Lewiƒuɔ Ɔda Bubo 19:14 - Katɔti Ɔku Kedee

¹⁴ “ ‘Ɔdi utewida ɔmumu iye eti lɛla lɛdi etile ɔnumbwɛne ulu mmomu bɛyia bina Katɔti. Ami ndi Unwoti.

Lewiƒuɔ Ɔda Bubo 19:14 Referans Kwoze

Lɛkpa Ulu 27:18

‘Ewida asiaku ukyuli ɔni mɔɔtɔnku ɔnumbwɛne kalɛ na ɔyii ulu.’ Na ɔlɛka bekyuli batuna banii, ‘Ɔsia lɛni.’

Lewiƒuɔ Ɔda Bubo 19:32

“ ‘Si bɛ́nu benengu bani náabi lɛlɔ ni, bɛta binye na bite bina batɔnkune ɔbu na biti ɔbu geen bite ami bina Katɔti. Ami ndi Unwoti.

Petro 1 2:17

Bɛbu bekyuli ƒui. Bɛyɔ bina banwani. Na bɛyia Katɔti. Na bɛbu Ɔga Unengudi lɛnɔ.

Romaƒuɔ 14:13

Ɔmmɔ ɔsu bɛya na bɔda lɛlɔ kɔtɔ bɔdu bɔya. Mmomu bɛlɛ ugyii ka bɛɛɛdubo lɛla lɛdi bɔbla na lɛbala ɔdi bɔƒɔtaadi ulu na wetulo na weduo likpidi kemmo.

Lewiƒuɔ Ɔda Bubo 25:17

Na ɔdi utanya ɔkpanadi utamana ka ɔkɛ ɔkpanadi lɛlɔ kɔsia kɔni nátamanku. Mmomu biti ɔbu ku bɔyia geen bite Katɔti. Ami ndi bina Unwoti Katɔti.

Budie Taatina 2:14

“Nsu alakpa alɛɛ adi ábala-mii. Bibo bekyuli badi na bina akɔ mmɔ bani mɔɔsiaku Bileam ala bɔtina kama. Ukyuli ɔmɛni nátina Balak kalɛ na ɔtɔlɔ Israelƒuɔ. Na ɔ́kpanku-ma útákya likpidi kemmo. Baadi adila ani na béti bákpa béte baƒiɔ, na bábla lɛyalɛ ala.

Petro 1 1:17

Bɛɛsu bɛnii, “Bula Ɔti” si bɛɛkpali katɔ. Anwuɔsu binyimo ka anwu ndubɔtɛku ukyuli biala litemi na ala ani na ɔɔbla kenye. Na ulanu bekyuli anumi asa na watɛku-mii litemi. Lɛni ɔsu ni, biti bina uwi ɔkladi ɔni nébu na bilie ngba mɛni aani baƒɔ kalɛ bitaabu-nwu.

Romaƒuɔ 12:14

Bekyuli bani muukpóku-mii ni, bite-ma kusɛ kusɛ. Bite-ma kusɛ kusɛ na bitewida-ma.

Ala Kalɔ Buse 42:18

Na limeyi lɛtɛdi lɛlɔ ni, Yoseƒ úbasu nwuna banwani bammɔ ɔnini, “Si bɛɛyɔ́ ka bɛkɛ ngba bɔdi ni, amu bɛbla lɛla lɛni na ndubo-mii bɔsu mɛni, ɔsika ami ɔlati ni, ndi ukyuli ɔni mɔɔbu Unwoti Katɔti geen.

Korintoƒuɔ 1 10:32

Bitabla lɛla lɛni maya na Yudaƒuɔ iye bani naaadi Yudaƒuɔ iye baƒɔtaadine belebo Katɔti kudɔ.

Lewiƒuɔ Ɔda Bubo 19:15

“ ‘Bitatɛ litemi likpidi na bɛnya ɔwabane ɔdi bɛkya iye binye ɔlakɛne ɔdi kama mmomu bɛtɛ bina bakpana litemi ulu lɛlɔ.

Kɔgya 111:10

Ukyuli ɔni mɔɔyia Unwoti uusé kalɔ taada anu. Na bani ƒui mɔɔsia nwuna ɔda bubo anu ni, beenú ala abuni kalɔ. Ɔmɛni ɔsu na ɔlɛka buteemwi-nwu uwi biala kemmo.