Lewiƒuɔ Ɔda Bubo 24:9 - Katɔti Ɔku Kedee

⁹ Na bodobodo ɔmmɔ ɔdi Aaron ku nwuna kaba ɔdi. Na ɔlɛka badi bodobodo ɔmmɔ na kesii kani nse kedee. Ɔsika bodobodo ɔmɛni ɔdi adila ani nse kedee na beti bete Unwoti ka bakpane badi.”

Lewiƒuɔ Ɔda Bubo 24:9 Referans Kwoze

Lewiƒuɔ Ɔda Bubo 8:31

Amu na Mose ɔ́su Aaron ku nwuna bebi bananabi ɔnini, “Biti lɛna lɛmmɔ na biƒulo-ni na Unwoti Adi Kevo kayakun kenye mmɔ. Na biti bodobodo ɔni béti bábla ɔkpane buse akpala ammɔ na ɔkya kagyigyɛ kemmo mmɔ na amii kani bɛdi ku lɛna lɛmmɔ aani kalɛ na líbo-mii ɔda.

Luka 6:4

Dawid útéduo Katɔti ɔtɔ kemmo na útéti adila ani na béti bákpa béte Katɔti ɔ́di. Na úte nwuna badi lɛnɔ na bádi ɔdi ina ka ɔdi bɔƒiɔ na bula ɔda bubo kenye ka ukyuli bamba ɔdi adila ammɔ. Amu ntu Katɔti ɔkpane lɛti pɛ.”

Mateo 12:4

Útéduo Katɔti ɔtɔ kemmo na úti adila ani na béti bákpa béte Katɔti úboku na bádi. Ɔ́bla lɛni ina ka bakpane lɛti pɛ na ɔlɛka badi adila ammɔ.

Lewiƒuɔ Ɔda Bubo 10:17

“Bi ɔsu na bítakun likpidi lili buvele akpala ammɔ na Kevo kammɔ kaduli? Ɔdi lɛla lɛni na lise kedee ƒui, na buti na béti-nwu béte-ɔ ka edie ekpidi na bekyuli ƒui lili aani kɔtɔ bukpi akpala na Unwoti anumi.

Lewiƒuɔ Ɔda Bubo 6:16

Ɔƒɛni ɔlaaƒɔ ɔni mebu ni, Aaron ku nwuna bebi ɔdi ɔdidi na ɔdi, nsu bɔnyii butakya-nwu kemmo asa badi adila ammɔ na kesii kani na bédie bése sɛsɛɛ na Unwoti Adi Kevo kaduli kemmo mmɔ.

Samuel 1 21:6

Ɔmmɔ ɔsu Ahimelek úti bodobodo ɔni na béti bákpa béte Unwoti mmɔ úte Dawid na béƒi ɔbambadi bése ɔmmɔ kenye.

Lewiƒuɔ Ɔda Bubo 21:22

Ukyuli ɔmɛni udu ɔkana na ɔdi adila kedee ku ani nse kedee ƒui ani béti bákpa béte-mi mmɔ adi,

Malakai 1:12

“Nsu amii bakpane muedi muudumi-mi taasu bɛnini, ‘Bulánu lɛla lɛni náƒɔ kuye na Unwoti lɛkpabi lɛmmɔ lɛlɔ, na akpala ammɔ lɛnɔ eesé-bu lɛlɔ!’

Lewiƒuɔ Ɔda Bubo 8:3

Na asala kadi bekyuli bammɔ ƒui na beténye Unwoti Adi Kevo kammɔ kaduli kayakun kenye.”

Lewiƒuɔ Ɔda Bubo 24:10

Limeyi lɛdi ni, kadɔ kadi kalɛ ɔnana ɔni ɔti ndi Egyipteni na unyɔdi ɔni ndi Israelni geen ntɛ. Na Egyipteni ubi ɔmɛni ɔ́tɛmi úwi Unwoti na ewida kemmo. Anwuɔsu béti-nwu besienku Mose kudɔ. Na ɔnana ɔmmɔ uni baalɔ banii Selomit na ɔ́si Dibri na Dan kaba kemmo.

Israelƒuɔ Bɔlɛ 27:21

Na beti asogya ɔmmɔ balɛ Adi Kevo kemmo kesii kani na mɔɔsiáku-mii mmɔ ku aduni ani nƒa mmɔ anumi asa na adubuduo adaka ɔmmɔ kudɔ. Na Aaron ku nwuna bebi banu ka lɛsogya lɛmmɔ ƒui lɛɛda na Unwoti anumi mmɔ ɔ́si useyi uwi útálɛ kadi bugye. Ɔmɛni ɔdi bunyimi bɔni na Israelƒuɔ ɔdi ka bese likpo na bataadi-mu lɛlɔ uwi ndi uwi.”

Lewiƒuɔ Ɔda Bubo 3:17

“ ‘Na ɔmɛni ɔdi ɔda ɔni na muubó-mii úti úsela bina kaba kaba kemmo bawɔ ƒui akɔ. Na kesii biala bɛdubulie ƒui ni, bitadi lɛmwi lɛdi biala iye ubugya biala.’ ”

Lewiƒuɔ Ɔda Bubo 6:9

“Bo Aaron ku nwuna bebi bananabi ɔda anini, ‘Ulu ɔni na ndubo-ma bɔtina mɛni ndi ulu ɔni lɛlɔ na badubo bɔsia butaabla akpala bɔkyula ƒui ɔdi ɔmmɔ. Na muubó-ma ɔda geen na ɔmɛni lɛlɔ, ka akpala ani na baakyula mmɔ ni, ɔlɛka ataasia lɛkpabi lɛmmɔ lɛlɔ usien umodi útálɛ ɔtanta. Na útalɛ ka ogya ɔmmɔ uni.

Lewiƒuɔ Ɔda Bubo 6:11

Ɔmmɔ kama na ɔda lɛwu lɛni na ɔkya mmɔ udie na uti lɛwu lɛbambadi ɔkya asa na uti ntɔ bɔmmɔ ɔlɛku mmɔ utéwiakun na kesii kani bédie bése sɛsɛɛ na úsie bana keliekɔ kani na beli mmɔ kama.

Lewiƒuɔ Ɔda Bubo 10:12

Amu na Mose ɔ́su Aaron ku nwuna bebi bananabi bani nébu, Eleasar ku Itamar ɔnini, “Biti edula ebi akpala ani bákyula lɛkpabi lɛlɔ béte Unwoti na ébu mmɔ bɛnwa bɛdi na lɛkpabi lɛmmɔ kɔmadɔ, ɔsika ese kedee ƒui.