Lewiƒuɔ Ɔda Bubo 8:30 - Katɔti Ɔku Kedee

³⁰ Anwuɔsu Mose úti nnɔmii bɔni na ɔdubuti use Aaron likpo mmɔ ku ubugya ɔni nsia lɛkpabi lɛlɔ mmɔ ɔdi na ɔ́kuna-nwu úwi Aaron lɛlɔ ku nwuna lɛkpa lɛwu gyɔlɔɔ lɛmmɔ lɛlɔ ku nwuna bebi bananabi bammɔ. Na ɔ́ƒuna-nwu úse sɛsɛɛ na ɔ́bla-nwu kedee ku nwuna lɛwu ku nwuna bebi bananabi lɛwu ƒui lɛnɔ.

Lewiƒuɔ Ɔda Bubo 8:30 Referans Kwoze

Bumomo Bɔka 3:3

Na bekyuli bamɛni ndi Aaron bebi bani na béwi-ma likpose nnɔmii lili ka benwini bakpane.

Israelƒuɔ Bɔlɛ 30:30

Amu na Unwoti ɔ́su-nwu ɔnini, “Uwi ɔni na eesé Aaron ku bebi mina bakpane ni, na ewi-ma nnɔmii bɔmmɔ bɔdi lili.

Israelƒuɔ Bɔlɛ 29:21

Na eti ubugya ɔmmɔ ɔdi na eti nnɔmii bɔni na eti éwi Aaron lili mmɔ ɔdi ewi ubugya ɔmmɔ kemmo. Na akuna ewi Aaron ku lɛwu lɛni na ɔkya mmɔ lɛlɔ. Na asɔ akuna ɔdi ewi nwuna bebi ku bana lɛwu lɛlɔ. Na ɔmɛni ndubɔtina ka bése-ma bakpane bete-mi.

Budie Taatina 7:14

Amu na lɛ́su-nwu nnini, “Ati, lɛɛɛgyi-ma. Awɔ ngyi bekyuli bamɛni.” Amu na ɔ́su-mi ɔnini, “Bekyuli bamɛni ndi bani nénye lɛbibo bonwu lɛmmɔ kenye, na bálɛ-nwu kemmo. Bábla sɛɛn na Koƒonu Ubi ɔmmɔ ubugya ɔsu, aani kalɛ na baaƒɔ lɛwu na lɛɛƒuala.

Yohane 1 2:27

Nsu amii ni, Kristo Kɔyu kɔ́ƒɔ-mii lɛlɔ kemmo, na Kɔyu kɔmɛni kɔmu kɔkya-mii lɛlɔ kemmo. Anwuɔsu ni, bɛsɔ biláwia ka ukyuli ɔdi ɔsɔ ɔtina-mii ala adi lɛnɔ. Ɔsika nwuna Kɔyu kɔɔtina-mii ala amɛni ƒui. Na ala ani na kɔɔtina adi litemi geen lɛmmɔ, na ɔɔɔdi ɔkɔ. Anwuɔsu biliku Kristo aani kalɛ na Kɔyu kɔmmɔ kɔ́tina-mii.

Petro 1 1:2

Unwoti Katɔti ɔlati náƒuna-mii na nwuna bɔyɔ kenye. Na ɔ́ya na nwuna Kɔyu kɔ́bla-mii nwuna bekyuli kedee ka bɛ́di Yesu Kristo litemi lɛlɔ ɔsu. Na nwuna ubugya ɔ́bla-mii lɛlɔ sɛɛn. Muuvele nnii Katɔti lɛƒɔndia ku keyi buɛɛ kasiaku bina ƒui uwi biala kemmo.

Hebriƒuɔ 2:11

Anwu ɔni nábla bekyuli kedee ku bekyuli bani na ɔ́bla kedee ƒui ni, badi bekyuli benwi. Ɔmɛni ɔsu na kɔƒa kulekpo Yesu ka ɔlɔ-ma ɔnii banwa.

Yesaia 61:3

Na lɛƒɔ lite bani nkya Yerusalem, na lɛya na bana anumi eteekeye ku lɛlɔyɔ ku lɛma na bana kɔnyana buwulo kenye. Na beteedie bumwi lɛnu, na kɔnyana lɛnu kenye. Na babla aani egyii ani na Unwoti ɔlati ɔ́lɛ, na aalɛ́ lili siin, na batina kalɛ na Unwoti uukeye.

Yesaia 61:1

Unwoti Ɔyikune Ƒui Kɔyu kɔ́ƒɔ-mi lɛlɔ kemmo! Ɔsika ɔ́tala-mi ɔnii nkɔ litemi buni lɛsa nte bawabane. Na lɛbwi bani muunú ɔlɛ na bana kayi kemmo na basɔ beeebo lɛnunsia, na libo kudu lite bani na béƒie na bébo-ma lɛkpu ka badubɔkɛ bɔnwuna na balɛ kasuudikɔ mmɔ.

Lewiƒuɔ Ɔda Bubo 10:3

Mmɔ na Mose ɔ́su Aaron ɔnini, “Lɛla lɛmɛni na Unwoti ɔ́su uwi ɔni na ɔ́su ɔnini, ‘Bekyuli bani muubo-mi kudɔ ƒui ɔlɛka babla-mi lɛla biala kedee aani kalɛ kani na nse kedee. Na kadi bekyuli ƒui beti ɔbu bete-mi.’ ” Na bunye kani na Aaron unye kpoo uunú na útebimi kenye.

Israelƒuɔ Bɔlɛ 28:2

Na aka awu gyɔlɔɔ ɔni mɔɔdia bɔnu na ɔ́manku ɔkpane ete ƒ'ɔnwani Aaron.

Lewiƒuɔ Ɔda Bubo 7:36

Ala amɛni na líbo ɔda ka Israel kadi bekyuli beti bete-ma ɔ́si limeyi lɛni na béwi-ma nnɔmii lili bése-ma likpo. Na ɔmmɔ ɔdubɔbla bana kadikɔ úti úsela kaba kaba kemmo ƒui.

Lewiƒuɔ Ɔda Bubo 7:35

Ɔmɛni ndi lɛla lɛni na bálɛ ugyii bése sɛsɛɛ béte Aaron ku nwuna bebi ɔ́siku bɔkyula ƒui akpala ani na bábla béte-mi kemmo ɔ́si limeyi lɛni na lɛ́ƒuna-ma ka bataabla ɔkpane kabla teete-mi.

Lewiƒuɔ Ɔda Bubo 8:12

Na úti likpose nnɔmii bɔmmɔ úwi Aaron lili na úse-nwu likpo na ɔ́bla-nwu kedee.