Lewiƒuɔ Ɔda Bubo 4:7 - Katɔti Ɔku Kedee

⁷ Na uti ubugya ɔmmɔ ɔdi ususu ebuo ese ani nlɛ oloƒui lɛkpabi lɛni nnye Unwoti anumi na Unwoti Adi Kevo kemmo mmɔ lɛlɔ. Na akɔ ɔmmɔ ubugya ɔkladi ƒui ni, ɔkpane ɔmmɔ ɔdubuti uwi lɛkpabi lɛni nnye Unwoti Adi Kevo kammɔ kayakun kenye mmɔ kalɔ.

Lewiƒuɔ Ɔda Bubo 4:7 Referans Kwoze

Lewiƒuɔ Ɔda Bubo 8:15

Ɔmmɔ kama Mose ɔ́du ebuo ɔmmɔ, na úti lɛnimi ɔ́kya ubugya ɔmmɔ kemmo na úti úsusu bebuo ese ani ƒui nlɛ lɛkpabi lɛmmɔ lɛlɔ na ɔ́bla lɛkpabi lɛmmɔ sɛɛn. Na úti ubugya ɔkladi úwi lɛkpabi lɛmmɔ kalɔ na ɔ́bla lɛkpabi lɛmmɔ kedee na lise sɛsɛɛ úte Unwoti kalɛ na udie kɔtu bɔni biala nina lɛlɔ.

Lewiƒuɔ Ɔda Bubo 9:9

Na nwuna bebi bananabi béti ubugya ɔmmɔ béte-nwu. Na ɔ́kya-nwu lɛnimi na úti úsusu bebuo ese ani nlɛ lɛkpabi lɛmmɔ lɛlɔ na úti ɔkladi úwi lɛkpabi lɛmmɔ kalɔ.

Lewiƒuɔ Ɔda Bubo 16:18

“Ɔmmɔ kama ɔdubɔlɛ ubo Unwoti lɛkpabi lɛmmɔ kudɔ na uti akɔ ɔmmɔ ubugya ku ketukpa kammɔ ubugya ɔdi ususu bebuo ese ani nlɛ lɛkpabi lɛmmɔ lɛlɔ ƒui na ɔbla-ni ɔdi ɔmmɔ kalɛ kani na ɔ́bla Kevo kammɔ.

Lewiƒuɔ Ɔda Bubo 5:9

Na ɔdubɔkuna nwuna ubugya ɔmmɔ uwi lɛkpabi lɛmmɔ kɔmadɔ. Na ɔya na ubugya ɔkladi ɔkpala uwi lɛkpabi lɛmmɔ kalɔ. Na ndubɔƒɔ lite-nwu aani likpidi kɔtu bɔni budie akpala.

Lewiƒuɔ Ɔda Bubo 4:34

Ɔkpane ɔmmɔ ɔdubuti lɛnimi ɔkya ubugya ɔmmɔ kemmo na uti ususu ese ani nlɛ lɛkpabi lɛmmɔ lɛlɔ. Na uti ubugya ɔkladi ɔmmɔ ƒui uwi lɛkpabi lɛmmɔ kalɔ.

Lewiƒuɔ Ɔda Bubo 4:18

Ɔdubuti ubugya ɔmmɔ ɔdi ususu ese ani nlɛ lɛkpabi lɛni nnye Unwoti Adi Kevo kammɔ kemmo lɛlɔ na Unwoti anumi. Na uti ubugya ɔkladi uwi lɛkpabi lɛni lɛlɔ na baakyula akpala mmɔ lɛlɔ na linye Unwoti Adi Kevo kammɔ kayakun kenye.

Lewiƒuɔ Ɔda Bubo 4:30

Na ɔkpane ɔmmɔ ɔdubuti lɛnimi ɔkya ubugya ɔmmɔ kemmo na uti ususu ese ani nlɛ bɔkyula lɛkpabi lɛlɔ mmɔ na uti ubugya ɔkladi uwi lɛkpabi lɛmmɔ kalɔ.

Hebriƒuɔ 9:21

Lɛni kani Mose ɔ́kuna ubugya úwi kakpakɔ kammɔ ku ala ani na beeti taabla lɛkpa lɛmmɔ ƒui.

Hebriƒuɔ 9:15

Ɔmɛni ɔsu na Kristo ndi ukyuli ɔni nnye bunyimi bɔwɔdi bɔmɛni kenye kalɛ na bekyuli bani na Katɔti ɔ́lɔ ka babla anwu badi ni, bana kɔnu kutuku linyese lɛni ndi ngba bɔni nsɔ naaadubo bɔsa kudii. Ɔmɛni uubo teete lɛni, ɔsika Kristo kukpi ɔsu na Katɔti uuti ekpidi ani na bekyuli bábla na bunyimi bɔkukudi kemmo taakyiɛ-ma.

Eƒesoƒuɔ 2:13

Nsu ɔƒɛni ni, amii bani na nka bɛ́gyunku Kristo Yesu ni, ɔkɛnku nwuna ubugya ɔni na úti úwi kalɔ na bina lili ɔsu ni, bɛ́kpɛ bíde-nwu.

Kɔgya 118:27

Unwoti ndi Katɔti ɔni náya na bula anumi ékeye ka bɔ́di lɛlɔ. Bɛƒɛ kugyii kɔgba ku evete bɛda na bɛkɛ lisu ku ɔbu na bɛka bɛmana lɛkpabi lɛmmɔ bitédu kesii kani nse kedee mmɔ.

Budie Taatina 6:9

Amu na Koƒonu Ubi ɔmmɔ ɔ́mami likpo lɛlɔndi. Na lɛ́nu ayu adi na katɔ ka enye lɛbi lɛni lɛlɔ na baakpá mmɔ kalɔ. Badi bekyuli bani ƒui na bádu ayu ka básu Katɔti litemi buni ɔsu. Ama ndi bani nédie ala ammɔ kenye na ulu lɛlɔ.

Lewiƒuɔ Ɔda Bubo 4:25

Ɔƒɛni ɔkpane ɔmmɔ ɔdubuti lɛnimi ɔ́kya ebuo ɔni na úti úboku ka ubabla likpidi lili buvele akpala mmɔ ubugya kemmo na uti ususu ese ani nlɛ lɛkpabi lɛni lɛlɔ na baakyula bebuo mmɔ lɛlɔ. Na ubugya ɔkladi ni, ɔdubuti uwi lɛkpabi lɛmmɔ kalɔ.

Lewiƒuɔ Ɔda Bubo 6:30

Nsu likpidi bɔkyiɛ ebuo biala na béti-nwu ubugya béduoku Unwoti Adi Kevo kesii kani nse kedee mmɔ ka babla akpala na bedie kɔtu bɔni na ukyuli ɔmmɔ lɛlɔ ni, útalɛ ka ɔdi biala utuku-nwu kenye, mmomu badubɔkyula-nwu ƒui.’ ”

Israelƒuɔ Bɔlɛ 29:12

Na eti lɛnimi akya ubugya ɔmmɔ kemmo na eti esusu bebuo ese ani nlɛ lɛkpabi lɛmmɔ lɛlɔ. Na ewilimi ubugya ɔmmɔ ɔkladi ewi kalɔ na lɛkpabi lɛni kudɔ bɛ́du ebuo ɔmmɔ.

Lewiƒuɔ Ɔda Bubo 1:5

Ɔmmɔ kama ni, ɔdubɔdu ɔmantɛ akɔ ɔgyani ɔmmɔ na Unwoti Adi Kevo kammɔ kayakun kenye. Na Aaron bebi bananabi bani ndi bakpane mmɔ ndubɔkɔliku ubugya ɔmmɔ katɔ batina-mi asa na bakuna-nwu bewi lɛkpabi lɛni nnye Unwoti Adi Kevo kammɔ kayakun kenye mmɔ lɛlɔ bamana.