Lewiƒuɔ Ɔda Bubo 14:3 - Katɔti Ɔku Kedee

³ ɔlɛka ɔkpane ɔmmɔ usie kesii kani na ɔlɛne ɔmmɔ ɔkya kesii kani na Israelƒuɔ belie mmɔ kama na utásia-nwu anu ɔnu na mmɔ. Na si ukyuli ɔmmɔ ɔlɛgyie ɔmmɔ ɔ́sa ni,

Lewiƒuɔ Ɔda Bubo 14:3 Referans Kwoze

Lewiƒuɔ Ɔda Bubo 13:46

Na uwi ɔni kemmo ƒui na alɛbi ammɔ asia-nwu lɛlɔ mmɔ ni, na ukyuli ɔmmɔ ɔ́sɔ na uuuse sɛɛn. Na ɔlɛka bedie-nwu sɛsɛɛ.

Luka 7:22

Amu na údie kenye na ɔ́su Yohane batalane ɔnini, “Bɛsɔ binwini na bitásu Yohane ala ani na bɛ́nu na bínu bɛnii banumbwɛne baanu, bani na báƒɛ bewi kalɔ beesié, ɔlɛgyie beƒine lɛlɛ lɛ́ba-ma, batutine beenú, bekpine baata teelie ngba, na mɔɔsu bawabane Katɔti litemi buni.

Luka 4:27

Lɛnɔ ni, bekyuli pii bákya béteeƒi ɔlɛgyie na Israel kalɔ na Katɔti Kenye Udiene Elisa uwi. Nsu ɔɔɔdi bana akɔ ɔdi na bábwi, amu ntu Naaman ɔni nási Siria kalɔ lɛlɔ lɛti pɛ.”

Mateo 11:5

Banumbwɛne baanu, na bani náƒɛ bewi kalɔ beesié. Ama bani muuƒi ɔlɛgyie lɛlɔ lɛɛbla sɛɛn na batutine beenú. Bekpine baata na mɔɔkɔ́ litemi buni lɛmmɔ lɛsa teete bawabane.

Mateo 10:8

Bɛbwi balɛne na bɛgyila bekpine. Bɛbwi bani muuƒi ɔlɛgyie, na bɛgya ayu ekpidi. Bíteye ɔyikun ɔmɛni na mina kudɔ, anwuɔsu amii lɛnɔ biteti bitadi kuye.

Hiob 5:18

Ɔsika si ina ɔ́ya na ɔ́ƒɔ ɔlɛ ni, anwu kani ndubo-nwu bɔmana.

Baga 2 5:14

Ɔmmɔ ɔsu Naaman útéduo Yordan Ketu kemmo, na ɔ́nyina lɛlɔ ɔ́kya ntu bɔmmɔ kemmo maatɛ aani kalɛ na Katɔti ukyuli ɔmmɔ ɔ́su-nwu, na nwuna ɔlɔna ɔ́sɔ únwini úbo na ɔ́bla sɛɛn aani ubiwɔ ɔdi kalɛ.

Baga 2 5:3

Limeyi lɛdi ni, ulekubi ɔmɛni ɔ́su uni ɔnini, “Si wadia ni, nka ndubɔyɔ nnii mina ati usie Samaria utánu kenye udiene ɔni nkya mmɔ. Na ɔbwi-nwu ɔlɛ ɔni nda-nwu mmɔ.”

Israelƒuɔ Bɔlɛ 15:26

Ɔnini, “Si biinú ami bina Unwoti Katɔti litemi na bɛɛbla ala ani nse siin na mina anumi na bɛɛdi mina ɔda bubo ƒui lɛlɔ kpakplaa ni, lɛɛɛdubo bɔya na lɛlɛ lidu lidu lɛni na lɛ́ya na líbo Egyipteƒuɔ lɛlɔ ɔdi ubo-mii lɛlɔ kudii. Ɔsika ami ndi bina Unwoti ɔni mɔɔbwi-mii lɛlɛ.”

Lewiƒuɔ Ɔda Bubo 13:2

“Si ala adi álɛ éwi ukyuli lɛlɔ iye nwuna ɔlɔna ɔɔtina aani kalɛ na ɔkpaala ɔɔsia lɛla lɛdi lɛlɔ iye eƒula adi na ɔɔtina aani ɔlɛgyie ni, ɔlɛka beti-nwu beboku Aaron ɔni ndi ɔkpane iye nwuna bebi bananabi ɔdi ɔni ndi ɔkpane kudɔ.

Lewiƒuɔ Ɔda Bubo 14:48

“Nsu si ɔkpane ɔmmɔ úbanu kaduli kammɔ na butili bɔmmɔ bɔ́sɔ bútegyingya bútaƒɔ kaduli kani awodu básɔku bákwa mmɔ lɛlɔ ni, ɔkpane ɔdubute kati ka kaduli kammɔ kabla sɛɛn, ɔsika butili bɔmmɔ bɔ́sa.