Lewiƒuɔ Ɔda Bubo 14:13 - Katɔti Ɔku Kedee

¹³ Na ɔkpane ɔmmɔ ɔlɛka ɔdu koƒonu kɔmmɔ na kesii kani nse kedee na baadú likpidi bɔkyiɛ akpala ku akpala bɔkyula ƒui ebuo. Na aani likpidi lili buvele akpala kalɛ ni, kɔtɔ bukpi akpala lɛnɔ adi ɔkpane ɔmmɔ adi na ese kedee geen.

Lewiƒuɔ Ɔda Bubo 14:13 Referans Kwoze

Lewiƒuɔ Ɔda Bubo 4:24

Ukyuli ɔmmɔ ɔdubuti enu ɔsia ketukpa kammɔ lili uti ɔtina ka aka na úti uunyene lɛlɔ kenye. Ɔmmɔ kama na ɔdu-ka na kesii kani na baadú bebuo taakyula teete-mi mmɔ. Na ndubɔƒɔ lite-nwu aani likpidi lili buvele akpala.

Lewiƒuɔ Ɔda Bubo 1:11

Na badubɔdu ebuo ɔmmɔ na lɛkpabi lɛmmɔ katɔ kakɛ na Unwoti anumi. Na Aaron bebi, bakpane bammɔ badubuti ubugya ɔmmɔ na bakuna bewi lɛkpabi lɛmmɔ lɛlɔ bamana.

Israelƒuɔ Bɔlɛ 29:11

Na adu ebuo ɔmmɔ na mina lɛkpabi lɛni nlɛ mina Adi Kevo kammɔ kudɔ.

Lewiƒuɔ Ɔda Bubo 4:4

Ɔdubuti ɔmantɛ akɔ ɔgyani ɔmmɔ uboku Unwoti Adi Kevo kammɔ kayakun na Unwoti anumi. Na uti enu ɔsia akɔ ɔmmɔ lili uti ɔtina ka ɔmmɔ na úti unyene nwuna likpidi kenye Na ɔmmɔ kama na badu akɔ ɔmmɔ na Unwoti anumi.

Lewiƒuɔ Ɔda Bubo 2:3

Na ɔlaaƒɔ ɔkladi ɔni mebu ɔdi Aaron ku nwuna bebi bananabi ɔdi. Na ɔdi lɛla lɛni na bédie bése sɛsɛɛ na akpala ani na bábla béte-mi kemmo.

Lewiƒuɔ Ɔda Bubo 21:22

Ukyuli ɔmɛni udu ɔkana na ɔdi adila kedee ku ani nse kedee ƒui ani béti bákpa béte-mi mmɔ adi,

Lewiƒuɔ Ɔda Bubo 10:17

“Bi ɔsu na bítakun likpidi lili buvele akpala ammɔ na Kevo kammɔ kaduli? Ɔdi lɛla lɛni na lise kedee ƒui, na buti na béti-nwu béte-ɔ ka edie ekpidi na bekyuli ƒui lili aani kɔtɔ bukpi akpala na Unwoti anumi.

Lewiƒuɔ Ɔda Bubo 1:5

Ɔmmɔ kama ni, ɔdubɔdu ɔmantɛ akɔ ɔgyani ɔmmɔ na Unwoti Adi Kevo kammɔ kayakun kenye. Na Aaron bebi bananabi bani ndi bakpane mmɔ ndubɔkɔliku ubugya ɔmmɔ katɔ batina-mi asa na bakuna-nwu bewi lɛkpabi lɛni nnye Unwoti Adi Kevo kammɔ kayakun kenye mmɔ lɛlɔ bamana.

Esekiel 42:13

Mmɔ na ɔnana ɔmɛni ɔ́su-mi ɔnini, “Lɛtɔ lɛni na nkya kakpakɔ kammɔ katɔ kakɛ ku kada kakɛ ni, ani bédie bése sɛsɛɛ béte Unwoti bakpane badubɔdi akpala ani nse kedee etulo ƒui mmɔ. Na akpala amɛni ndi antabi udu akpala ku ekpidi lili buvele akpala ku unwi bɔbla akpala.

Lewiƒuɔ Ɔda Bubo 2:10

Na ɔkladi ɔni mebu ɔdi Aaron ku bebi bananabi ɔdi aani bana kadikɔ kani bédie bése sɛsɛɛ ɔ́siku akpala ani na béboku-mi kemmo.

Lewiƒuɔ Ɔda Bubo 7:2

Na kesii kani na bádu bɔkyula ƒui akpala ebuo ni, mmɔ kani na ɔlɛka badu kɔtɔ bukpi akpala ebuo ɔmɛni lɛnɔ na beti nwuna ubugya bakuna bewi lɛkpabi lɛmmɔ lɛlɔ bamana.