Kɔnyana Buwulo 3:32 - Katɔti Ɔku Kedee

³² Ɔɔyá na buubó abi geen, nsu lɛni kani na ɔɔnu kɔnyana, ɔsika ubo bɔyɔ ute-bu uwi ndi uwi.

Kɔnyana Buwulo 3:32 Referans Kwoze

Kɔgya 78:38

Ina amu ni, ɔ́nu-ma kɔnyana na úti bana alaekpidi ɔ́kyiɛ-ma na útayila bana ƒui udu. Katɔti uuƒie nwuna kɔnyi kenye pla pla na ulábla ala teetédu kalɛ na úti kɔnyi kenye.

Kɔgya 103:11

Na kalɛ na kayaa kágyunku kalɔ ni, lɛni kani na nwuna bɔyɔ bɔni neeebo kawɔkɔ búbomo búte bekyuli buni bani mɔɔyia-nwu ku ɔbu.

Kɔgya 30:5

Uléti kɔnyi taakya ukyuli uwi gyɔlɔɔ. Mmomu nwuna lɛƒɔndia lise lísela uwi ƒui. Si ina keku sɔɔn na buuwulo usien umodi ni, lɛlɔ lɛdubɔyɔ-bu ɔtanta.

Hosea 11:8

“Israelƒuɔ, naaakana-mii bɔnyonu lɛni iye lidie-mii atu. Na naaakana makyula-mii aani kalɛ na lɛ́bla Adma ku Seboim. Oowo, uladia-mi bɔbla lɛni, ɔsika mina kayi kelete-mi kuƒi na kalɛ na mɔɔyɔ́-mii ɔsu.

Litemi Batɛne 10:16

Mmɔ na bébo baƒiɔ bani na báƒɔ bése lɛlɔ mmɔ bévaakun, na bése kalɔ baabla Unwoti kabla. Ɔmɛni ɔsu ɔ́sɔ útakana bunye bɔnu Israelƒuɔ abi ani na beebó mmɔ.

Israelƒuɔ Bɔlɛ 3:7

Amu na Unwoti ɔ́su Mose ɔnini, “Lɛ́nu kalɛ na Egyipteƒuɔ bakya baanya Israelƒuɔ taakya ku kalɛ báya na beebó abi. Na muunú bana keku kani beewulo taawia ukyuli ɔni mekpo maƒɔ-ma malɛku bana lɛbibo kemmo.

Luka 15:20

Amu na ɔ́ta kɔnakunwi na úti ala na ɔ́yu ulu úsela ɔti kudɔ. “Ka ɔti ɔ́nu-nwu ɔ́ti ɔni na ubidi ɔmɛni ɔmu ɔkɛ ɔgyu ɔdubo ni, ubidi lɛlɔ lɛ́bla-nwu kɔnyana, na úkeli útátu ɔda-nwu ku kubiti.

Yeremia 31:20

Israel kadi bekyuli, ami ɔlati mina bebi bani mɔɔyɔ́ geen na bɛdi. Ɔɔɔdi ami na mɔɔyɔ́ teetulo ƒui na kadi bekyuli akɔ yoo? Ina ka muubó-mii lɛnimi enwu ku kɔnyi taasu ka ndubo-mii bɔtina ni, bɔyɔ na mɔɔyɔ́ ka bɛni bide-mi na lɛnu-mii kɔnyana. Ami Unwoti násu.

Baga 2 13:23

Nsu Unwoti ɔ́nu Israelƒuɔ kɔnyana na útete kuƒi na bayila-ma udu. Mmomu úbunku-ma ɔ́si bunyimi bɔni na únyimi ku Abraham ku Isak ku Yakob ɔsu. Anwuɔsu ulátuna ka ɔyila-ma udu úti úbedu ɔmwi kadi.

Kɔnyana Buwulo 3:22

Unwoti uleni lɛƒɔndia bɔbla kudii! Ɔsika si ɔɔɔdi nwuna kɔnyana kɔni na ɔ́nu-bu ɔsu ni, nka bɔ́yii ku udu.

Israelƒuɔ Bɔlɛ 2:23

Akwa pii adi kama ni, Egyipteƒuɔ ɔga úbekpi. Nsu Israelƒuɔ bamu bakya bana lɛbibo kemmo. Ɔmɛni ɔsu béwulo bévele Katɔti ka ubedie-ma ɔlɛku bana lɛbibo kemmo.

Nahum 1:12

Ɔmɛni ndi lɛla lɛni na Unwoti ɔɔsu ɔnii, “Ina dɛ na Asiriaƒuɔ bemomo na bábla unwi na bebo ɔyikun ni, badubo udu bɔyii! Na awɔ Yuda ina ka lɛ́ya na ébo abi dii muedi ni, nsɔ lɛɛɛdubo bɔya na ɔmmɔ udu ɔsɔ ɔlɛku-ɔ.

Yesaia 27:8

Kekpo ku bana bɔbɔku taatákya kɔlɔ bamba kemmo ndi lɛla lɛni na éti ékpoku-ma aani ɔƒɛƒɛɛ kpakplaa ɔni muukpó taasi ɔƒɛ katukɔ na uubó ala taatɔlɔku.

Yesaia 54:7

Uwi klukwii ɔdi kani na lídie-mii ɔda, nsu ndubɔsɔ lɛƒɔ-mii na lɛkya-mii kɔgbu ku bɔyɔ geen.