Kɔnyana Buwulo 2:2 - Katɔti Ɔku Kedee

² Unwoti útanu Israel lɛma lɛmmɔ kɔnyana munu munu, mmomu ɔ́bwɛ-ni na ɔ́yila kɔgyumanakɔ kpakplaa kɔmmɔ ƒui udu. Na úboku bagadine ku lɛgakadikɔ kɔmmɔ ƒui kalɔ ɔkɛnku nwuna kɔnyi ɔsu.

Kɔnyana Buwulo 2:2 Referans Kwoze

Kɔnyana Buwulo 3:43

“Kɔnyi kɔ́ƒɔ-ɔ lɛlɔ kemmo ƒui na asiaku-bu aadú-bu ɔni na kɔnyana bɔnu bɔdi buuubo.

Kɔnyana Buwulo 2:17

Lɛla lɛni na Unwoti ɔ́su úse kuuku ka wabla ni, ɔ́bla-ni lɛni kani, na ɔ́yila-a udu ɔni na útanu-ɔ kanyana, na ɔ́ya na ƒula bekisine baakun lɛmɛnɛ ka bana ɔyikun udu ɔdi ɔsɔ uuubo.

Yesaia 43:28

Ɔmmɔ ɔsu nsɔ ńtete kuƒi ka bina bakpane babla-mi kabla. Mmomu lɛ́ya na bákyula Israel kadi na bákya bina bekyuli kɔƒa.”

Yesaia 25:12

Na ɔdubɔƒɔ bana awodu ani na bátu bámana bana kalɔ na atɛ kalɔ na utu-nya ɔ́bwɛ kpɛtɛ kpɛtɛ unwini ɔtumu.

Kɔgya 21:9

Si uwi ɔni na Unwoti ɔ́da ɔ́lɛ ku kɔnyi ni, ɔdubɔyila-ma udu aani kalɛ na lɛgyavonku lɛɛkyula ala.

Esekiel 9:10

Anwuɔsu lɛɛɛdubo-ma kɔnyana bɔnu iye liti lɛkyiɛ-ma lɛnɔ. Ndubo-ma kɔtu bɔni na ala ani na bábla kenye.”

Kɔnyana Buwulo 2:21

Benengu ku banamu ƒui békpi bewi lɛblɔnu lɛlɔ ɔni na badi mina bekyuli. Na ɔkɛnku ƒula kɔnyi ɔsu ni, bekisine bébeyi mina bakloƒu ku begblebi ƒui bádu kalala kemmo.

Kɔnyana Buwulo 2:5

Unwoti ɔ́bla lɛlɔ aani ukisine, na ɔ́da Israel úwi aani ɔma ɔni nábwɛ, na nwuna baga lɛgbanya ku ɔma kɔgyumanakɔ kpakplaa ƒui kɔ́bwɛ. Na ukyuli biala uuwulo keku na Yuda kalɔ ƒui lɛlɔ ku kɔnyana.

Yesaia 26:5

Na bekyuli bani mɔɔkɔliku lɛlɔ katɔ ni, uuboku-ma kalɔ. Na lɛma linengudi lɛni bekyuli mɔɔnu lɛlɔ katɔ katɔ ni, uutú-ni teegyingya na lɛɛbla kpɛtɛ kpɛtɛ teenwini ɔtumu.

Korintoƒuɔ 2 10:4

Ɔsika ekpola ani na bɔda buukpó ni, aaadi kayawi kamɛni ekpola. Mmomu Katɔti ɔyikun na ɔdi na buti bɔɔdi ukisine ɔmmɔ kama kekpokɔ lɛlɔ.

Mateo 18:33

Lɛni kani na ɔdi ka awɔ lɛnɔ anu ƒula ɔkpana kɔnyana aani kalɛ na lɛ́nu-ɔ kɔnyana.’

Malakai 1:4

“Esau bebi ku bawɔ badubɔkana na basu banini, ‘Ina ka bula Edom kalɔ káyii udu ni, bɔdubɔsɔku-ka bɔtu.’ “Nsu ami, Unwoti Ɔyikune Ƒui, líse kenye ka lɛla biala na bátu ni, ndubudi-ni lɛbwɛ liwi kalɔ na bekyuli ƒui banu ka lɛɛɛdubo kɔnyi bɔda buti taakya-ma bɔya na uwi ɔni kemmo na bamu benye bana ekpidi bɔbla lɛlɔ ɔsu.

Esekiel 8:18

Anwuɔsu ami lɛnɔ kɔnyi kpakplaa kemmo na ndubo-ma kɔtu bɔni na lɛɛɛdubo-ma kɔnyana bɔnu munu munu. Na si ina baava taakpali-mi teevele muedi lɛɛɛdubo bunu bute-ma.”

Esekiel 7:9

Bina ekpidi ávi ntu na etulo bɔsu, anwuɔsu nsɔ lɛɛɛdubo-mii kɔnyana kɔdi bɔnu lɛnɔ. Na bɛdubo bɔnu bɔti ka sɔsɔ ami Unwoti náni-mii kɔtɔ lɛni.

Esekiel 7:4

ɔni na nsɔ lɛɛɛdubo ɔdi kɔnyana kɔdi bɔnu lɛnɔ. Ndubo-mii kɔtu bɔni na likpidi lɛni na bɛ́bla ɔsu na bɛnu bɛti ka ami ndi Unwoti.

Esekiel 5:11

Bina alaekpidi ani na bɛɛbla na eesé lɛlɔ mmɔ áya na mina kakpakɔ kasɔ kaaadi kesii kani námanku ka bakpa-mi. Anwuɔsu na lɛ́kpali lɛlɔ líse kenye ka ndubo kama bunwini bɔkya-mii na nsɔ lɛɛɛdubo-mii kɔnyana kɔdi bɔnu lɛnɔ.

Yeremia 13:14

Na ndubo-ma buti bubonku lɛlɔ aani ebui ammɔ kalɛ. Na lɛɛɛdubo bakloƒu ku begblebi ku benengu bammɔ ƒui kɔnyana bɔnu, mmomu ndubo bana ƒui udu bɔyila. Ami Unwoti násu.’ ”

Yeremia 5:10

“Ndubo bana bekisine bɔsu nnini, ‘Bisie mina adingyii kemo kammɔ kemmo na bikulo kɔgba kɔmmɔ ƒui biwi kalɔ mmomu bitadu kugyii kɔmmɔ ɔlati, ɔsika kɔgba kɔmmɔ ndi bekyuli bani naaadi mina badi.

Yesaia 47:6

Kɔnyi na líti lɛ́kya mina bekyuli anwuɔsu na lɛ́ya na bíƒie-ma kalɔ bɛ́ƒɔ, na bɛ́ya na kɔƒa kúkpo-ma na anumi éwi-ma kalɔ. Bítanu-ma kɔnyana munu munu, mmomu bɛ́bla-ma kalala útédu bana benengu ƒui lɛlɔ.

Yesaia 27:11

Na si egyii ammɔ kɔgba kɔ́kwii ni, kɔɔƒɛ na beleku babayɔ-ku basala ogya. Ɔsika lɛni na Israel kadi bekyuli bamɛni bese na belenu na balanu ala taati. Anwuɔsu na bana udiene lɛnɔ ɔɔɔdubo-ma kɔnyana bɔnu.

Yesaia 23:9

Unwoti Katɔti Ɔyikune Ƒui nábla lɛla lɛmɛni udu, kalɛ na ala ani lɛlɔ lɛmɛne bekyuli baakun ka eekeye ayii udu. Na bani na báƒɔ lɛnyi na kalɔ lɛnɔ mɛni uboku-ma kalɔ.

Hiob 2:3

Unwoti ɔ́sɔ úye-nwu ɔnini, “Na dɛ, ka ésie ni, ánu mina kabla ɔblane Hiob? Ukyuli biala uuubo nwuna kalɛ na kalɔ kammɔ ƒui lɛlɔ. Ɔdi ukyuli ɔni na ɔɔyia-mi na ɔɔbu-mi lɛnɔ geen, anwuɔsu use siin, ɔsika ulayɔ ɔnii ɔɔbla lɛla lɛdi ɔƒiɔ-mi. Na ina ka útabla lɛla lɛdi asa na énye-mi lɛlɔ anii nte-ɔ kuƒi na ekpoku-nwu muedi ni, ɔmu unye nwuna kenyekɔ na ɔɔdi mina litemi lɛlɔ.”

Kɔgya 74:7

Na bákyula ƒula kakpakɔ kammɔ ƒui. Na bébile kesii kani na eelie mmɔ ekisila.

Yesaia 22:5

Unwoti Ɔyikune Ƒui limeyi lɛni na liƒu bonwu lɛdubuƒie bekyuli na bakɛ beteetu lɛgba kalɔ taakɔ taayu ku bɔyia geen na baaagyi lɛla lɛni na baabla ni, ani na bɔɔnu na Ala Bɔnu Kɔwɔ kɔmɛni kemmo. Na badubɔƒɛ awodu bewi kalɔ na bekyuli bataava taakpali abi ka bebebunku-ma.

Mika 5:14

Na lɛbwɛ bina baƒiɔ ligyii ku bina lɛma lɛnɔ muedi.

Lɛkpa Ulu 28:52

Na bekyuli bammɔ badubo bebekpoku bina lɛma lɛni ƒui bina Unwoti Katɔti ɔdubo buti bute-mii. Na bina awodu ani na bɛ́tu bínyene ƒui na anya na bɛ́sia anu na kekpo uwi adubo bɔƒɛ.

Lɛkpa Ulu 32:22

“Mina kɔnyi kɔdubo bɔta bɔda aani ogya kalɛ na lɛkyula lɛla biala na kayawi. Na ɔvi utákyula lɛla biala na lɛkya kalɔ kalɔ. Na ɔkyula abi ƒui.

Yeremia 19:15

“Bina ɔdi biala use kɔtu na unu! Uwi ɔdi návi kemmo ni, Unwoti Ɔyikune Ƒui, Israel Katɔti, ɔ́su-mii kpakplaa ka ɔdubɔya na ɔgbankpi ubo Yerusalem lɛlɔ ku lɛma lɛni na amadɔ mmɔ ƒui. Nsu bɛbla atuɔkplu na bíbulo-nwu litemi bunu. Na ɔƒaani ni, Unwoti ɔdubo bɔya na ɔgbankpi ɔmmɔ ɔlɛ aani kalɛ na úse kenye úse.”