Kɔnyana Buwulo 4:19 - Katɔti Ɔku Kedee

¹⁹ Bátu bási bébo-bu lɛlɔ ku usi ɔni ntulo kalɛ na kɔdigbo aasɛ ɔɔyu teebo kalɔ. Na bábwi-bu bási abi lɛlɔ, na bákywɛ-bu kɔkpagyuɛ bése ka beƒie-bu na kalɔ kakwiidi kemmo.

Kɔnyana Buwulo 4:19 Referans Kwoze

Habakuk 1:8

Bana bekpone bani muulie bapɔnkɔ beekeli usi teetulo bebuoƒuala na baabla kɔnyi ala ku ogya teetulo beƒukutu bani mɔɔbwi bebuo bamba si ɔƒɛ ɔ́nu. Na bana usi ɔɔbabala teetulo kɔdigbo aasɛ ɔni na kɔka kɔɔda na ɔɔtu taasi kayaa ka ubeƒie lɛla lɛdi na kalɔ.

Yeremia 4:13

Bɛnu! Aanu bina bekisine bekpone ka bási baayu aani kalɛ na kɔdigbo kɔɔtu taayu lɛla lɛni na uƒie lɛlɔ. Bana bapɔnkɔ ku kɛɛkɛ uukeli usi momoomo teetulo kalɛ na ɔƒɛƒɛɛ kpakplaa uuminime liƒlukutu na kayaa. Na mmɔ na bɛdubɔsu ku kɔnyana bɛnini, ‘Abu ɔdi ɔ́sa!’

Hosea 8:1

“Vwi kakpɛɛ na ebo Israelƒuɔ ɔda na ete-ma bɔti anii bekisine bakɛ bana eli baatú-ma na badubo bebéyu-ma batu aani kasangbii ka bébile mina bunyimi na báta bénye mina ɔda bubo lɛlɔ ɔsu.

Lɛkpa Ulu 28:49

Na Unwoti ɔdubɔya na kadi bamba bekyuli bani na si bátɛmi na bilénu kalɔ basi ɔgyu kakaaka bada balɛ-mii lɛlɔ kɔnakunwi aani kalɛ na kasangbii kaayu teeƒie lɛkɔkɔbi kalɛ.

Amos 2:14

Ina dɛ na bina lɛgba lɛɛta ni, bilakana bukeli. Na ina dɛ na bibo ɔlɔkplu ni, ndubutile-mii ala na libile-mii ɔlɔkplu ɔmmɔ na bikpi muedi, na ina dɛ na adi ukpone ni, alakana lɛlɔ budie.

Lewiƒuɔ Ɔda Bubo 26:36

“ ‘Na bina akɔ bani nébu ni, ndubuti liƒu geen lɛkya-ma kayi na kaƒɔ kesii kani na bakya bana bekisine akɔ mmɔ, na si ina ɔƒɛƒɛɛ nébo livete lɛdi ɔɔvínku muedi ɔdubɔya na beteekeli aani ukyuli ɔdi mɔɔbɔku-ma. Na badubo bukeli aani kewii na bada baabɔku-ma na bebuli ina ka ɔdi ɔɔɔsiaku-ma.

Yeremia 16:16

“Nsu ɔƒaani ni, ndubuti bekisine bani ndubo-mii buƒie limene-mii na beƒie-mii aani kɔbɛ na ketu na babwi-mii na badu-mii aani alakpi akɔ bebuo na abi eli ku atakpɛ libu kemmo.

Kɔnyana Buwulo 1:13

“Áya na ogya ɔ́si katɔ úbo na ɔɔkyula-mi teeduo-mi ekubi kemmo. Ákywɛ-mi kakpagyuɛ, na nsɔ naaakɛ́ kavikɔ. Na áya na ɔtɔtɔ ɔɔgyú-mi limeyi limodi na ɔlɛ ɔni na muunú uwi biala ɔsu.

Hosea 8:3

Nsu bina bekisine badubo-mii bɔbɔku ka bíni bunyimi bɔbuni bɔni na ami ku-mii búnyimi ɔsu.