Lewiƒuɔ Ɔda Bubo 22:21 - Katɔti Ɔku Kedee

²¹ “ ‘Si ɔdi úti ebuo ɔ́siku nwuna bebuo akɔ ɔduboku ubabla unwi bɔbla akpala na kenye kani na úse ka udie lili iye kaƒɔ ƒaa akpala ni, uboku ebuo ɔni nátasɔ kalɛ na Unwoti ɔƒɔ ute-nwu.

Lewiƒuɔ Ɔda Bubo 22:21 Referans Kwoze

Bumomo Bɔka 15:8

“ ‘Na si ɔmantɛ akɔ na ɔdi úti ɔɔbla bɔkyula ute Unwoti, iye kenye buse kayu bɔƒɔ akpala iye unwi bɔbla akpala adi ni,

Bumomo Bɔka 15:3

na ɔdi ɔɔyɔ́ ka uti ebuo ɔdi ɔsiku nwuna bebuo lidu akɔ ɔbla bɔkyula akpala ƒɛƒɛɛ ani mɔɔyɔ́ ami Unwoti kaƒɔ, iye kenye kadi na úse na ɔnii ɔɔbla akpala iye kayi ƒaa akpala iye akpala ani ndanku emeyi bɔdi ni,

Lewiƒuɔ Ɔda Bubo 3:6

“ ‘Nsu si bese ku baƒonu na ɔdanku úboku ka ubabla unwi bɔbla akpala ɔdi ɔmmɔ ute-mi ni, ɔkana uboku ebuo ɔgyani iye uledi. Nsu ɔnu ka use sɛɛn na útasɔ kesii kadi.

Lewiƒuɔ Ɔda Bubo 3:1

“ ‘Si ɔdi úti ɔmantɛ akɔ ɔgyani iye uledi úboku ka ubabla unwi bɔbla akpala ni, ɔlɛ ka ɔƒuna ebuo ɔni nse sɛɛn na útasɔ kesii kadi uboku ami Unwoti anumi.

Agba 7:14

“Lɛ́bla mina unwi bɔbla akpala. Na ɔmwi lɛ́wɔlɔ lɛla biala ɔkɛnku kenye kani na líse lɛlɔ.

Kɔgya 50:14

Ami ndi bina Unwoti Katɔti Ɔyikune Ƒui anwuɔsu biti enugya binwini aani akpala bite-mi. Na ala ani na bíse kenye ka bɛdubɔbla ni, bɛbla bɛsiaku-nya lɛlɔ lɛni bite-mi.

Ala Kalɔ Buse 28:20

Amu na Yakob ɔ́kpali Unwoti Katɔti lɛnyi na úse kenye ɔnini, “Lieku-mi, na asia-mi anu na ulu busie bɔmɛni kemmo, na ete-mi adila ku adala.

Israelƒuɔ Bɔlɛ 35:29

Na Israelƒuɔ beleku ku banana bédie kayi ƒaa na béti ala pii bésienku Unwoti ka beti babla kabla kani na Unwoti ɔkɛnku Mose lɛlɔ úbo-ma ɔda mmɔ.

Lewiƒuɔ Ɔda Bubo 22:22

Ɔdi uteboku ebuo ɔni na anumi ábwɛ-nwu iye ulesie kaduɛ iye ebuo ɔlɛne udu biala ɔnii beti basia lɛkpabi lɛlɔ bakyula bete Unwoti.