Lewiƒuɔ Ɔda Bubo 3:5 - Katɔti Ɔku Kedee

⁵ Na Aaron bebi bananabi bammɔ badubuti basia ekyweni ani mɔɔda mmɔ lɛlɔ na ɔkywi. Na ɔmmɔ ɔdubɔbla ogya akpala bɔkyula ƒui ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ.

Lewiƒuɔ Ɔda Bubo 3:5 Referans Kwoze

Lewiƒuɔ Ɔda Bubo 6:12

Na ogya ɔni na lɛkpabi lɛmmɔ lɛlɔ ni, ɔlɛka banu ka ɔkya mmɔ uwi mmɔ uwi biala na uteni. Mmomu bakpane bammɔ banu ka bákya ekyweni ogya ɔmmɔ kemmo ɔtanta biala. Na akpala ani na bekyuli beeboku ni, ɔkpane ɔmmɔ ɔnu ka bákyula-nya ƒui ku lɛmwi lɛni bédie na unwi bɔbla akpala ammɔ kemmo.

Petro 1 2:5

Biti lɛlɔ bite Katɔti na ɔtu Kɔyu kemmo kakpakɔ aani kalɛ na ɔtune uuti atabi taatu ɔtɔ. Bɛdubɔbla bakpane kedee bani muuti Kɔyu kemmo akpala ani námanku teete Katɔti ɔkɛnku Yesu Kristo lɛlɔ.

Israelƒuɔ Bɔlɛ 29:13

Na eti lɛmwi lɛni ƒui nkya ebuo ɔmmɔ kaƒɔ kemmo ku akɔ ammɔ ku akabi anyɔ ammɔ ku ana lɛmwi ɔ́sia ogya lɛlɔ na lɛkpabi lɛmmɔ lɛlɔ na ɔ́kyula-ni ƒui.

Esekiel 44:15

Unwoti ɔnini, “Lewi kɔdua bebi bani ndi bakpane na bási Sadok ɔtɔ kemmo ni, bátalɛmi kama uwi ɔni na Israelƒuɔ bénwini kama bákya-mi. Anwuɔsu ama kani ndubo bakpane kabla butaabla teete-mi. Na ama ndubo bebuo ubugya ku lɛmwi buteeti taakpa-mi.

Esekiel 44:7

Bɛ́kya mina kakpakɔ kammɔ kɔƒa na uwi ɔni na bɛ́ya na baƒɔ bani na balabu-mi na bebo atuɔkplu bébeduo mmɔ uwi ɔni na baabla akpala teete-mi. Bɛ́ƒiɔ-mi na bíbile lɛla kedee lɛni na línyimiku-mii.

Ala Alɛdi 2 35:14

Anwuɔsu limeyi limodi lɛmmɔ ƒui ni, bakpane bammɔ bátakɛ kɔnu kɔdi, mmomu benye baabla akpala na baakyula bebuo bammɔ lɛmwi na lɛkpabi lɛlɔ. Na uwi ɔni na bekyuli bammɔ ƒui ɔdi biala ɔ́wɔlɔ ni, Lewiƒuɔ bánwa Kukpi Lili Bɔvia adila ammɔ béte lɛlɔ ku bakpane bammɔ.

Baga 1 8:64

Na limeyi lɛmmɔ kani lɛlɔ ni, Salomo údie Unwoti kakpakɔ kaduli kani nwi anumi kakɛ ntɛntɛ bɔdi sɛsɛɛ na ɔ́bla mmɔ kedee. Na mmɔ na ɔ́kyula akpala ku edula akpala, na ɔ́kyula lɛmwi lɛni na bédie na unwi bɔbla akpala bɔbla lɛnɔ kemmo, ɔsika lɛbualagyie lɛkpabi lɛni nlɛ Unwoti anumi mmɔ lise blii suɛ lite akpala amɛni ƒui bɔkyula na mmɔ.

Lewiƒuɔ Ɔda Bubo 4:35

Ɔmmɔ kama badubudie lɛmwi lɛmmɔ ƒui aani kalɛ na beedie koƒonu ubi ɔni na béti bábabla unwi bɔbla akpala kalɛ. Na ɔkpane ɔmmɔ ɔdubuti ɔbla akpala bɔkyula na lɛkpabi lɛmmɔ lɛlɔ. Na ɔmmɔ ɔdubɔbla ogya akpala bɔkyula ƒui ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ. Ulu ɔmɛni lɛlɔ na ɔkpane ɔmmɔ ɔdubɔsia na ɔbla akpala na udie kɔtu bɔni na ukyuli ɔmmɔ lɛlɔ.’ ”

Lewiƒuɔ Ɔda Bubo 4:31

Mmɔ ni, ɔdubudie ebuo ɔmmɔ lɛmwi ƒui aani kalɛ na bédie unwi bɔbla akpala ebuo ɔmmɔ lɛmwi. Na ɔkpane ɔmmɔ ɔdubuti ɔkyula. Na ɔmmɔ ɔdubɔbla ogya akpala bɔkyula ƒui ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ. Ulu ɔmɛni lɛlɔ na ɔkpane ɔdubɔsia na ɔbla akpala na udie likpidi kɔtu bɔni na ukyuli ɔmmɔ lɛlɔ.

Lewiƒuɔ Ɔda Bubo 1:9

Na ukyuli ɔmmɔ ɔdubuti kaƒɔ ala ammɔ ku agyobi ɔkya ntu kemmo na ɔƒɔ kaduɛ na beti basia ogya ɔmmɔ lɛlɔ na akywi. Na ɔmmɔ ɔdubɔbla ogya akpala bɔkyula ƒui ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ.

Lewiƒuɔ Ɔda Bubo 3:4

Na ɔmmɔ ubunku akabi ammɔ ku lɛmwi lɛni mma-nwu lɛlɔ ku kasɔma lɛmwi ku akɔ ammɔ kenye kakɛ.

Lewiƒuɔ Ɔda Bubo 3:11

Na ɔkpane ɔdubuti ala amɛni kakɛ kadi ɔkyula na lɛkpabi lɛlɔ. Na ɔmmɔ ɔdubɔbla ogya akpala bɔkyula ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ aani kalɛ na lɛdila liimó ukyuli.

Lewiƒuɔ Ɔda Bubo 7:28

Amu na Unwoti ɔ́su Mose ɔnini,

Lewiƒuɔ Ɔda Bubo 9:17

Nwuna kama úboku edula ebi akpala ammɔ lɛnɔ. Na ɔ́ma-nya lɛkɔkɔ keyile na úti ɔ́kyula na lɛkpabi lɛmmɔ lɛlɔ úbunku akpala ani na ɔ́kyula na ɔtanta ɔmmɔ.

Bumomo Bɔka 15:8

“ ‘Na si ɔmantɛ akɔ na ɔdi úti ɔɔbla bɔkyula ute Unwoti, iye kenye buse kayu bɔƒɔ akpala iye unwi bɔbla akpala adi ni,

Bumomo Bɔka 28:3

“Na akpala amɛni na ɔlɛka biteeti taabla limeyi ndi limeyi akpala teete ami Unwoti. Bɛwia baƒonu bagyani inyɔ bani náakɛ lɛkwa linwi limeyi ndi limeyi na bɔsɔ bɔdi buuubo-ma lɛlɔ.

Bumomo Bɔka 28:12

Na akɔ ɔkɔdi biala badubo bɔbla akpala ni, na bawia edula ebi ɔlaaƒɔ akyami aku na bɛsala-nwu ku nnɔ. Na koƒonu akpala bawia kakpa akyami ene na bawia ɔlaaƒɔ ɔni muukeye na beti nnɔ basala-nwu kemmo.

Lewiƒuɔ Ɔda Bubo 1:13

Na agyobi ku kaƒɔ ala ammɔ ni, ɔdubuti-nya ɔkya ntu kemmo na ɔƒɔ kaduɛ. Na bakpane bammɔ beti ana ƒui basia ogya na akywi. Na ɔmmɔ ɔdubɔbla ogya akpala bɔkyula ƒui ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ.

Lewiƒuɔ Ɔda Bubo 1:17

Na ɔda-nwu avwi na ɔni-nwu kemmo ɔbwɛ, nsu utamamiku lɛlɔ, na uti-nwu ɔsia ogya ku ekyweni ammɔ lɛlɔ na ɔkywi. Na ɔmmɔ ɔdubɔbla ogya akpala bɔkyula ƒui ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ.’

Bumomo Bɔka 18:17

“Nsu ɔmantɛ akɔ, ku koƒonu ku ese udeedi biala na báwɔ ɔdi Unwoti ɔdi na utalɛka beti ebuo ɔmmɔ ɔdi beye. Ama bese kedee na ɔlɛka badu-ma na beti bana ubugya bakuna bewi lɛkpabi lɛlɔ na bakya bana lɛmwi lɛmmɔ ogya bakyula na ɔnyi ƒɛƒɛɛ ɔmmɔ ɔyɔ-mi kaƒɔ.