa. Na bani na mɔɔkya unyeƒi lɛnɔ ni, badubunu mina ala ani na mɔɔtina-ma kalɔ na badi-mu lɛlɔ.”

Romaƒuɔ 9:23

Na lɛni kani na ɔ́yɔ ka údie ala abuni ani nkya nwuna bukeye bonwu kemmo keyi ɔtina bani na wanu kɔnyana. Na abu ndi bekyuli bani na ɔ́klibi úse ka bɔdubo bukeye.

Batalane Kabla 10:33

Ɔmɛni ɔsu na lɛ́tala lɛni babalɔ-ɔ, na awɔ lɛnɔ ábla kaduɛ ka áta lɛgba lɛgba ébo. Anwuɔsu na bulie bɔgya-a na Unwoti anumi ka abasu-bu litemi lɛni na ɔ́su-ɔ ɔnii su-bu.”

Yohane 1:34

Na lɛ́nu ka ɔ́lɛ lɛni na ukyuli ɔmɛni lɛlɔ. Na mɔɔsu-mii geen ka anwu ndi Katɔti Ubidi ɔmmɔ.”

Yohane 1:13

Na ubi bɔdi bɔmɛni bɔɔɔkɛnku kaba kemmo kɔwɔ lɛlɔ. Na bɔɔɔdi ɔnana ku uleku kɔwɔ kemmo na bɔ́si. Na bútasi ɔnana ubi bɔwia kasusu kemmo lɛnɔ. Mmomu ni, Katɔti ubi bunwini bɔmɛni bɔ́si Katɔti ɔlati kudɔ.

Luka 1:16

Na anwu ndubo Israel bekyuli pii bɔsɔku buboku bana Unwoti Katɔti kudɔ.

Mateo 14:4

Ɔsika Ntu Ɔkpilane Yohane ɔ́su Herode ɔnini, “Katɔti ɔda bubo buléte kuƒi ka nka eti ƒula ɔnwani ulekudi Herodia.”

Amos 4:12

“Ɔƒɛni amu ami ku-mii alati ndubo bɔsa. Anwuɔsu ni, Israel, bɛklibi lɛlɔ na amii ku ami bina Unwoti anumi abla enwi!

Kɔgya 10:17

O Unwoti, bekyuli bani muuboku lɛlɔ kalɔ na beevele-ɔ bana kayi lɛyɔla ni, eenú-ma bɔkpali na aakya-ma kayi ogya, na eenú-ma lɛdi lɛnɔ si baakpali-ɔ.

Ala Alɛdi 2 29:36

Na Hesekia ku Yuda kadi bekyuli bammɔ bádi limeyi na lɛlɔ lɛ́yɔ-ma, ɔsika Unwoti úbunku-ma na bákana na bábla ɔmɛni kɔnakunwi.

Baga 1 21:20

Amu na Ahab ɔ́su Elia ɔnini, “Bi? Bɔnu na awɔ mina ukisine ánu-mi?” Amu na Elia údie kenye ɔnini, “Lɛ́nu-ɔ, ɔsika éti lɛlɔ éye éte likpidi na Unwoti anumi.

Baga 1 17:1

Amu na kenye udiene ɔni baalɔ Elia na ɔ́si Tisbi na Gilead kalɛkɛ kemmo úsie útásu Ɔga Ahab ɔnini, “Mɔɔsu-ɔ na Unwoti Israel Katɔti ɔni kabla na mɔɔbla na uli ngba lɛnyi kemmo ka ni, na akwa alɛɛ adi kemmo ni, amii iye ɔnantu ɔsɔ ulana ulewi kalɔ si ɔɔɔdi ami násɔ lɛ́su nnii ɔna.”

Yohane 1 2:28

Mina bebi bayɔne, biliku Kristo kalɛ na si uwi ɔni na ɔ́da ɔ́lɛ ni, bɔdubɔkana na bunye-nwu anumi ku kaƒɔ ƒaa na kɔƒa kulékpo-bu limeyi lɛmmɔ lɛlɔ.

Mateo 3:4

Na awu ɔni na Yohane ɔkya ni, ɔƒlumu linwini na béti bédi-nwu. Na ebuo ɔku kabuli kada-nwu kavobi. Na nwuna adila ani na ɔɔdi ndi uwɔ ku baalɔlɔ bani muubile edula.

Baga 2 1:16

Amu na Elia ɔ́su ɔga ɔnini, “Lɛni na Unwoti ɔɔsu, ‘Ɔni na eeebo Katɔti ɔdi na Israel na eye-nwu lɛla lɛdi enu ɔsu na átala bekyuli na Ekronƒuɔ baƒiɔ Baal-Sebub kudɔ? Na lɛla lɛni na ábla mɛni ɔsu ni, alata ƒula atɛla ani lɛlɔ na atɛ mɛni, na bukpi kani na adubukpi!’ ”

Baga 1 18:18

Amu na Elia údie kenye ɔnini, “Ńtakya lɛsɛ lɛdi na Israel. Nsu awɔ ku ƒ'ɔti kaduli na ɔ́si. Ɔsika bíni Unwoti ɔda bubo na bísie bɛ́siaku Baal kama.

Samuel 1 7:5

Amu na Samuel ɔ́su Israelƒuɔ bammɔ ɔnini, “Bɛya na Israelni biala ubo. Na bɛsala lɛlɔ na Mispa na ndubɔkpali Unwoti na livele-nwu lite-mii.”

Mateo 3:3

Yohane ɔmɛni ndi ukyuli ɔni lɛlɔ na Katɔti Kenye Udiene Yesaia ɔ́su úse ɔnini, “Ukyuli ɔdi ɔɔva na ketele kemmo ɔnii, ‘Binye kagyumana bite Blɔti. Bɛklibi bina lɛlɔ bise kaduɛ bite nwuna bubo.’ ”