Lewiƒuɔ Ɔda Bubo 10:14 - Katɔti Ɔku Kedee

¹⁴ Na kayi ɔvu ɔmmɔ ni, awɔ ku ƒula bebi bananabi ku belekubi ƒui bɛkana na bɛkun anwu. Ɔsika ɔmmɔ na bɛ́kɔliku katɔ bɛ́tina Unwoti bíbo kudu ku nwuna libuli lɛnɔ. Na kesii kani na bɛdubo lɛna lɛmmɔ bɔkun ni, bɛnu ka kesii kammɔ kese sɛɛn na lɛla lɛni muusé lɛlɔ lɛdi liiibo mmɔ. Ɔmmɔ ndi bina kadikɔ ɔ́si unwi bɔbla akpala ani na Israelƒuɔ bábla kemmo.

Lewiƒuɔ Ɔda Bubo 10:14 Referans Kwoze

Bumomo Bɔka 18:11

“Ɔmmɔ kama akpala sɛsɛɛ biala Israelƒuɔ badubuti beboku-mi adi awɔ ku ƒula bebi ɔdi. Na líti-nya muute awɔ ku ƒula bebi bananabi ku belekubi ɔƒɛni ku uwi ɔni mebo ƒui. Na ukyuli biala nási ƒula kaduli kemmo na ukyuli ɔmmɔ use sɛɛn ɔkana ɔdi ala ammɔ adi.

Yohane 4:34

Yesu ɔ́su-ma ɔnini, “Mina adila ndi ka lɛbla anwu ɔni nátala-mi lɛƒɔyɔ na lɛwɔlɔ kabla kani na úte-mi ka mbabla.

Lewiƒuɔ Ɔda Bubo 9:21

Na kayi ɔvu ɔmmɔ geen ku kɔdianu libuli ni, Aaron ɔ́kɔliku-nwu katɔ ɔ́tina Unwoti úbo-ni kudu aani kalɛ kani na Mose úbo ɔda ka babla.

Israelƒuɔ Bɔlɛ 29:33

Na Aaron ku bebi bananabi lɛti badi adila kedee ammɔ. Na beti babla likpidi kɔtu bɔni budie lɛkpa limeyi bɔdi. Na taya na ukyuli ɔdi ɔdi adila ammɔ adi ubunku-ma.

Lewiƒuɔ Ɔda Bubo 10:13

Bɛdi-nya na kesii kani nse kedee mmɔ, ɔsika ɔmmɔ ndi awɔ ku ƒula bebi bananabi kadikɔ, na akpala ani na bákyula lɛkpabi lɛlɔ béte Unwoti mmɔ kemmo. Na ɔmmɔ ndi ɔda ɔni na Unwoti úbo-mi,

Bumomo Bɔka 5:9

Na Israelƒuɔ etela ani na bédie-nya sɛsɛɛ béboku ɔkpane adi ɔkpane ɔmmɔ adi.

Esekiel 42:13

Mmɔ na ɔnana ɔmɛni ɔ́su-mi ɔnini, “Lɛtɔ lɛni na nkya kakpakɔ kammɔ katɔ kakɛ ku kada kakɛ ni, ani bédie bése sɛsɛɛ béte Unwoti bakpane badubɔdi akpala ani nse kedee etulo ƒui mmɔ. Na akpala amɛni ndi antabi udu akpala ku ekpidi lili buvele akpala ku unwi bɔbla akpala.

Lewiƒuɔ Ɔda Bubo 22:13

Nsu si ɔdi ukpinele iye ɔ́lɛ kɔgya na uuubo bebi badi na ɔ́sɔ únwini úsie ulie ɔti kesii aani nwuna ligblebi uwi ni, ubo kuƒi ka ɔdi adila ammɔ adi biala. Ukyuli keeke ɔdi biala uuubo kuƒi ka ɔdi adila ammɔ.