Lewiƒuɔ Ɔda Bubo 21:9 - Katɔti Ɔku Kedee

⁹ “ ‘Na si ɔkpane ɔdi ubidi ulekubi úbile lɛlɔ na úti lɛlɔ ɔ́bla ɔyalɛ ni, úwi ɔti anumi kalɔ, anwuɔsu ɔlɛka bakya-nwu ogya kemmo bakyula.

Lewiƒuɔ Ɔda Bubo 21:9 Referans Kwoze

Ala Kalɔ Buse 38:24

Ɔbla aani abuli atɛ kama ni, bekyuli badi bábasu Yuda banini, “Bɔ́nu ka ƒ'ubidi ule Tamar ɔ́ƒiɔ, ɔsika úti lɛlɔ ɔ́bla ɔyalɛ. Na ɔmmɔ ɔsu ɔda kaƒɔ ɔƒɛni.” Mmɔ na Yuda ɔ́su-ma ɔnini, “Bɛlɛku-nwu biboku na bɛkyula-nwu na ukpi.”

Lewiƒuɔ Ɔda Bubo 19:29

“ ‘Ukyuli ɔdi utedie ɔbu ubidi ulekubi lɛlɔ na uti lɛlɔ ɔbla ɔyalɛ amu lɛyalɛ ala adubɔƒɔ kalɔ kammɔ lɛlɔ na uboku kɔnyi ku ulikplu ala bɔbla.

Tito 1:6

Ɔƒɔtaadine unengu ni, útalɛka litemi lɛdi lɛda-nwu. Na ɔdi ukyuli ɔni na úti uleku unwi. Na nwuna bebi lɛnɔ badi bebi bani nda bɔƒɔtaadi kaduɛ, na beeebo atuɔkplu, na baabu bana bawɔne.

Malakai 2:3

“Ndubo bina bebi ku bawɔ kɔtu bɔni. Na ala ani na bɛ́kpɛ bídie bebuo bani na bíbakpa bíte-mi livo kemmo ni, ndubuti-ni lisusu-mii anumi na lidie-mii atu na bɛyii udu.

Yesaia 33:14

Liƒu líƒie alaekpidi bablane benengudi bani nkya Sion Kɔbi lɛlɔ na lɛlɔ lɛɛtɔ́-ma kpakpaakpa na béye banini, “Dɛ na bɔdubɔkana kesii kani na ogya ɔni mɔɔkywí teebile ala uwi ƒui na uléni mɛni bulie?”

Samuel 1 2:34

“Na lɛla lɛni ndubɔlɛku ƒula bebi Hoƒni ku Pinehas ni, anwu na adubuti ati lɛla lɛni na mɔɔsu-ɔ mɛni. Bana inyɔ badubo bukpi limeyi linwi.

Samuel 1 2:17

Eli bebi bamɛni beléte Unwoti akpala ɔbu ɔdi ɔni na bana likpidi lɛmɛni lɛdi bɔƒiɔ bunengudi geen na Unwoti anumi.

Yosua 7:25

Na Yosua ɔ́su-nwu ɔnini, “Bi ɔsu na áya na lɛbibo lɛmɛni líbo-bu lɛlɔ. Unwoti ɔdubɔya na awɔ lɛnɔ ebo abi ɔmwi!” Amu na Israelƒuɔ bammɔ bébo Akan atabi badu. Na bébo nwuna bebi ku bebuo bammɔ lɛnɔ atabi badu. Na bákya bana ƒui ku ala ammɔ ogya.

Yosua 7:15

Na ukyuli ɔni ndubɔlɛ lɛnumi ni, nwuna kudɔ na ala ammɔ akya. Na beti ogya bakyula-nwu ku nwuna akɛla ƒui. Ɔsika úti kɔƒa kubendi uboku Israelƒuɔ lɛlɔ. Na útadi bunyimi bɔni na Katɔti únyimi-ku Israelƒuɔ lɛlɔ.’ ”

Lewiƒuɔ Ɔda Bubo 20:14

“ ‘Si ɔnana ɔdi úti ubi ku uni ni, ɔlɛka bakyula-ma na likpidi lɛmmɔ udu lɛyii udu na lilakya-mii akɔ.

Israelƒuɔ Bɔlɛ 31:14

“ ‘Na bɛdi lɛnwunameyi lɛmɛni lɛlɔ kaduɛ. Ɔsika lɛdi mina limeyi kedee. Na ukyuli ɔni mayu atuɔkplu na wabla kabla kadi limeyi lɛmmɔ lɛlɔ ni, ɔlɛka badu-nwu.’

Lɛkpa Ulu 22:21

na bakpanku ulekubi ɔmmɔ besienku ɔti kaduli na ɔma ɔmmɔ bananabi bebo-nwu atabi badu na ɔti kaduli kayakun kenye. Ɔsika ulekubi ɔmmɔ ɔ́di kɔsɔnɔ uwi ɔni na úlie ɔti kesii na útelie tɔ kɔgya. Na ɔmɛni ɔdi kɔƒa litemi. Na ulu ɔmɛni lɛlɔ na bɛdubɔsia na bɛda likpidi lɛmmɔ udu bidie bina akɔ.