Lewiƒuɔ Ɔda Bubo 19:16 - Katɔti Ɔku Kedee

¹⁶ “ ‘Bitataalɔ bina bakpana anyikpi taavi. “ ‘Na ɔdi utabla lɛla lɛni maya na nwuna ɔkpanadi ngba buduo ɔgbankpi kemmo. Ami ndi Unwoti.

Lewiƒuɔ Ɔda Bubo 19:16 Referans Kwoze

Israelƒuɔ Bɔlɛ 23:1

“Ukyuli ɔdi utegyingya ɔkɔ etemila. Na ɔdi utenye ɔlalane kama utedie kenye utete-nwu ulu ukpidi lɛlɔ.

Israelƒuɔ Bɔlɛ 23:7

Ɔkɔ kenye kani na báda básia ukyuli ɔdi ni, teti litemi lɛmmɔ tabla kabla na adu ukyuli buni kɔtɔ anii badu-nwu, ɔsika lɛɛɛdubo litemi ɔtɛne ukpidi ɔmɛni ubo bute na ɔlɛ kɔtu bɔni kemmo.

Agba 20:19

Kɔtɛ keeke ɔtɛmine uugyingya kɔbɛtɛ. Anwuɔsu tadiku ukyuli ɔmmɔ udu kɔkpana.

Esekiel 22:9

Bina badi baanyi ɔkɔ taada bana bakpana kenye kalɛ na badu-ma. Na badi lɛnɔ baakun lɛna lɛni na béti bákpa béte baƒiɔ na aƒiodu lidu lidu. Na badi lɛnɔ bana ɔlɔna ɔkwɛ adala ekpidi kama kani na basia baabla ƒui.

Yeremia 9:4

“Yeremia, ɔkɔ etemila kani na ƒula bakpana ku lɛlɔ bekyuli ƒui baasu taasiku-ɔ lɛlɔ. Anwuɔsu teti ƒula anu tasia-ma lɛlɔ.

Yeremia 6:28

Na adubɔnu ka bebo ɔkplu geen aani abuala egyiedi ku atonwudi. Na badi bekyuli bani mɔɔta teenye-mi lɛlɔ na ɔkɔ kani na baanyi uwi ndi uwi.

Agba 11:13

Katɛ ɔtɛne keeke mɔɔví teebo abɛla kudu. Nsu ukyuli ɔni báƒɔ bádi ka ulátɛmi kalɛ kalɛ ni, baasu-nwu kɔbɛtɛ.

Petro 1 2:1

Anwuɔsu bɛda kasusu kekpidi ƒui buti na bekyuli lɛlɔ bɛya. Na bɛsɔ bitanyi ɔkɔ iye bɛtɔlɔ bekyuli. Anumi etegyie-mii bekyuli ala lɛlɔ. Na bitalɔ lɛlɔ anyikpi.

Kɔgya 15:3

Ukyuli ɔmmɔ ulalɔ bekyuli anyikpi. Na ulabla nwuna ɔkpana likpidi lɛdi. Na ulewi-nwu anumi kalɔ na kadi akɔ.

Israelƒuɔ Bɔlɛ 20:16

Tada ukyuli ɔdi kenye.

Tito 2:3

Lɛni kani na beleku benengu bammɔ lɛnɔ ni, tina-ma anii belie ngba bɔni námanku beleku bani nse kedee ka belie. Na batataalɔ bekyuli anyikpi. Na ntɛ bɔni lɛnɔ butadi-ma lɛlɔ. Mmomu batina bekyuli udu buni.

Timoteo 2 3:3

Badi bekyuli bani na ukyuli bamba lɛlɔ lilakywi-ma kaƒɔ, ku bani naaanu kɔnyana. Badi bekyuli bani mɔɔnyi ɔkɔ taada litemi taasia bekyuli lɛlɔ, ku bekyuli bani mbo kalala. Na bana anumi eeese buɛɛ. Na badi bekyuli bani nkisi lɛla lɛbuni.

Timoteo 1 3:11

Bana beleku lɛnɔ ni, ɔlɛka babla beleku bani nda udu buni, na baaadi bekyuli lɛlɔ atɛ batɛmine. Mmomu ɔlɛka babla beleku bani náda anu, na baabla lɛla biala kaduɛ.

Mateo 27:4

Na ɔ́su-ma ɔnini, “Lɛ́bla likpidi ka lɛ́kya ukyuli ɔni nátaƒiɔ ɔmmɔ kakya nnii badu-nwu.” Na bédie kenye banini, “Ɔmɛni anwu ɔɔɔkɛ-bu. Ƒula litemi na lɛdi!”

Lɛkpa Ulu 27:25

‘Ewida asiaku ukyuli ɔni maƒɔ egulabi adi na badu ukyuli ɔni nátaƒiɔ.’ Na ɔlɛka bekyuli batuna banii, ‘Ɔsia lɛni.’

Hiob 17:5

Ukyuli ɔni mɔɔví nwuna ɔkpana kalɔ kalɛ na ɔkɛ bɔdi ni, nwuna bebi anumi adubɔbwɛ.

Samuel 1 24:10

Ɔmwi limeyi lɛmɛni lɛlɔ ni, awɔ ɔlati ánu ku ƒula anumi nwaa ka nka Unwoti úti-ɔ ɔ́kya-mi enu kemmo na lɛtabi ubu ɔmmɔ kemmo. Na mina bekpone badi bénye-mi lɛlɔ banii ndu-ɔ, nsu líni na lɛ́su-ma nnii lɛɛɛdubo mina kɔnu bɔtala bɔbla awɔ mina ati lɛla lɛdi, ɔsika Unwoti ukyuli ɔni na úse likpo na adi.

Kɔgya 50:20

Na bɛɛtɛmi enyekpi na bina banwani lɛlɔ. Na bɛɛlɔ bina benibi muedi anyikpi.

Kɔgya 101:5

Ukyuli ɔni mɔɔbɛla lɛlɔ taalɔ bekyuli anyikpi ni, ndubɔyila-nwu udu. Na ukyuli ɔni mɔɔtina lɛlɔ na ɔɔkun lɛmɛnɛ ni, lɛɛɛdubo bɔtunaku-nwu.

Agba 10:18

Ukyuli ɔni muukisi ukyuli na ɔɔbɛla-mu ɔdi ɔkɔ ɔnyine. Na ukyuli ɔni mɔɔlɔ bekyuli anyikpi ɔdi ɔdɔlɔdi.