Lewiƒuɔ Ɔda Bubo 10:1 - Katɔti Ɔku Kedee

¹ Na uwi ɔmmɔ ni, Aaron bebi bananabi inyɔ bani ndi Nadab ku Abihu béti bana kɔlɛkɛ kɔni lɛlɔ na beedie ogya teewi na bédie ogya béwi-ku lɛlɔ. Béti oloƒui béwi ogya ɔmɛni lɛlɔ banii baakyula bete Unwoti na ɔmɛni ɔ́ta únye ɔda bubo bɔni na úte-ma lɛlɔ.

Lewiƒuɔ Ɔda Bubo 10:1 Referans Kwoze

Bumomo Bɔka 26:61

Nsu Nadab ku Abihu békpi uwi ɔni na béti oloƒui béwi ogya bani baakyula kesii kani na Unwoti útete kuƒi.

Lewiƒuɔ Ɔda Bubo 16:12

Ɔmmɔ kama ɔdubuti oloƒui bɔkyula libui lɛni na ɔdubuyile ku agyabi bɔsiku Unwoti lɛkpabi lɛmmɔ lɛlɔ ku oloƒui ɔni bákɔ kaduɛ akɔkɔ anyɔ na uti uduoku kakpakɔ bule kɔdi kɔmmɔ kama.

Lɛkpa Ulu 12:32

Na bɛnu ka bɛ́bla lɛla biala na líbo-mii ɔda nnii bɛbla. Na bitada ɔdi bitedie iye biteti ɔdi bitebunku.

Bumomo Bɔka 16:46

Mmɔ na Mose ɔ́su Aaron ɔnini, “Babla na eti ƒula oloƒui libui na edie ogya asiku Unwoti lɛkpabi lɛmmɔ lɛlɔ na ewi oloƒui, na ekeli esie Israelƒuɔ bammɔ akɔ na atábla akpala ete Unwoti úte bana likpidi kɔtu bɔni budie. Ɔsika Unwoti úti kɔnyi ɔ́kya bekyuli bammɔ na ɔgbankpi úse kalɔ ɔɔlɛ́ku-ma.”

Israelƒuɔ Bɔlɛ 24:1

Amu na Unwoti ɔ́su Mose ɔnini, “Awɔ ku Aaron ku Nadab ku Abihu ku Israel benengu liti ku aavlanyɔ bammɔ bɛkɔ bibo kɔbi katɔ mɛni na bebenye kɔƒɛlɛ kesii kadi na bakpa-mi.

Israelƒuɔ Bɔlɛ 6:23

Na Aaron úti Aminadab ubidi ulekubi ɔni baalɔ banii Elisaba ɔni ndi Nahson ɔnwani, na báwɔ Nadab ku Abihu ku Eleasar ku Itamar.

Kɔgya 141:2

Ya na mina katɔ bɔkpali bunwini aani oloƒui ƒɛƒɛɛ ɔni baakyula na ƒula anumi. Na si lɛ́kɔliku mina enu katɔ ni, na ɔbla aani useyi uwi akpala ani na baabla teete-ɔ.

Lewiƒuɔ Ɔda Bubo 22:9

“ ‘Bakpane ƒui ɔlɛka badi ɔda bubo bɔni líti muute-ma mɛni lɛlɔ kalɛ na baláƒiɔ na bekpi si bátanu ala ammɔ bátabu. Ami ndi Unwoti ɔni nédie-ma úse sɛsɛɛ líte lɛlɔ ka bese kedee.

Israelƒuɔ Bɔlɛ 28:1

Amu na Unwoti ɔ́su Mose ɔnini, “Ƒ'ɔnwani Aaron ku nwuna bebi bani ndi Nadab ku Abihu ku Eleasar ku Itamar ni, lɔ-ma lɛku Israelƒuɔ bammɔ akɔ na bebo-ɔ kudɔ. Ɔsika ama ndi bekyuli bani na lɛ́ƒuna lɛ́lɛku Israelƒuɔ akɔ ka babla mina bakpane.

Israelƒuɔ Bɔlɛ 24:9

Amu na Mose ku Aaron ku Nadab ku Abihu ku Israel benengu liti ku aavlanyɔ bammɔ bésie kɔbi kɔmmɔ lili,

Lewiƒuɔ Ɔda Bubo 16:1

Na Aaron bebi bananabi inyɔ bani nékpi na kakpakɔ mmɔ ka bátabla Unwoti lɛyɔla kukpi kama ni, Unwoti ɔ́tɛmi úte Mose.

Lewiƒuɔ Ɔda Bubo 9:24

Na ogya ɔ́bwɛ ɔ́lɛ ɔ́si Unwoti Adi Kevo kemmo mmɔ úbakyula lɛla biala údie na lɛkpabi lɛmmɔ lɛlɔ kede kede. Na ka bekyuli bammɔ ƒui bánu ɔmɛni ni, báva momoomo ku lɛlɔyɔ na béti anumi bébi kalɔ.

Israelƒuɔ Bɔlɛ 27:3

Na eti abuala egyiedi avɔ oloƒui bɔkyula lɛlɔ ala aani ntɔ kewikɔ ebui ku ogya budie kalɛkɛ ku soƒi ku oloƒui uyɔ bubo lɛkyami ku kɔbwɛlɛmii kɔni mɔɔda agyabi ku ɔni baatu lɛna ƒui.

Hebriƒuɔ 9:4

Mmɔ na sika ugyiedi lɛbi lɛni lɛlɔ na baakyula oloƒui lɛlɛ ku sika ugyiedi adaka ɔni kemmo na Katɔti bunyimi bɔkya. Na adaka ɔmɛni kemmo ni, atabi kɔlɛkɛ kɔni lɛlɔ bénweni bunyimi bɔmmɔ basia kɔkya. Na Aaron ugyii ɔdadi ɔni nédie evete lɛnɔ ɔkya-nwu kemmo ku sika ugyiedi lɛkyami lɛdi. Na nina kemmo ni, Katɔti adila ani baalɔ manna akya.

Yeremia 44:15

Yudaƒuɔ lisu bonwu lɛdi bani nákya Egyipte kalɔ kammɔ katɔ ku kada kakɛ ƒui benye beenú asa na mɔɔsu ala ani na Unwoti ɔ́su-mi. Na banana bammɔ ketulodikɔ na kasalakɔ kammɔ bagyi ka bana beleku baakyula oloƒui teete baƒiɔ bamba. Anwuɔsu ama ku bana beleku ƒui báva ku lɛdi momoomo banini,

Yeremia 44:8

Bina baƒiɔ bani na bɛɛkpá ku kalɛ na bɛɛkyula oloƒui teete baƒiɔ bamba ɔ́si ɔni na bɛ́si Egyipte bíbo mɛni ɔ́ya na lɛ́kɛ kɔnyi geen. Na bɛdubo kukpi kɔni muusé lɛlɔ bukpi. Na kadi bamba bekyuli badubo-mii lɛnyi bɔlɔ bewida bekyuli banii ɔlɛku-ma kalɛ na ɔ́lɛku-mii.

Yeremia 32:35

Na báya na Yuda lɛnɔ únwini alaekpidi ɔblane, ɔsika bátu ekpo ekpo bálɛ Ben-Hinom Kɔwɛ kemmo ka bataakpa Baal baƒiɔ. Na béti mmɔ bénwini kesii kani na baadú bana bebi bananabi ku belekubi taakyula taakpa Molek baƒiɔ. Na ami ńtabla kasusu kamɛni udu kudii muedi ka babla ɔmɛni udu bete-mi.

Yeremia 7:31

Bɛ́tu akpabi bɛ́lɛ Toƒet na Hinom Kɔwɛ kemmo kesii kani na bɛɛdú bina bebi taakyula taabla akpala teete baƒiɔ. Na ami lɛɛɛdubo kasusu bɔbla nnii mɔɔsu-mii na bɛbla lɛla lɛmɛni udu.

Lɛkpa Ulu 17:3

na úsie utákpa baƒiɔ badi iye kɔbuli iye ɔƒɛ iye ayabi uwi ɔni na Katɔti ɔ́su ka ɔdi utabla lɛni kudii ni,

Lɛkpa Ulu 4:2

Na biteti ɔda bubo bɔbambadi bɔdi bitebunku ɔda bubo bɔmɛni lɛlɔ. Iye bitada ɔdi bitedie lɛnɔ. Mmomu bɛdi Unwoti ɔni ndi bina Katɔti ɔda bubo bɔni líti muute-mii mɛni lɛlɔ.

Israelƒuɔ Bɔlɛ 40:27

Na ɔ́kyula oloƒui ƒɛƒɛɛ aani kalɛ kani na Unwoti úbo-nwu ɔda.

Israelƒuɔ Bɔlɛ 38:3

Na ɔ́vɔ akyami ku soƒi ku ogya akyami ku kɔbuɛlɛmii lidu lidu. Na ala amɛni ƒui abuala egyiedi na úti ɔ́vɔ-nya.

Israelƒuɔ Bɔlɛ 37:29

Na ɔ́sɔ ɔbla ala kewikɔ kesii kani beewi nnɔmii kedee ku oloƒui ɔni muunwenyi ƒɛƒɛɛ na béti ala ƒɛƒɛɛ básala-nwu.

Israelƒuɔ Bɔlɛ 31:11

Na badubɔbla nnɔmii ku oloƒui ƒɛƒɛɛ ɔni beeti taabla Katɔti Kakpakɔ Kedee lɛlɔ kabla. Na badubɔbla ala amɛni ƒui aani kalɛ kani na líbo-ɔ ɔda.”

Baga 1 18:38

Amu na kɔnakunwi ni, Unwoti ogya ɔ́si katɔ na úbakyula akpala ammɔ ku ekyweni ammɔ ku atabi ammɔ ku lɛti lɛni nwi mmɔ. Na ogya ɔmmɔ ɔ́ta útéduo ntu bɔni béku ubu na buwi-nwu kemmo mmɔ na ɔ́da na ɔkyula-mu ƒui kede kede.

Israelƒuɔ Bɔlɛ 8:27

Anwuɔsu ɔlɛka buti emeyi atɛ busie butéduo ketele kemmo na butábla akpala ammɔ na mmɔ aani kalɛ na bula Unwoti Katɔti úbo-bu ɔda.”

Bumomo Bɔka 4:18

“Bɛnu ka bétekulo Kehat adua ku bana kaba bekyuli bítedie Lewiƒuɔ lɛlɔ.