Lewiƒuɔ Ɔda Bubo 10:10 - Katɔti Ɔku Kedee

¹⁰ Ɔlɛka kavumana kakya lɛla lɛni nse kedee ku lɛni neeese kedee ntɛ. Na ɔlɛka kavumana kakya lɛla lɛni báƒuna bése sɛsɛɛ ku lɛla lɛni na baaƒuƒwɛ ntɛ.

Lewiƒuɔ Ɔda Bubo 10:10 Referans Kwoze

Esekiel 22:26

“Israel bakpane bédie mina ɔda bubo atu! Na ɔɔɔdi buni kani na béni na balábu mina ala ani na ese kedee mmomu béni na balátina bekyuli bammɔ kavumana kani na kakya ala ani na ese kedee mmɔ ku ala keeke ntɛ iye ala ani nse sɛɛn ku ani neeese sɛɛn ntɛ. Na baabla mina Lɛnwunameyi kalɛ kalɛ aani limeyi keeke biala kalɛ kani na ɔkɛnku ɔmmɔ ɔsu mina kadi bekyuli basɔ balabu-mi.

Lewiƒuɔ Ɔda Bubo 11:47

Na ɔlɛka bɛnu kavumana kani na kakya bebuo bani nse sɛɛn ku bani neeese sɛɛn ntɛ. Na bɛnu bɛti kubweyi kɔni na bɛkana na bɛkun ku bani na útalɛka bɛkun.’ ”

Tito 1:15

Lɛla biala lise kedee lite bekyuli bani alati nse kedee. Nsu bekyuli bani ndi bekyuli bekpidi na balaƒɔ taadi ni, lɛla biala liiise kedee, ɔsika bana kasusu kemmo kéyi ku ala ekpidi, na basɔ balanu lɛbuni ku likpidi taati.

Esekiel 44:23

“Ɔdi ka bakpane bammɔ batina bekyuli kavumana kani nkya ala ani nse kedee ku ala keeke ntɛ. Na batina-ma ala ani nse sɛɛn ku ani neeese sɛɛn ntɛ.

Yeremia 15:19

Mmɔ na Unwoti ɔ́su-mi ɔnini, “Da bɔtɛmi aani ɔdɔlɔdi lɛni ya! Si ƒula kasusu kénwini kébo-mi kudɔ na ákɔ mina litemi lɛsa ni, ndubɔya na asɔ ataabla mina kenye udiene kabla. Na mɔɔnu ulu ka Yudaƒuɔ baƒɔ kenye kani na aasu-ma. Nsu tabu anii baaadubo-ɔ butaayila na bataakya-a liƒu.

Lewiƒuɔ Ɔda Bubo 13:43

Na ɔlɛka ɔkpane ɔsia-nwu anumi kaduɛ ɔnu. Na si alɛbi ani nákɔ álɛ-nwu ketikɔ ku lɛtɛntɛ mmɔ adi ugyiedi ku ɔƒualadi ɔ́sala aani ɔlɛgyie ɔni mɔɔví ni,

Lewiƒuɔ Ɔda Bubo 14:57

ku kalɛ na banu bati si lɛla lɛdi lise sɛɛn iye liiise sɛɛn lɛlɔ. Ammɔ ndi ɔda bubo bɔni nkɛnku lɛlɛ lɛni mɔɔví ku butili lɛlɔ.