Lewiƒuɔ Ɔda Bubo 19:26 - Katɔti Ɔku Kedee

²⁶ “ ‘Ukyuli ɔdi biala utadi lɛna lɛni na ubugya ɔmu ɔkya-ni kemmo. “ ‘Bitebo like iye bɛbla evo ala.

Lewiƒuɔ Ɔda Bubo 19:26 Referans Kwoze

Baga 2 17:17

Na beeti bana bebi bananabi ku belekubi taabla akpala teete baƒiɔ bammɔ. Na beesié like bebone ku bana lidu bamba kudɔ. Na béti bana uwi ƒui baabla likpidi na Unwoti anumi. Ɔmmɔ ɔsu kɔnyi kɔ́kɔ Unwoti.

Ala Alɛdi 2 33:6

Ɔ́kyula nwuna bebi bananabi ɔ́kpa na Ben Hinom Kɔwɛ kemmo. Na uubó like na ɔɔbla evo ala na ɔɔkpali bekpine ku ayu bamba na ɔ́bla ekpidi bonwu bonwu lidu lidu na Unwoti anumi na ɔ́ya na Unwoti úti kɔnyi geen.

Baga 2 21:6

Na úti ubidi lɛnɔ ɔ́bla bɔkyula akpala. Na uusé bevone ku like bebone kudɔ. Na uusié teetéye ala lɛnɔ teenu. Ɔmmɔ ɔsu ɔ́bla likpidi na Unwoti anumi na ɔ́kya Unwoti kɔnyi.

Lɛkpa Ulu 12:23

Nsu bitadi bana ubugya. Ubugya ɔmmɔ ndi bana ngba. Anwuɔsu biwilimi ubugya ɔmmɔ ƒui biwiakun asa bɛkun lɛna lɛmmɔ.

Lewiƒuɔ Ɔda Bubo 7:26

Na kesi kesii na bilie ni, útalɛ ka bɛdi ubugya ɔdi. Aasɛ ubugya na ɔdi o-o, ebuo bamba ɔdi ubugya na ɔdi o-o ni, ɔdi utadi.

Lewiƒuɔ Ɔda Bubo 3:17

“ ‘Na ɔmɛni ɔdi ɔda ɔni na muubó-mii úti úsela bina kaba kaba kemmo bawɔ ƒui akɔ. Na kesii biala bɛdubulie ƒui ni, bitadi lɛmwi lɛdi biala iye ubugya biala.’ ”

Yeremia 10:2

“Bitasiaku kadi bani bekyuli na liƒu lɛɛda si bánu ka lɛla lɛni na bátanu kudii lɛdi lɛɛlɛ́ na kayaa.

Malakai 3:5

Unwoti Ɔyikune Ƒui ɔnini, “Lɛ́ɛsi ndubo mbatɛku-mii litemi na lɛdu kɔtɔ kɔnakunwi. Ama ndi bani mɔɔdú kabɔ, na baalɛ́ bana bagya ku bele kama, iye baanyi ɔkɔ na litemi katɛkɔ, iye beeyú bana kabla bablane na baláƒɔ-ma kayu ulu lɛlɔ, na baabla bekpinebi ku bekpinele kalala, iye beeyú baƒɔ bani nkya-ma kudɔ ala, na béni banii balabu-mi ƒui.

Daniel 2:10

Amu na nwuna kasusu bakyane bédie kalɔ banini, “Bula Ɔga Ɔbune, aawia lɛla lɛni na libo ɔkplu litulo kalɛ na ukyuli ɔkana bɔbla taasiku-bu kudɔ! Ɔga ɔdi uuubo ina dɛ na ɔ́ƒɔ lɛnyi na ubo ɔyikun geen muedi na udie lɛdi ɔsu nwuna kasusu bakyane iye bevone ku banundane ɔdi ɔnii ɔbla lɛmɛni udu.

Samuel 1 15:23

Ɔsika si elenu Unwoti litemi na adi-ni lɛlɔ mmomu aatalaku lɛlɔ katɔ na ƒula likyulikpi ɔsu ni, átavumanaku bekyuli bani mɔɔkpá baƒiɔ na beeye-ma ala teenu. Na ka éni Unwoti litemi ɔsu ni, anwu lɛnɔ úni-ɔ ka asɔ adi ɔga na nwuna bekyuli lɛlɔ.”

Israelƒuɔ Bɔlɛ 8:7

Nsu Ƒarao bevone lɛnɔ bábla akɔla budie taatina na báya na bapɔtɔlɔ bákɔ bálɛ kalɔ kammɔ kemmo.

Israelƒuɔ Bɔlɛ 7:11

Mmɔ na Ƒarao lɛnɔ ɔ́lɔ nwuna banundane ku bani muubó like ku bani mɔɔbla akɔla lidu budie taatina na bébo. Na ama lɛnɔ bábla lɛni kani.

Batalane Kabla 15:20

Mmomu bɛya bunweni-ma ɔku na bada ala aani béti bákpa béte baƒiɔ na aayá na beesé lɛlɔ bɔbla baya ku kɔsɔnɔ bɔdi ku bebuo bani bélii-ma amɔ bádu bɔkun ku ubugya bɔni baya.

Ala Kalɔ Buse 9:4

“Nsu bitakun ebuo ɔni bélii-nwu limɔ bádu na ubugya ɔmu ɔkya-nwu kemmo.

Ala Kalɔ Buse 44:5

Ɔɔɔdi mina ɔtɔlati ɔɔƒɛɛ ɔni kemmo na ɔɔní taasiku, na anwu kani kemmo na ɔɔnu ala kemmo taati na bíti bɛtɔlɔku mɛni? Kalala geen kadi na bɛ́bla mɛni!’ ”

Lewiƒuɔ Ɔda Bubo 19:25

Nsu lɛkwa lɛlɔndi bɛkana na bɛdi egyiibi ammɔ adi kalɛ na egyiibi ammɔ adubutaanwu ebi pii teete-mi. Ɔsika Ami ndi bina Unwoti Katɔti.

Lɛkpa Ulu 12:16

Nsu ɔdi utadi bana ubugya. Na bɛya na bana ubugya ɔmmɔ uwi kalɔ aani kalɛ na beewilimi ntu teewi kalɔ kalɛ.

Lɛkpa Ulu 15:23

Nsu biteti bana ubugya bitabla adila na bɛdi. Mmomu biwilimi bana ubugya biwi kalɔ aani kalɛ na beebó ntu teewiakun.

Samuel 1 14:32

Anwuɔsu bénwini bélie bebuo bani na béƒie básiku bana bekisine kudɔ mmɔ lɛlɔ. Na bádu-ma ogya ogya. Mmɔ kani na baaduli lɛna lɛwɔdi lɛmmɔ ku ubugya taakun.

Samuel 1 14:33

Na ukyuli ɔdi útásu Saul ɔnini, “Nu, bekyuli bamɛni baabla lɛla lɛni náta línye Unwoti lɛlɔ, ɔsika baakun lɛna lɛni kemmo na ubugya ɔmu ɔkya.” Amu na Saul ɔ́va ku lɛdi momoomo ɔnini, “Bíbile bula bɔƒɔtaadi bɔmmɔ. Ɔmmɔ ɔsu biminime lɛtabi linengudi lɛdi biboku-mi kudɔ mɛni kɔnakunwi.”