Lewiƒuɔ Ɔda Bubo 24:7 - Katɔti Ɔku Kedee

⁷ Na ɔgaala biala kudɔ na atu oloƒui alɛ-nwu kudɔ na uti ɔtina ka Unwoti adila adi mmɔ.

Lewiƒuɔ Ɔda Bubo 24:7 Referans Kwoze

Lewiƒuɔ Ɔda Bubo 2:2

Ɔmɛni kama na uti ala ammɔ uboku Aaron bebi bananabi bakpane bammɔ na badubudie ɔlaaƒɔ ɔmmɔ lɛkɔkɔ linwi ku nwuna lɛlɔ nnɔ ku oloƒui ɔmmɔ ƒui. Na badubuti bakyula lɛkpabi lɛlɔ aani enyimo adila bɔsia akpala. Na ɔmmɔ ɔdubɔbla akpala bɔkyula ƒui ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ.

Hebriƒuɔ 7:25

Anwuɔsu ni, ukyuli biala ɔni muubo Katɔti kudɔ ɔkɛnku-nwu lɛlɔ ni, Yesu ɔmmɔ ɔɔkana na ɔɔƒɔ́-ma ngba uwi ƒui ɔsika ɔdubo buteevele teete-ma na Katɔti kudɔ.

Eƒesoƒuɔ 1:6

Anwuɔsu bɛya na bumwi Katɔti na nwuna lɛƒɔndia libendi lɛni na ɔ́bla úte-bu ɔkɛnku Ubidi ɔni na ɔɔyɔ́ geen lɛlɔ ɔsu.

Batalane Kabla 10:31

Ɔ́su-mi ɔnini, ‘Kornelio, ƒula lɛƒɔndia ku ƒula katɔ bɔkpali ƒui uudú Katɔti kudɔ! Na ɔƒaani ni, tala bekyuli badi na besie Yopa na batálɔ Simon Petro ɔni nli Simon ɔni mɔɔbla bebuo lɛku kabla na uli ɛpu kudɔ.’

Batalane Kabla 10:4

Amu ka Kornelio ɔ́nu-nwu ni, liƒu lɛ́da-nwu geen. Amu na úye-nwu ɔnini, “Ati, bi na aawia?” Amu na Katɔti ɔtu ɔmɛni ɔ́su-nwu ɔnini, “Ƒula bekyuli ala bute ku ƒula katɔ bɔkpali ni, búduo Katɔti kudɔ.

Yohane 6:51

Ami ndi adila ani muute ngba. Na lɛ́si katɔ lɛ́yu líbo. Ukyuli biala ɔni mɔɔdi adila amɛni adi ni, ɔdubo ngba bulie uwi ƒui. Na adila ani ndubute bekyuli ni, anya ndi mina ɔlɔna.”

Yohane 6:35

Mmɔ na Yesu ɔ́su-ma ɔnini, “Ami ndi adila ani mɔɔyá na bekyuli beelie ngba. Na ukyuli ɔni muubo-mi kudɔ ni, kɔka kɔsɔ kulada-nwu. Na ukyuli ɔni mɔɔƒɔ́-mi taadi ni, utukwɛ ɔsɔ ulada-nwu kudi kudii.

Israelƒuɔ Bɔlɛ 17:14

Amu na Unwoti ɔ́su Mose ɔnini, “Nweni kekpo kamɛni lɛlɔ bɔdi etemila kya kakunkɛ kadi kemmo na aya na Yosua unu, na unwini enyimo na uteese, ɔsika ndubo Amalekƒuɔ ƒui udu bɔyila na kalɔ kamɛni lɛlɔ na ukyuli ɔdi ɔsɔ uleti-ma lɛlɔ kasusu.”

Israelƒuɔ Bɔlɛ 13:9

Si bɛɛsia limeyi lɛmɛni anu taadi-ni ni, ɔdubunwini aani likposela ɔsia-mii kɔnu iye atɛntɛ ka ɔdi ka Unwoti ɔda bubo bɔsia-mii enyekuli lɛlɔ uwi ndi uwi. Ɔsika Unwoti ɔkɛnku nwuna kɔnu ɔyikun lɛlɔ na udie-mii ɔ́lɛku Egyipte kalɔ lɛlɔ.

Israelƒuɔ Bɔlɛ 12:14

“Bidie limeyi lɛmɛni bise bitaadi uwi ƒui amii ku bina kaba kemmo bebi ƒui, ɔsika ɔdi lɛla bonwu lɛni na ami Unwoti lɛ́bla líte-mii.

Ala Kalɔ Buse 9:16

Na uwi biala na kɔdigbo kɔ́lɛ na kayaa ni, ndubo bunyimo lɛla lɛni na ami Katɔti línyimi ku lɛla biala nli ngba.”

Israelƒuɔ Bɔlɛ 28:12

ada awu kedee ɔmmɔ amangba lɛlɔ aani likposela ute Israelƒuɔ bebi. Na bana anyi adubo bɔma Aaron lɛlɔ uwi ndi uwi na Unwoti uteenyimo-ma.

Lewiƒuɔ Ɔda Bubo 2:9

Na ɔkpane ɔmmɔ ɔdubudie lɛkpabi lɛlɔ enyimo adila ani na ɔdubuti ɔkyula ute-mi na lɛkpabi lɛmmɔ lɛlɔ. Na ɔdubɔbla akpala bɔkyula ƒui ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ.

Yesaia 43:23

Ɔsika bíteti baƒonu badi bítabakpa bítete-mi. Na bileti bina akpala adi teeboku teebete-mi ɔbu. Ami lɛnɔ ńtenye-mii lɛlɔ nnii biti etela adi biboku-mi aani antabi ku kakpa udu ɔdi lɛnɔ iye bebuo bamba badi. Na ńteye-mii akpala adi muedi iye lɛsu-mii nnii bɛkyula oloƒui iye ugyulo ku ɔnyi ƒɛƒɛɛ ɔdi bite-mi.

Lewiƒuɔ Ɔda Bubo 2:1

“ ‘Si ukyuli ɔdi úti edula ebi úboku ɔnii ubabla akpala ni, ɔlɛ ka ɔkɔ ala ammɔ ɔbla ɔlaaƒɔ sɛɛn. Na ɔdi ka uti nnɔ uwi-nwu lili na uti oloƒui ɔsia-nwu lɛlɔ.