Lewiƒuɔ Ɔda Bubo 26:3 - Katɔti Ɔku Kedee

³ “ ‘Si bɛ́di mina ɔda ɔni líbo-mii lɛlɔ na bɛ́sia mina bunyimi ƒui anu kaduɛ ni,

Lewiƒuɔ Ɔda Bubo 26:3 Referans Kwoze

Yesaia 1:19

Ɔƒɛni si bɛdubunu-mi litemi na binu kalɔ na libunku-mii ni, bɛdubɔkɛ ala pii bɛdi.

Budie Taatina 22:14

“Lɛlɔ lɛdubɔyɔ bekyuli bani náklibi lɛlɔ bése aani kalɛ na baaƒɔ lɛwu sɛɛn. Ama ndubɔkɛ kuƒi ka badi kugyii kɔni muute ngba mmɔ ebi. Na badubɔsia kayakun mmɔ beduo Katɔ Ɔga Ɔma ɔmmɔ kemmo.

Lɛkpa Ulu 7:12

Si bɛ́di ɔda bubo bɔmɛni ƒui lɛlɔ kaduɛ ni, bina Unwoti Katɔti ɔdubɔdi nwuna linyese lɛlɔ na utaayɔ-mii uwi ndi uwi aani kalɛ na ɔ́su bula bati kuuku úse.

Israelƒuɔ Bɔlɛ 23:25

Bɛkpa ami bina Unwoti Katɔti lɛti pɛ, na mina kusɛ kusɛ ɔdubo-mii bɔsiaku na bɛkɛ bɛdi na bɛkɛ bɛni. Na ndubo ɔlɛ biala bɔda budie bina akɔ.

Yeremia 11:4

Mina ɔda bubo bútavumana kudii ɔ́si uwi ɔni na lɛ́kpanku bina bati kuuku lɛ́siku Egyipte kalɔ lɛlɔ. Kadi bani bekyuli nse aani lɛyu ogya ɔni mɔɔda bonwu na nwuna kemmo na baanwamana abuala. Ama na lɛ́su nnii si bádi mina ɔda bubo lɛlɔ ni, ndubɔbla bana Katɔti na ama babla mina kadi bekyuli.

Sakaria 8:12

“Mmomu ni, ndubɔnu ka bɛkya bina edula ɔƒaamu na atu bɔyɔ kemmo, na bina adingyii mmo lɛnɔ adubɔbla kaduɛ na anwu ebi pii. Na bina katumalɔ kadubulie lɛmwi, na amii ayu ewi bina edula lɛlɔ.

Malakai 3:10

Ami ndi Unwoti Ɔyikune Ƒui, na nnye-mii anumi mɔɔsu-mii nnii bɛkɔku-mi bɛnu na biti ala lɛkpa leevudi lɛmmɔ ƒui bibese-mi kaduli ala kesekɔ, na adila emomo-mi kɔduli. Na ndubɔlɛmi kayaa na mina kusɛ kusɛ ubo-mii lɛlɔ ɔsia kama aani kalɛ na ɔnantu ɔɔna.

Lewiƒuɔ Ɔda Bubo 19:25

Nsu lɛkwa lɛlɔndi bɛkana na bɛdi egyiibi ammɔ adi kalɛ na egyiibi ammɔ adubutaanwu ebi pii teete-mi. Ɔsika Ami ndi bina Unwoti Katɔti.

Nehemia 1:9

Nsu si bínwini bíbo-mi kudɔ na bɛɛdi mina ɔda bubo lɛlɔ ni, ina kekpo kéƒie bina bekyuli kátákya ɔgyu kakaaka muedi ni, ndubɔsɔku-ma mbasala. Na basɔ benwini bebo kesii kani na lɛ́ƒuna líse ka bataakpa-mi mɛni.’

Yesaia 30:23

Na ɔdubɔya na ɔnantu ɔna uwi ɔbuni lɛlɔ na bina edula ani na bɛ́va adia na emomo geen. Na bina bebuo lɛnɔ bakɛ kadikɔ kabuni na kalɔ ƒiaa lɛlɔ.