Lewiƒuɔ Ɔda Bubo 20:6 - Katɔti Ɔku Kedee

⁶ “ ‘Ukyuli ɔni ndubusie bekyuli bani muubó like iye baakpali bekpine teeye ala teenu kudɔ na ama ku bekyuli bammɔ baabla lɛyalɛ ala ni, ndubo mina anumi budie bɔlɛ ukyuli ɔmmɔ. Na ndubɔda-nwu lidie nwuna badi akɔ.

Lewiƒuɔ Ɔda Bubo 20:6 Referans Kwoze

Lewiƒuɔ Ɔda Bubo 19:31

“ ‘Ɔdi utatálɔ ayu iye bekpine badi uteye lɛla lɛdi utenu ɔmmɔ ɔdububile-mii na biteese lɛlɔ. Ami ndi Unwoti bina Katɔti.

Yesaia 8:19

Si bekyuli baasu-mii banii bitébo like na biye bekpine ku ayu ani mɔɔtɛmi kabɛnsɛ na baatɛmi linwubwɛ ala binu ni, ɔɔɔdi Katɔti mmomu na biye ala kalɔ binu? Bi ɔsu na bekpine na biiye ala binu bɛsiku bayawine lɛlɔ?

Lewiƒuɔ Ɔda Bubo 20:27

“ ‘Si ɔnana iye uleku ɔdi ɔkya-mii akɔ na uubó like iye uuye bekpine ala teenu ni, ɔlɛka bibo-nwu atabi bɛdu. Na bana ubugya ɔdubɔsia ama alati lili.’ ”

Kɔgya 73:27

Na bekyuli bani mɔɔlɛ́-ɔ kama ni, ɔkɔ uuubo-nwu kemmo ka badubo bɔyii ku udu.

Hosea 4:12

Na bakɛ beebó like na egyiiku kudɔ ka bati lɛla lɛni na babla! Na egyiiku ammɔ lɛnɔ aasu-ma lɛla lɛni na baawia bati! Bányonu-mi aani uleku ɔni nányonu ɔnana na únwini ɔyalɛ, na bakɛ basiaku ala bamba kama.

Esekiel 6:9

na beténwini batɔntɛne bete-ma na mmɔ. Na si bábla kasusu básiku-mi lɛnɔ ni, badubo bunyimo ka bákya-mi kɔƒa na báta bénye-mi lɛlɔ na baƒiɔ bani na bákpa ɔsu. Na badubɔyɔ ka beni bana lɛlɔ na alaekpidi ani na bábla ɔsu.

Bumomo Bɔka 15:39

Na adi linwo lɛmmɔ lɛdubɔbla enyimola ute-mii na uwi biala bɛ́nu adi ammɔ ni, bɛdubo buteenyimo mina ɔda bubo na bitaadi-nwu lɛlɔ kalɛ na bilálɛ-mi kama na bitásiaku amii alati ɔbladu kama.

Lewiƒuɔ Ɔda Bubo 19:26

“ ‘Ukyuli ɔdi biala utadi lɛna lɛni na ubugya ɔmu ɔkya-ni kemmo. “ ‘Bitebo like iye bɛbla evo ala.

Batalane Kabla 16:16

Amu na limeyi lɛdi uwi ɔni na búsela butákpali katɔ ni, bɔ́siaku ugblebi ɔdi ɔni lɛlɔ na kɔyu kukpidi kulie na uubó like. Na ɔɔbla egulabi kaduɛ teete nwuna benwoti.

Israelƒuɔ Bɔlɛ 22:18

“Na uleku biala matɛya kalɛ beebó like ni, bɔdu ɔlɛka badu-nwu.

Lewiƒuɔ Ɔda Bubo 17:10

“ ‘Ɔƒɛni lɛnɔ ukyuli biala na ɔ́si Israel kaba kemmo iye ɔƒɔ ɔni nli-mii akɔ na ɔdi ɔ́di ubugya ni, ndubuti mina lɛnimi lɛlɛ ukyuli ɔmmɔ lɛlɔ na lɛda-nwu lidie mina bekyuli akɔ.

Lewiƒuɔ Ɔda Bubo 20:5

na ami Unwoti ɔlati ndubuti mina lɛnumi lɛlɛ ukyuli ɔmmɔ ku nwuna kaduli bekyuli lɛlɔ na likulo-ma lidie bina akɔ. Ndubukulo ukyuli ɔmmɔ lidie-mii akɔ ku bani ƒui nsiaku-nwu na béti lɛlɔ bénwini aani bayalɛ na básiaku Molek baƒiɔ bammɔ.

Yeremia 44:11

“Ami Unwoti Ɔyikune Ƒui lɛ́lɛ ugyii ka ndubɔya na ɔgbankpi lidu libo-mii lɛlɔ na lɛyila-mii lidie ƒui.

Israelƒuɔ Bɔlɛ 22:17

Nsu si uleku ɔmmɔ ɔti útenu kalɔ ka ɔnana ɔmmɔ uti-nwu ni, ɔlɛka ɔƒɔ kayu kani námanku uleku buti ute ɔti ɔmmɔ.