Lewiƒuɔ Ɔda Bubo 4:3 - Katɔti Ɔku Kedee

³ “ ‘Si ɔkpane ɔni na bése-nwu likpo na ɔdi na úti bɔƒiɔ úboku bekyuli ƒui lɛlɔ ni, ɔlɛka uti ɔmantɛ akɔ ɔgyani ubete Unwoti. Na ɔlɛka ɔnu ka akɔ ɔmmɔ use sɛɛn na útasɔ kesii kadi asa beti babla likpidi butitaakyiɛ akpala ammɔ na likpidi lɛni na ɔ́bla ɔsu.

Lewiƒuɔ Ɔda Bubo 4:3 Referans Kwoze

Korintoƒuɔ 2 5:21

Kristo útabla likpidi lɛdi. Nsu bula alaekpidi lili ɔsu na Katɔti úti-nwu ɔ́bla alaekpidi ɔblane. Na ɔmɛni maya na abu bani mablaku-nwu unwi ni, bɔbla siin na Katɔti anumi.

Lewiƒuɔ Ɔda Bubo 9:2

Mmɔ na ɔ́su Aaron ɔnini, “Ti ɔmantɛ akɔ ɔgyani ɔkɔdi na eti abla likpidi lili buvele akpala. Na eti koƒonu kɔgyani kunengudi abla akpala bɔkyula. Na anu ka bebuo bammɔ ƒui bese sɛɛn na lɛla lɛdi lɛɛɛda-ma. Na eti-ma eboku Unwoti anumi.”

Lewiƒuɔ Ɔda Bubo 4:14

Si bábanu likpidi lɛmmɔ báti ni, na ɔlɛka kadi kammɔ ƒui beti ɔmantɛ akɔ beboku na bababla likpidi butitaakyiɛ akpala. Na ɔdi ka beti-nwu beboku Unwoti Adi Kevo anumi.

Hebriƒuɔ 5:3

Lɛni ɔsu na ɔlɛka ɔbla akpala na anwu ɔlati ekpidi ku bekyuli bammɔ ƒui ekpidi lili.

Esra 8:35

Na bekyuli bani ƒui na kekpo kéƒie na ami ku-ma búnwini búbo mmɔ ni, bábla bɔkyula akpala béte Israel Katɔti. Na bada ɔmantɛ bakɔ leevu-inyɔ ku baƒonu bagyani liti ku aavlene-ɛku ku baƒonu bagyani bakɔdi liti ku aavlanyɔ-maatɛ. Na béti betukpa leevu-inyɔ bábla likpidi butitakyiɛ buvele akpala. Na ala amɛni ƒui na básala bábla bɔkyula akpala ammɔ béte Katɔti.

Romaƒuɔ 8:3

Na lɛla lɛni na Katɔti ɔda bubo bɔni na úti úte Mose bútakana bɔbla ka bekyuli bátakana-mu lɛlɔ bɔdi ɔsu ni, Katɔti ɔ́bla-ni. Ɔ́tala Ubidi aani ukyuli ɔni mbo ɔlɔna ɔni na likpidi liikpóku. Úbo úbabla bekyuli ekpidi lili buvele akpala, na ɔ́du likpidi kɔtɔ na ɔ́yila likpidi ɔyikun ɔni mɔɔdi-bu lɛlɔ.

Esekiel 43:19

Ɔnana ɔni baalɔ Sadok bebi ku bawɔ bani nási Lewi kɔdua kemmo ni, ama kani na ɔlɛka babla kabla na mina kakpakɔ aani kalɛ na mina ɔda bubo bɔɔtina. Anwuɔsu ti ɔmantɛ akɔ ɔkɔdi te-ma na badu bakyula babla alaekpidi lili buvele akpala.

Israelƒuɔ Bɔlɛ 29:21

Na eti ubugya ɔmmɔ ɔdi na eti nnɔmii bɔni na eti éwi Aaron lili mmɔ ɔdi ewi ubugya ɔmmɔ kemmo. Na akuna ewi Aaron ku lɛwu lɛni na ɔkya mmɔ lɛlɔ. Na asɔ akuna ɔdi ewi nwuna bebi ku bana lɛwu lɛlɔ. Na ɔmɛni ndubɔtina ka bése-ma bakpane bete-mi.

Israelƒuɔ Bɔlɛ 29:14

Nsu ɔmantɛ akɔ ɔgyani ɔmmɔ ɔku ɔni bédie-nwu ku lɛna lɛmmɔ ku ala ani béwilimi-nwu kaƒɔ kemmo ƒui ni, béti-nya bátákyula na keyi na bana keliekɔ kammɔ kama beti bevele likpidi buti taakyiɛ.

Israelƒuɔ Bɔlɛ 29:7

Na ɔmmɔ kama na eti likpose nnɔmii bɔmmɔ ewi-nwu lili na ese-nwu likpo.

Bumomo Bɔka 8:8

Ɔmmɔ kama na beti akɔ ɔkɔdi ku edula ebi ɔlaaƒɔ buni sɛɛn ɔni na básala ku nnɔ, na asɔ aƒɔ akɔ ɔkɔdi bamba ute likpidi lili buvele akpala.

Lewiƒuɔ Ɔda Bubo 16:11

“Ɔmmɔ kama Aaron ɔdububoku ɔmantɛ akɔ ɔni nnye ute nwuna ekpidi na ɔdubuti ɔbla likpidi kɔtu bɔni budie akpala na anwu ku nwuna kaduli bekyuli lili. Na ɔdubɔdu ebuo ɔmmɔ ute anwu ɔlati ekpidi bɔkyiɛ akpala.

Lewiƒuɔ Ɔda Bubo 16:6

“Aaron ɔdubuti akɔ ɔmmɔ ɔbla nwuna likpidi lili buvele akpala na Unwoti udie likpidi kɔtu bɔni biala na anwu ku nwuna kaduli bekyuli lɛlɔ.

Lewiƒuɔ Ɔda Bubo 8:12

Na úti likpose nnɔmii bɔmmɔ úwi Aaron lili na úse-nwu likpo na ɔ́bla-nwu kedee.

Lewiƒuɔ Ɔda Bubo 5:6

Ɔmmɔ kama na uti nwuna likpidi kɔtu bɔni budie akpala uboku Unwoti anumi na likpidi lɛni na ɔ́bla ɔsu. Ɔlɛka uboku koƒonu iye ese uledi ɔsiku nwuna bebuo akɔ ute akpala ammɔ. Na ulu ɔmɛni lɛlɔ na ɔkpane ɔdubɔsia na ɔbla akpala na udie kɔtu bɔni na ukyuli ɔmmɔ lɛlɔ.

Israelƒuɔ Bɔlɛ 30:10

Na kunwi na lɛkwa kemmo ni, Aaron ɔdu ebuo ɔbla likpidi kɔtu bɔni budie akpala ɔdi na kesii kani na ese ammɔ alɛ. Na ebuo ɔni na badubo bɔdu mmɔ ubugya na badubuti babla buvele ɔdi ɔmɛni bete kaba bekyuli bani mebo ƒui. Na ɔmmɔ ɔdi akpala ani nse kedee ƒui ute ami Unwoti.”

Hebriƒuɔ 9:12

Na ɔɔɔdanku bese iye bakɔ bebi ubugya útetéduo mmɔ. Mmomu anwu ɔlati ubugya na úti útéduo likpo lɛni nse kedee ntulo ƒui mmɔ kunwi pɛ kani, na ɔ́ƒɔ-bu lili kayu úte uwi ƒui.

Lewiƒuɔ Ɔda Bubo 4:5

“ ‘Ɔƒɛni ɔkpane unengudi ɔmmɔ ɔdubuti akɔ ɔmmɔ ubugya ɔdi na uti uboku Unwoti Adi Kevo kammɔ kemmo.

Lewiƒuɔ Ɔda Bubo 4:23

Na si kama na báya na ɔ́ti likpidi lɛni na ɔ́bla ni, ɔlɛka uti ketukpa kani nse sɛɛn na kátasɔ uboku aani nwuna akpala etela.

Lewiƒuɔ Ɔda Bubo 4:28

Na si ɔdi údie nwuna likpidi lɛni na ɔ́bla mmɔ ɔ́tina-nwu ni, na ɔlɛka uti ese uledi ɔni nse sɛɛn na útasɔ uboku na likpidi lɛni na ɔ́bla lili.

Bumomo Bɔka 16:22

Nsu Mose ku Aaron báyula bana lili kalɔ na báva momoomo bákpali Katɔti basu-nwu banini, “O Katɔti, awɔ Katɔti ndi bayawine ƒui ayu ɔti, buti na adubuti kɔnyi akya kasala kammɔ ƒui na ukyuli unwi ɔdi likpidi ɔsu?”

Ala Alɛdi 2 29:21

Na badanku ɔmantɛ bɔkɔ maatɛ ku baƒonu bagyani maatɛ ku baƒonu bɔkɔdi maatɛ ku betukpa leevu bani na badubuti babla ekpidi lili buvele akpala na Hesekia ku nwuna kaduli bekyuli lili ku Yuda kadi bekyuli ƒui lili ku kakpakɔ kammɔ ƒui bɔbla kedee ɔsu. Anwuɔsu Hesekia ɔ́su bakpane bani ndi Aaron kaba kemmo bebi ɔnii beti bebuo bammɔ bakpa na Katɔti lɛkpabi lɛmmɔ lɛlɔ.

Lewiƒuɔ Ɔda Bubo 1:3

“ ‘Ɔƒɛni si bebuo bɔkyula akpala na ɔdi ɔdanku ebuo ɔdi ka ubabla ni, na ɔƒuna ebuo ɔni nse sɛɛn na útasɔ kesii kadi na ɔdi ebuo ɔgyani. Na ebuo ɔmmɔ ni, Unwoti Adi Kevo kammɔ kayakun kenye na ɔdubuti-nwu uboku na lɛnu si ɔdia-mi.

Lewiƒuɔ Ɔda Bubo 1:10

“ ‘Na si koƒonu iye ese lɛnɔ na ɔdi ɔ́ƒuna na nwuna bebuo akɔ ka uti ɔbla akpala bɔkyula ƒui ɔdi ɔmmɔ lɛnɔ ni, ɔlɛka ɔbla ebuo ɔgyani ɔni na use sɛɛn na útasɔ kesii kadi.

Lewiƒuɔ Ɔda Bubo 6:18

Ɔnana biala na Aaron bebi akɔ ɔkana na ɔdi adila ammɔ. Ɔsika adi bana kadikɔ na ala ani na bákyula béte-mi kemmo úsie bina kaba kaba kemmo bekyuli ƒui akɔ. Na lɛla biala nétuku ala ammɔ adubɔbla kedee. Na ukyuli biala metuku ala ammɔ lɛnɔ ɔ́bla kedee.’ ”

Lewiƒuɔ Ɔda Bubo 9:3

Amu na Unwoti ɔ́su Mose ɔnini, “Su Israelƒuɔ anini ‘Biti ketukpa bɛbla alaekpidi bɔkyiɛ akpala. Na biti ɔmantɛ akɔ ɔkɔdi ku koƒonu kɔkɔdi bani maƒɔ aani lɛkwa linwi linwi kani, na bese sɛɛn, na lɛla lɛdi lɛɛɛda-ma, na biti bɛbla akpala bɔkyula.

Lewiƒuɔ Ɔda Bubo 16:3

“Ulu ɔni lɛlɔ na ɔdubɔsia uduo Unwoti Adi Kevo kammɔ kaduli ndi ɔmɛni, si úsela ni, ɔlɛka uti ɔmantɛ akɔ ɔgyani ɔkɔdi ku koƒonu kɔgyani na uti akɔ ɔmmɔ ɔbla likpidi lili buvele akpala, na uti koƒonu kɔgyani kɔmmɔ ɔbla akpala bɔkyula ƒui ɔdi.

Lewiƒuɔ Ɔda Bubo 16:5

Na ɔƒɔ betukpa inyɔ ku koƒonu kɔgyani kunwi ɔsiku Israelƒuɔ bammɔ kudɔ. Na uti betukpa inyɔ bammɔ ɔbla likpidi lili buvele akpala na uti ɔmantɛ akɔ ɔmmɔ ɔbla bɔkyula akpala.

Esekiel 44:27

ɔdi ka usie kakpakɔ kaduli geen kani nkya kemmo ƒui na utábla likpidi lili buvele akpala. Na ɔmmɔ kama asa na ɔsɔ ɔkana na utaabla mina kabla aani ɔkpane kalɛ. Ami Unwoti Katɔti násu.