Lewiƒuɔ Ɔda Bubo 23:6 - Katɔti Ɔku Kedee

⁶ Na kadi kegye kɔbuli kɔmmɔ kani limeyi leevu-lɛlɔndi lɛlɔ ni, Bodobodo Ɔni Néteƒu Limeyi bɔdi buusé kalɔ na bɛdubɔdi bodobodo ɔmmɔ emeyi maatɛ.

Lewiƒuɔ Ɔda Bubo 23:6 Referans Kwoze

Lɛkpa Ulu 16:8

Na emeyi aku ani nébu ni, bitaadi bodobodo ɔni néteƒu kani. Na limeyi maatɛdi lɛlɔ ni, bɛsala lɛlɔ na bimwi bina Unwoti Katɔti, na ɔdi utabla kabla kadi limeyi lɛmmɔ lɛlɔ.

Israelƒuɔ Bɔlɛ 34:18

“Di Bodobodo Ɔni Néteƒu Limeyi. Na adi bodobodo ɔni kemmo na bɔnyii buuubo emeyi maatɛ aani kalɛ na líbo-ɔ ɔda. Na abla ɔmɛni na Abib kɔbuli kɔni na líse líse kemmo, ɔsika kɔbuli kɔmmɔ kemmo na álɛ Egyipte kalɔ lɛlɔ.

Israelƒuɔ Bɔlɛ 12:14

“Bidie limeyi lɛmɛni bise bitaadi uwi ƒui amii ku bina kaba kemmo bebi ƒui, ɔsika ɔdi lɛla bonwu lɛni na ami Unwoti lɛ́bla líte-mii.

Israelƒuɔ Bɔlɛ 23:15

“Bɛdi Bodobodo Ɔni Néteƒu Limeyi emeyi maatɛ. Na bɔnyii butakya bodobodo ɔmmɔ kemmo aani kalɛ na líbo-mii ɔda. Na bɛdi limeyi lɛmmɔ na Abib kɔbuli kɔni kemmo lɛ́lɛ ugyii lite-mi kemmo, ɔsika kuna kemmo na bɛ́tɔlɔ Egyipte kalɔ lɛlɔ. “Ɔdi biala utebenye-mi anumi ku enukplu.

Lɛkpa Ulu 16:3

Na si bɛɛdi Kukpi Lili Bɔvia adila ammɔ ni, biteti bɔnyi bɔni mɔɔyá na ɔlaaƒɔ uuƒu bitasala bodobodo ɔmmɔ kemmo. Biti emeyi maatɛ bɛdi bodobodo ɔni neeeƒu aani kalɛ kani na bɛ́bla limeyi lɛni na bɛ́babla na bɛ́tɔlɔ Egyipte kalɔ lɛlɔ mmɔ. Na si bɛɛdi bodobodo ɔmmɔ udu ni, bɛsia-nwu lɛnyi bɛnii Lɛbibo Adila Bɔdi kalɛ na biteenyimo na bina ngba bulie ƒui kemmo abi ani na bíbo uwi ɔni bɛ́kya Egyipte kalɔ lɛlɔ.