Luka 1:13 - Katɔti Ɔku Kedee

¹³ Nsu Katɔti ɔtu ɔmmɔ ɔ́su-nwu ɔnini, “Sakaria, tayia! Katɔti únu ƒula bɔkpali, na ƒula ulekudi Elisabet ɔdubɔwɔ ɔnanabi ute-ɔ. Na adubɔsia-nwu lɛnyi anii Yohane.

Luka 1:13 Referans Kwoze

Batalane Kabla 10:31

Ɔ́su-mi ɔnini, ‘Kornelio, ƒula lɛƒɔndia ku ƒula katɔ bɔkpali ƒui uudú Katɔti kudɔ! Na ɔƒaani ni, tala bekyuli badi na besie Yopa na batálɔ Simon Petro ɔni nli Simon ɔni mɔɔbla bebuo lɛku kabla na uli ɛpu kudɔ.’

Samuel 1 2:21

Unwoti ɔ́bla Hana lɛƒɔndia sɔsɔ na ɔsɔ úbada kaƒɔ na ɔ́wɔ bebi bananabi ɛtɛ ku belekubi inyɔ. Na uwi ɔmmɔ kemmo ni, Katɔti anumi ásia Samuel lɛlɔ na ɔ́lɛ lili geen na kakpakɔ mmɔ.

Kɔgya 113:9

Ɔɔyá na bedinkɔ baawɔ na lɛlɔyɔ lɛɛkya kaduli kemmo. Bɛya na bumwi Unwoti.

Ala Kalɔ Buse 25:21

Na Rebeka ɔmɛni ni, ɔdi udinkɔ. Anwuɔsu ni, Isak ɔ́kpali Katɔti na nwuna lili na nwuna tawɔ tawɔ ɔsu. Na Unwoti Katɔti lɛnɔ únu-nwu bɔkpali na ɔ́ya na ulekudi Rebeka úbada kaƒɔ.

Luka 2:21

Na emeyi maane kama ka uwi úbedu ka bekulo ubi ɔmmɔ lego ni, básia-nwu lɛnyi banii Yesu aani kalɛ kani na Katɔti ɔtu ɔmmɔ ɔ́su úse asa na badubɔda-nwu kaƒɔ.

Kɔgya 118:21

Mɔɔgyá-a enu ka énu-mi bɔkpali na áya na lɛ́di mina bekisine lɛlɔ.

Ala Kalɔ Buse 18:14

Bɛɛkali bɛnii lɛla lɛdi libo ɔkplu litulo Unwoti ka ɔkana bɔbla? Ndubɔsɔ linwini libo-mii kudɔ na uwi ɔni námanku lɛlɔ na lɛkwa lɛni ndubo. Na Sara ɔdubɔwɔ ɔnanabi.”

Mateo 14:27

Nsu Yesu útemiku-ma kɔnakunwi ɔnii, “Bɛkɛ kayi! Ami na ɔdi! Bitayia!”

Ala Kalɔ Buse 17:19

Mmɔ na Katɔti ɔ́su ɔnini, “Ɛɛn! Nsu ƒ'ulekudi Sara ɔdubɔwɔ ɔnanabi ute-ɔ. Na adubɔsia-nwu lɛnyi anii Isak. Ndubɔlɛ mina bunyimi ugyii ku anwu ɔmmɔ aani bunyimi bɔni makya ami ku-nwu ntɛ usela uwi ƒui ku nwuna bawɔ lɛnɔ ntɛ.

Mateo 28:5

Amu na Katɔti ɔtu ɔmmɔ útemiku beleku bammɔ na ɔ́su-ma ɔnini, “Bitayia. Ngyi ka bɛɛwia Yesu ɔni na bákana bámana ugyii lɛlɔ mmɔ.

Daniel 10:12

Na Katɔti ɔtu ɔmmɔ ɔnini, “Daniel, tayia! Katɔti únu ƒula bɔkpali ɔ́si limeyi lideedi lɛni lɛlɔ na évele-nwu ka enu ala kalɔ, anwuɔsu na ɔ́tala-mi mɛni.

Litemi Batɛne 6:23

Nsu Unwoti ɔ́su-nwu ɔnini, “Keyi buɛɛ kasiaku-ɔ! Na ada bɔyia aya. Ɔsika elekpi.”

Ala Kalɔ Buse 17:10

Ɔmɛni ndi bunyimi bɔni muute awɔ ku ƒula bawɔ bani masia-a kama na ɔdi ka bɛdi-mu lɛlɔ. Ɔnanabi biala na bina akɔ ni, ɔlɛka bekulo-nwu lego.

Luka 1:30

Amu na ɔtu ɔmmɔ ɔ́su-nwu ɔnini, “Maria, tayia. Ƒula lɛlɔ lɛ́da Katɔti kubiti geen.

Yesaia 8:3

Amu na lísie mina uleku kudɔ na ɔ́da kaƒɔ na úbawɔ ɔnanabi. Na Unwoti ɔ́su-mi ɔnini, “Sia-nwu lɛnyi anii Békpo-ma Béƒie-ma Ala Báƒɔ.

Hosea 1:6

Ɔmmɔ kama ni, Goma úbawɔ ulekubi na Unwoti ɔ́su-mi ɔnini, “Sia-nwu lɛnyi anii Lo-Ruhama, na nwuna kalɔ ndi kɔnyana tanu, ɔsika nsɔ lɛɛɛdubo Israelƒuɔ kɔnyana bɔnu na liti bana ekpidi lɛkyiɛ-ma.

Hosea 1:4

Na Unwoti ɔ́su-mi ɔnini, “Sia ubi ɔmmɔ lɛnyi anii Yesreel, ɔsika uwi ɔsɔ uletu asa na Israel Ɔga Yehu kaba kemmo bebi ku bawɔ ni, ndubɔni-ma kɔtu na bekyuli bani na ɔ́du na Yesreel Kɔwɛ kemmo ɔsu. Na ndubɔbwɛ nwuna lɛga kadikɔ.

Marko 16:6

Amu na okloƒu ɔmmɔ ɔ́su-ma ɔnini, “Bitayia. Ngyi ka Yesu Nasareni na bɛɛwia, anwu ɔni na bákana bámana ugyii lɛlɔ. Uuubo mɛni! Ɔ́ta uli ngba! Bɛnu! Mɛni ndi likpo lɛni na béti-nwu bákya.

Mateo 1:21

Na ɔdubɔwɔ ɔnanabi. Na awɔ Yoseƒ asia-nwu lɛnyi anii Yesu, ɔsika anwu ndubudie nwuna bekyuli ɔlɛku bana ekpidi kemmo.”

Luka 1:14

Si báwɔ-nwu ni, adubɔkɛ kubiti geen. Lɛni kani na bekyuli pii lɛnɔ badubɔkɛ kubiti.