Lewiƒuɔ Ɔda Bubo 26:25 - Katɔti Ɔku Kedee

²⁵ Na lɛya na bina bekisine beduo-mii lɛlɔ ku kuwii na bedie-mii kasi ka bítadi bunyimi bɔmmɔ lɛlɔ ɔsu. Na si uwi ɔni na bísie bitáwia kabɛkɔ na bina lɛma linengudi kemmo ni, ndubudie lɛlɛ likpidi lɛkya-mii na lɛya na biduo bina bekisine enu kemmo.

Lewiƒuɔ Ɔda Bubo 26:25 Referans Kwoze

Bumomo Bɔka 14:12

Ɔmɛni ɔsu ndubo ɔ́lɛ buɛ ɔdi buti bɔkya bekyuli bammɔ akɔ na lɛyila-ma udu. Nsu awɔ Mose anwu ni, ndubo bɔya na kadi bekyuli pii bani na bemomo betulo bamɛni balɛ basi-ɔ kemmo na bayu ɔkplu lɛnɔ betulo-ma.”

Esekiel 5:17

Kɔka ku beƒiebuo ndubo bina bebi bɔdu. Na ndubo-mii kɔtu bɔni ku lɛlɛ likpidi na bina bekisine lɛnɔ bekpo-mii na badu-mii ku bana kuwii. Ami Unwoti násu.”

Esekiel 33:2

“Esekiel, ɔyawine ubi, tɛmiku ƒula bekyuli kpakplaa na asu-ma anini, ‘Ɔkana na ubo ute ka ami Unwoti lɛ́tala bekisine badi limeyi lɛdi ka bebekpo kalɔ kadi. Na kadi bekyuli bammɔ lɛnɔ báƒuna ukyuli ɔdi banii unye-ma kagyumana na utaanu ala taasu-ma.

Esekiel 29:8

Anwuɔsu ami Unwoti Katɔti ndubo bekpone buti bumene na bebekpo awɔ Egyipte ɔga. Na badubo ƒula bekyuli ku bebuo bɔdu

Esekiel 20:37

Ndubo-mii lɛlɔ bunye kpakplaa na bɛdi ɔda bubo bɔni nkɛnku lɛla kedee lɛni na búnyimi lɛlɔ.

Esekiel 14:17

“Na lɛkana na limene bekisine bekpone na bebekpo ɔmii ɔni bekyuli mɔɔbla ekpidi mmɔ na badu bekyuli bammɔ ku bana bebuo ƒui.

Esekiel 6:3

amii abi ku ana kɔka ku awɛ ƒui binu! Ndubo bunwini bunye bɔsiaku-mii na lɛgyingya ekpo ani ƒui na bɛ́tu kadi bamba baƒiɔ biala bɛ́lɛ na baakpá.

Yeremia 24:10

Kekpo ku kɔka ku lɛlɛ lidu lidu lɛdubo-ma lɛlɔ buti butédu ka bayii udu ƒui na kalɔ kani na líti líte ama ku bana bati kuuku ƒui lɛlɔ.”

Lɛkpa Ulu 32:25

Na kekpo kalɛ na bekyuli bekpi beyile lɛblɔnu, na liƒula libeyi kɔduli kemmo. Na bakloƒu ku begblebi badubo bukpi. Na banamu ku benengu lɛnɔ balanu-ma kɔnyana.

Lɛkpa Ulu 28:21

Na ɔdubuti lɛlɛ lidu lidu uboku-mii lɛlɔ uti utédu ka ɔdi biala ɔsɔ uuuli ngba na kalɔ kani lɛlɔ na bísela bitélie mmɔ lɛlɔ.

Luka 21:11

Kalɔ bɔkunku kpakplaa bɔdubɔkya. Na kɔka bonwu lɛnɔ kɔdubo bɔkya. Na lɛlɛ lidu lidu lɛnɔ lɛdubɔƒɔ ekpo ekpo ƒui. Na liƒu ala adubo butaalɛ na kayaa.

Amos 4:10

“Lɛ́ya na ɔgbankpi ala enengudi álɛku-mii aani kalɛ na lɛ́ya na álɛku Egyipteƒuɔ, na bina bakloƒu lɛnɔ békpi na kekpokɔ. Lɛ́ya na béyu bina bapɔnkɔ, na bina bekyuli pii békpi na beenwenyi na bina kuliekɔ. Nsu ɔmɛni ƒui bítenwini. Ami Unwoti násu!

Kɔnyana Buwulo 2:21

Benengu ku banamu ƒui békpi bewi lɛblɔnu lɛlɔ ɔni na badi mina bekyuli. Na ɔkɛnku ƒula kɔnyi ɔsu ni, bekisine bébeyi mina bakloƒu ku begblebi ƒui bádu kalala kemmo.

Yeremia 9:16

Na ndubo-ma bugyingya bɔkya na lɛbɔku-ma ntákya kaƒɔ kakaaka kesii kani kɔku na ama ku bana bati kuuku bétenu kudii. Na kawɔlɔkɔ ni, ndubo bɔya na bana bekisine bekpone bebo babadu bana bekplodi ɛlɛɛ bani mebu.”

Kɔgya 94:1

O Unwoti Katɔti, awɔ ani muudie alaekpidi bablane kasi, ta na ani-ma kɔtu.

Samuel 2 24:15

Ɔmmɔ ɔsu na ɔlɛ ukpidi ɔdi úbo kalɔ kammɔ lɛlɔ ɔ́si ɔtanta útédu uwi ɔni na Unwoti ɔ́su úse ɔ́si Dan na kalɔ kammɔ ɔvi ɔmɛni útédu Beer-Seba ɔvi ɔkladi. Na nkyuli mpim liti ku aavlanyɔ békpi.

Lɛkpa Ulu 32:41

ndubo mina kewii kani mɔɔda ku ogya bɔdɔ, na liti lɛƒɔ mina bekisine kayu na lɛni bani muukisi-mi kɔtu uti utédu ka lɛbla lɛla biala na ulu lɛlɔ.

Lɛkpa Ulu 32:35

Na uwi uletu badubɔnu lɛla lɛni na ɔlɛka banu. Na uwi ɔdubo ɔni na bana ƒui badubo bubuli. Na bana kɔtu bɔni uwi úude.

Bumomo Bɔka 16:49

Nsu nkyuli mpim leevu-ine ku eti leevu-ene (14,700) békpi na ɔgbankpi ɔmmɔ kemmo bébunku bani nékpi ɔ́si Kora atuɔkplu ɔsu.

Lewiƒuɔ Ɔda Bubo 26:6

“ ‘Ndubɔya na bɛkɛ atu bɔyɔ na kalɔ kammɔ kemmo na bɛtɛ bɛlɛɛ ƒaa na ɔdi ulakya-mii liƒu lɛdi. Na ndubɔbɔku bebuo bekpidi lɛlɛku kalɔ kammɔ lɛlɔ. Na kewii kadi kelékpoku-mii na kalɔ kammɔ kemmo.

Bumomo Bɔka 31:3

Anwuɔsu Mose ɔ́su Israelƒuɔ bammɔ ɔnini, “Bɛta na bɛtu akpagya na bɛklibi lɛlɔ na bitékpoku Midianƒuɔ. Na bɛni-ma kɔtu na lɛla lɛni bábla Unwoti ɔsu.

Litemi Batɛne 15:11

Mmɔ na nkyuli mpim ɛtɛ bási Yuda na bésie Etan na bátánu Simson na atakpɛ ubu ɔni kemmo ɔ́ƒɔ lɛlɔ ɔkya mmɔ. Na básu-nwu banini, “Aaagyi ka Ƒilistiƒuɔ kalɔ na bɔkya na ama mɔɔdi-bu lɛlɔ yoo? Na bi ɔsu na ábla-bu lɛni?” Na ɔ́su-ma ɔnini, “Lɛla lɛni bábla-mi ni, ani kani na ami lɛnɔ lɛ́bla-ma.”

Baga 1 8:33

“Na si Israel, ƒula kadi bekyuli bésie kekpokɔ, na bana bekisine bádi-ma lɛlɔ ɔsi bana ekpidi ani bábla ɔsu, na bénwini bébo-ɔ kudɔ, na bébenye kakpakɔ kamɛni na béboku lɛlɔ kalɔ bévele-ɔ likpidi buti taakyiɛ ni,

Baga 1 8:37

“Na si kɔka iye ɔlɛ buɛ ɔdi úbo kalɔ kamɛni bekyuli lɛlɔ iye edula ammɔ lɛlɔ, na baalɔlɔ ku kubweyi bamba beebile-nya iye bekisine néyu ƒula bekyuli bátu na beekpóku-ma ni,

Yeremia 50:28

Babilonƒuɔ nébile mina kakpakɔ, nsu uwi ɔsɔ uletu asa na ndubudie-ma kasi. Na bekeline bani nási Babilon mmɔ bésie Sion alati ndubo kenye budie na litemi lɛmɛni lɛlɔ.

Yeremia 51:11

“Ami Unwoti mɔɔwia ka bayila Babilon udu, ɔsika nwuna bekpone báyila mina kadi bekyuli udu. Na bébile mina kakpakɔ. Anwuɔsu amii Media baga bɛdɔ bina atula na bɛgyu bina agyumanala bɛda.

Israelƒuɔ Bɔlɛ 5:3

Amu na Mose ku Aaron bédie kenye banini, “Hebriƒuɔ Katɔti nédie lɛlɔ ɔ́tina-bu. Na ɔƒaani ni, te-bu kuƒi na buti emeyi atɛ busie ketele kemmo na butábla akpala bute bula Unwoti Katɔti. Na si bútabla akpala ammɔ ni, ɔdubɔya na ɔlɛ ubo-bu lɛlɔ na bukpi iye ɔdubɔya na kekpo kadi kebo-bu lɛlɔ na badu-bu kede kede.”

Baga 2 17:3

Na Asiriaƒuɔ Ɔga Salmaneser útékpoku Ɔga Hosea. Na Hosea ɔ́kya-nwu kalɔ aani kadi bekyuli bani lɛlɔ na ɔɔdi kalɛ. Ɔmmɔ ɔsu, uuyi kuyi teesienku Asiriaƒuɔ ɔga lɛkwa biala.

Ala Alɛdi 2 24:24

Siriaƒuɔ bekpone bammɔ beeemomo munu munu, nsu Unwoti ɔ́ya na bádi Yudaƒuɔ bekpone pii bammɔ lɛlɔ, ɔsika Yoas ku Yudaƒuɔ bammɔ geen na Unwoti ɔɔwia ɔni kɔtu na kalɛ na bénwini kama bákya-nwu ɔsu.

Yesaia 1:20

Nsu si bɛ́ta bínye-mi lɛlɔ ni, bina bekisine badubo-mii bɔyila ku udu.

Yesaia 65:12

ndubo-mii bɔnyonu bute na bɛkya eli kalɔ na bina bekisine badu-mii ƒui. Ɔsika lɛ́kpali-mii na bítatuna bítete-mi. Na lɛ́tɛmiku-mii na bítenu. Mmomu bɛ́bla likpidi na mina anumi na ala ani na alayɔ-mi kaƒɔ mmomu na bɛ́ƒuna ka bitaabla.

Yeremia 19:7

“ ‘Amii Yuda ku Yerusalemƒuɔ bɛdubɔbla kasusu bɛsiku ala enengudi lɛlɔ, nsu mɛni na ndubo kɔsusu kɔmmɔ ƒui kemmo bubile na lɛya na bina bekisine badu-mii na baasɛ baduli-mii ɔlɔna bebweli ƒui kede kede.

Hosea 11:6

Ɔlɛka bekpone bekpoku-ma na bana lɛma linengudi kemmo na begyingya bana lɛma lɛban kɔyakun ƒui. Lɛni na ɔdubɔlɛku mina kadi bekyuli, ɔsika lɛla lɛni na ama bánu ka lɛdia-ma ni, ani na baabla.

Habakuk 3:5

Lɛlɛ buɛ lɛni mɔɔdú bekyuli ntɔ-nwu anumi ku kama ƒui.