Lewiƒuɔ Ɔda Bubo 3:2 - Katɔti Ɔku Kedee

² Na uti nwuna enu ɔsia ebuo ɔmmɔ lili uti ɔtina ka ɔmmɔ na úti únyene nwuna lɛlɔ kenye. Ɔmmɔ kama na badu ebuo ɔmmɔ na Unwoti Adi Kevo kammɔ kenye. Na Aaron bebi bananabi bakpane bammɔ beti ubugya ɔmmɔ bakuna bewi lɛkpabi lɛmmɔ lɛlɔ bamana.

Lewiƒuɔ Ɔda Bubo 3:2 Referans Kwoze

Israelƒuɔ Bɔlɛ 29:10

“Na akpanku ɔmantɛ akɔ ɔgyani ɔmmɔ esienku Adi Kevo kammɔ kayakun. Na aya na Aaron ku nwuna bebi bananabi beti bana enu basia ebuo ɔmmɔ kuli.

Korintoƒuɔ 2 5:21

Kristo útabla likpidi lɛdi. Nsu bula alaekpidi lili ɔsu na Katɔti úti-nwu ɔ́bla alaekpidi ɔblane. Na ɔmɛni maya na abu bani mablaku-nwu unwi ni, bɔbla siin na Katɔti anumi.

Batalane Kabla 3:26

Anwuɔsu ka Katɔti údie nwuna kabla ɔblane keyi ni, ɔ́tala-nwu ɔnii ɔka-mii kudɔ bubo bubebunku-mii kalɛ na bɛkana kama bunwini bɔkya bina ekpidi.”

Batalane Kabla 3:15

Amii bɛ́ya na bádu ukyuli ɔni muute bekyuli ngba. Nsu Unwoti ɔ́sɔ ɔ́gyila-nwu ɔ́lɛku bekpine akɔ! Na abu alati bɔ́nu-nwu ku bula anumi!

Sakaria 12:10

“Ami Unwoti ndubɔya na Yerusalem bebi ku bawɔ ƒui beduo kɔnyana bonwu kɔdi kemmo na bakpali-mi bevele uwi ɔni na bánu ukyuli ɔni na bátu lɛtula lɛdi. Na badubo-nwu buwulo aani kalɛ na bawɔne badi beewulo bana ubi unwi pɛ ɔni na báwɔ na úkpi iye ubi udeedi ɔni na báyila.

Yesaia 53:6

Bula ƒui buse na buse aani baƒonu bani náyii ulu, na ɔdi biala úti nwuna ulu úsela kesii kani na ɔɔyɔ́. Na lɛtuni lɛni na nka ɔlɛka bɔƒɔ ni, ani na Unwoti úti úte-nwu na bula lili.

Lewiƒuɔ Ɔda Bubo 8:22

Amu na úti koƒonu kunyɔdi lɛnɔ úboku, na aku ndi ɔkpane buse ebuo, na Aaron ku nwuna bebi bananabi béti enu básia-ku lili.

Lewiƒuɔ Ɔda Bubo 1:11

Na badubɔdu ebuo ɔmmɔ na lɛkpabi lɛmmɔ katɔ kakɛ na Unwoti anumi. Na Aaron bebi, bakpane bammɔ badubuti ubugya ɔmmɔ na bakuna bewi lɛkpabi lɛmmɔ lɛlɔ bamana.

Israelƒuɔ Bɔlɛ 29:11

Na adu ebuo ɔmmɔ na mina lɛkpabi lɛni nlɛ mina Adi Kevo kammɔ kudɔ.

Israelƒuɔ Bɔlɛ 29:16

Na adu koƒonu kɔmmɔ na akuna ubugya ɔmmɔ ewi lɛkpabi ekpo ene ammɔ ƒui.

Lewiƒuɔ Ɔda Bubo 3:3

Na ebuo ɔni na úti ubabla unwi bɔbla akpala ammɔ kaƒɔ kemmo lɛmwi ku lɛmwi lɛni mma kaƒɔ ala ammɔ lɛlɔ ƒui ni, ɔdubuti ute na bakyula bete-mi.

Lewiƒuɔ Ɔda Bubo 3:8

Na ɔdubuti enu ɔsia-ku lili na ɔmmɔ kama na ɔdu-nwu na Unwoti Adi Kevo kammɔ kenye. Na Aaron bebi bananabi bammɔ badubuti ubugya ɔmmɔ bakuna bewi lɛkpabi lɛmmɔ lɛlɔ bamana.

Bumomo Bɔka 18:17

“Nsu ɔmantɛ akɔ, ku koƒonu ku ese udeedi biala na báwɔ ɔdi Unwoti ɔdi na utalɛka beti ebuo ɔmmɔ ɔdi beye. Ama bese kedee na ɔlɛka badu-ma na beti bana ubugya bakuna bewi lɛkpabi lɛlɔ na bakya bana lɛmwi lɛmmɔ ogya bakyula na ɔnyi ƒɛƒɛɛ ɔmmɔ ɔyɔ-mi kaƒɔ.

Israelƒuɔ Bɔlɛ 29:15

“Na akpanku koƒonu kɔgyani kunwi eboku na Aaron ku bebi beti enu basia-ku kuli.

Israelƒuɔ Bɔlɛ 29:19

“Na akpanku koƒonu kɔgyani kɔkladi eboku na Aaron ku nwuna bebi bananabi beti enu basia-ku lili.

Lewiƒuɔ Ɔda Bubo 17:3

ɔnana biala na ɔ́si Israel kaba kemmo ɔni madu ɔmantɛ akɔ iye koƒonu ubi iye ese ɔdi na kaduli kemmo iye bina kakyakɔ kama

Lewiƒuɔ Ɔda Bubo 17:4

na úteboku-nwu Unwoti anumi na Kasakɔ Kevo mmɔ ni, ukyuli ɔmmɔ úwi ubugya kalɔ. Na ɔkɛnku ɔmmɔ ɔsu ɔlɛka bedie-nwu lɛti basiku mina bekyuli akɔ.