Lewiƒuɔ Ɔda Bubo 26:12 - Katɔti Ɔku Kedee

¹² Na ndubɔkya-mii akɔ na lɛbla bina Katɔti na amii lɛnɔ bɛbla mina bekyuli.

Lewiƒuɔ Ɔda Bubo 26:12 Referans Kwoze

Korintoƒuɔ 2 6:16

Baƒiɔ ku kesii kani na Katɔti uulie ni, katamanku lɛlɔ. Anwuɔsu abu lɛnɔ bútamanku baƒiɔ, ɔsika abu ndi Katɔti ɔni neeekpi keliekɔ. Aani kalɛ na Katɔti ɔlati ɔ́su ɔnini, “Ndubɔkya-ma akɔ na lilieku-ma, na ndubɔbla bana Katɔti, na ama lɛnɔ babla mina bekyuli.”

Yeremia 30:22

Bɛdubo mina bekyuli bunwini na ami lɛnɔ linwini bina Katɔti. Ami Unwoti násu.

Yeremia 7:23

Mmomu bɔsu na lɛ́su-ma lɛnɔ ndi, ‘Si bínu-mi litemi na bɛ́bla bɛ́siaku ala ani na lɛ́su-mii lɛlɔ ni, ndubɔbla bina Katɔti na amii bɛbla mina bekyuli, na lɛla biala lɛdubɔtɛ lite-mii.’

Israelƒuɔ Bɔlɛ 6:7

Na ndubuti-mii lɛbla aani ami ɔlati mina bekyuli geen na lɛbla bina Katɔti. Na ɔmɛni ɔdubɔya na bɛnu bɛti ka ami Unwoti bina Katɔti nédie-mii lɛ́lɛku lɛbibo kalɔ na Egyipte.

Hebriƒuɔ 11:16

Mmomu ni, baanu ulu teete kalɔ kani ndia ntulo kammɔ. Na aka ndi Katɔ Ɔga Ɔma kadi. Ɔmmɔ ɔsu ulekpo Katɔti lɛnɔ kɔƒa ka balɔ-nwu banii bana Katɔti. Ɔsika ɔ́ɔda ɔma unengudi ɔdi úse-ma.

Lɛkpa Ulu 23:14

Ka Katɔti ɔkya-mii akɔ uusié taasɔ na kesii kani na bɛkya na ɔɔgyumana-mii kalɛ na bɛdi bina bekisine lɛlɔ ɔsu ni, bɛbla bina keliekɔ sɛɛn kalɛ na ulanu lɛla lɛni maya na wenwini kama wakya-mii.

Sakaria 13:9

Na ndubɔƒɔ bani nébu mmɔ lɛlɔ na lɛbla-ma kedee na lɛkɔku-ma lɛnu aani kalɛ na baaƒɔ sika ugyiedi ku ɔƒualadi taanu nwuna bɔdia. Na badubo-mi bɔkpali buvele ala na linu na libunku-ma. Na ndubɔsu nnii, ‘Mina bekyuli na bɛdi,’ na ama lɛnɔ badubɔsu banii, ‘Awɔ Unwoti ndi bula Katɔti.’ ”

Budie Taatina 21:7

Ukyuli ɔni madi ekpidi lɛlɔ ni, ɔdubɔkɛ kadikɔ kamɛni. Na ami lɛdi-nwu Kɔti, na anwu wadi mina ubi.

Esekiel 11:20

na bitaadi mina ɔda bubo ku mina ala ani mɔɔtina-mii lɛlɔ. Na bɛdubɔbla mina kadi bekyuli na ami lɛbla bina Katɔti.

Yeremia 11:4

Mina ɔda bubo bútavumana kudii ɔ́si uwi ɔni na lɛ́kpanku bina bati kuuku lɛ́siku Egyipte kalɔ lɛlɔ. Kadi bani bekyuli nse aani lɛyu ogya ɔni mɔɔda bonwu na nwuna kemmo na baanwamana abuala. Ama na lɛ́su nnii si bádi mina ɔda bubo lɛlɔ ni, ndubɔbla bana Katɔti na ama babla mina kadi bekyuli.

Yesaia 41:10

Bitayia, nliku-mii. Liƒu lɛsɔ litada-mi na bitaatɔ kpakpaakpa. Ami ndi bina Katɔti. Ndubɔya na bɛkɛ ɔyikun, na libunku-mii. Ndubɔtalaku-mii katɔ ku mina ɔyikun ablala ani nse siin.

Ala Kalɔ Buse 17:7

Ndubɔlɛ bunyimi bɔmɛni ugyii. Na amu ndubɔkya ami ku-ɔ ntɛ ku ƒula bawɔ ku kaba bekyuli bani ƒui masia-a kama uwi ƒui. Na ami ndi ƒula Katɔti na madi ama lɛnɔ Katɔti.

Yeremia 32:38

Badubɔbla mina bekyuli na ami lɛbla bana Katɔti.

Yeremia 31:33

“Bunyimi bɔni na ami Katɔti mɔɔsu ka ndubo bunyimiku-ma na uwi ɔni ndubo kemmo ndi ɔmɛni. Ndubuti mina ɔda bubo lɛkya-ma kayi kemmo. Na ndubunweni-mu lɛsia-ma kasusu lɛlɔ Ndubɔbla bana Katɔti na ama lɛnɔ babla mina bekyuli.

Kɔgya 50:7

Mina kadi bekyuli Israelƒuɔ, binu. Ami ndi Katɔti bina Unwoti na ndubo-mii litemi bɔtɛku na lidie bina ala ani bɛ́bla bɛ́ƒiɔ ƒui lɛtina.

Esekiel 36:38

Na lɛma lɛni ƒui náyii udu na lɛ́bwɛ liwi kalɔ ɔƒɛni ni, bekyuli badubɔƒɔ-ni kemmo aani kalɛ na Yerusalem úse dii uwi ɔni na bebuo báƒɔ-nwu kemmo tɛɛ úte akpala bɔbla na limeyi kadikɔ.’ ”

Yesaia 12:2

Sɔsɔ geen na ɔdi ka Unwoti úbo ɔnii ubaƒɔ-mi ngba. Ndubuti mina anu ƒui bɔsia-nwu lɛlɔ na lɛɛɛdubo bɔyia. Unwoti Katɔti ndi ukyuli ɔni mɔɔkya-mi ɔyikun, na anwu ndi ɔnu ɔni ndubɔkya-mi kenye uwi ƒui ka anwu ndi-mi ngba bɔƒɔ.”

Israelƒuɔ Bɔlɛ 3:6

Na Katɔti ɔ́su Mose ɔnini, “Ami ndi ƒ'ɔti Katɔti ku Abraham Katɔti ku Isak Katɔti ku Yakob Katɔti.” Na ka Mose ɔɔyia ka wanu Katɔti ɔsu ni, ɔ́bɛla nwuna anumi.

Ala Kalɔ Buse 3:8

Amu ka useyi uwi údu ni, ɔnana ɔmmɔ ku ulekudi bénu Unwoti Katɔti kɔku uwi ɔni na ɔkɛ ɔɔví kemo kammɔ kemmo. Amu na bátábɛ na egyii akɔ kalɛ na Unwoti Katɔti ulanu-ma.

Mateo 22:32

‘Ami ndi Abraham Katɔti ku Isak Katɔti ku Yakob Katɔti!’ Ɔmɛni ɔɔtina ka ama bani néekpi ni, bamu beli ngba. Anwuɔsu ɔdi ama lɛnɔ Katɔti.”

Budie Taatina 2:1

Amu na ɔ́su ami Yohane ɔnini, “Nweni ɔku te Eƒeso baƒɔtaadine lɛkpa ɔtu anii, “Ami Yesu nda ayabi maatɛ na mina kɔdianu na muusié teebo na sika ugyiedi ligyii maatɛ lɛni lɛlɔ na asogya ɔɔsia mmɔ ntɛ. Na ami mɔɔsu kenye kamɛni.

Ala Kalɔ Buse 6:9

Noa ngba litemi na bɔdubo bunu mɛni. Noa ɔdi ukyuli ɔni nse siin na likpidi lɛdi lɛɛɛda-nwu na bakladi akɔ. Na ɔ́siaku Katɔti kama geen.

Ala Kalɔ Buse 5:24

Na Henok ɔ́siaku Katɔti kama geen ɔni na Katɔti útiku-nwu ɔ́tɔlɔku na ɔdi ɔ́sɔ útanu-nwu kudii.

Ala Kalɔ Buse 5:22

Na Metusala bɔwɔ kama ni, Henok ɔ́siaku Katɔti kama geen akwa eti aku (300) na ɔ́wɔ bebi bananabi ku belekubi bamba.

Ala Kalɔ Buse 17:8

Kanaan kalɔ kani lɛlɔ na adi ɔƒɔ mɛni ni, ndubuti-ka lite awɔ ku ƒula bawɔ na ami ndubɔbla bana Katɔti.”

Israelƒuɔ Bɔlɛ 29:45

Na ami Unwoti ndubɔkya-mii akɔ aani bina Katɔti kalɛ.

Bumomo Bɔka 5:3

Bɛda bekyuli bani muusé lɛlɔ uleku iye ɔnana na ɔdi bidie bina keliekɔ kesii kani na nliku-mii na belebile-ka na keteese lɛlɔ.”

Samuel 2 7:7

Na uwi biala na mina kadi bekyuli Israelƒuɔ báta bási kesii kadi bésela kesii bamba ni, ami lɛnɔ nsiaku-ma. Na batɔnkune bani na lɛ́ƒuna mmɔ ni, ɔmani na lɛ́su nnii beti egyii ani náƒɔ kuye mmɔ adi batu keliekɔ kadi bete-mi na lilie dii?’

Israelƒuɔ Bɔlɛ 29:46

Na mmɔ na bɛdubɔnu bɔti ka ami ɔni ndi bina Katɔti nédie-mii lɛ́lɛku Egyipte kalɔ lɛlɔ.”

Lɛkpa Ulu 23:15

Si kabla ɔblane ɔdi úkeli nwuna unwoti kudɔ na úbo úbawia kabɛkɔ na bina ɔdi kudɔ ni, bɛƒɔ ukyuli ɔmmɔ na bitasɔku-nwu bitemene nwuna unwoti.