Lewiƒuɔ Ɔda Bubo 12:5 - Katɔti Ɔku Kedee

⁵ Na si ulekubi na uleku ɔmmɔ ɔ́wɔ ni, uwele ɔmmɔ uuuse sɛɛn wetédu kwasida inyɔ. Na ɔlɛka ulie emeyi liti ku leevu-ɛku na ɔbla sɛɛn ɔsiku nwuna ubugya buwi kemmo.

Lewiƒuɔ Ɔda Bubo 12:5 Referans Kwoze

Lewiƒuɔ Ɔda Bubo 12:4

Na ɔmmɔ kama uwele ɔmmɔ ɔlɛka ulie emeyi avlaatɛ asa na wabla sɛɛn ɔsiku nwuna ubugya buwi kemmo. Na utalɛka uwele ɔmmɔ utuku lɛla lɛni na bábla-ni kedee iye usie Katɔti kakpakɔ utédu ka nwuna lɛlɔ bɔbla sɛɛn emeyi ammɔ édu.

Lewiƒuɔ Ɔda Bubo 12:2

“Su Israelƒuɔ anini, ‘Si uleku ɔ́da kaƒɔ na ɔ́wɔ ubi ɔnanabi ni, uwele ɔmmɔ uuuse sɛɛn wetédu emeyi maatɛ. Na úlieku kalɛ kani na si ɔ́ƒɛ kɔnu na uusé sɛɛn wetédu emeyi maatɛ.

Ala Kalɔ Buse 3:13

Mmɔ na Unwoti Katɔti úye uleku ɔmmɔ ɔnini, “Bi na ábla mɛni?” Amu na uleku ɔmmɔ údie kenye ɔnini, “Kɔlakpi kɔmmɔ nátɔlɔ-mi na lɛ́di.”

Lewiƒuɔ Ɔda Bubo 12:6

“ ‘Na si lɛlɔ bɔbla sɛɛn emeyi ammɔ édu na ubi ɔnanabi iye ulekubi bɔwɔ kama ni, ɔlɛka uwele ɔmmɔ ɔwia koƒonu ubi ɔni náakɛ lɛkwa uboku ɔkpane na Unwoti Adi Kevo kammɔ kayakun na uti ɔbla akpala bɔkyula ku mangbɛ iye abloduma na uti ɔbla likpidi lili buvele akpala ute Unwoti.